Lk 16:25 - Ikan feg

²⁵ Abràham ya ywìtì gha, ‹Ŋwan, wendi gha, anyumə̀ ne àghò ya yaʼi igun isəg, àghò ya yaʼ inga ìchɔ̀mì, Lazaròs ya yaʼ inga ngəʼ. Àsi amad anìŋ, məd we inga ìchɔ̀mì aŋa àghò si inga ngəʼ aghɔ.

Meta’

²⁵ Àyɨə Abràham nyaʼa ghà ni, 'Wân, kɔndɨ ni ənɨ à nyaʼa ɨkǎ, à nyaʼa berɨ ɨghɨ chɔ̀m, àyɨə Lazarɔ̀s nyaʼa berɨ ɨghɨ rɨbɔ̀ŋ. Tɨ̀nîn məd wɨ ɨŋga chɔ̀m əgha, àyɨə àwɔ̀ wɨ əŋgəʼ.

Lk 16:25 交叉引用

Lk 6:24

Yeso ya bə̀ gha, “Ngəʼ kyen biri nyi igun inən mbə̰ mbe ne àzən yaʼi angu, imbə̀ʼ icheg ne mbə̰ fə jəg ìwən ìchɔ̀mì.

1 Jɔn 2:15

Imbə̀ʼ mbə̰ kɔ̀ŋɔ awən isəg kə̀ inug mbe ne yaʼi inga isəg. Wə̀d mɔ̀ʼɔ mə̀ kɔ̀ŋ isəg, ane ya gha, chəyi tengàŋ kɔ̀ŋi Mbaʼ.

Mk 9:45

Àze aghog mə̀ ghì gha àghò ghiyə anug tibɔ̀ŋ, sɔb aghog ze. Ze bɔ̀ŋ gha àghò jəg ìtḛ̀ ighə̀m imɔʼ tì aghog amɔʼ, chè icheg ne àghò biri bèrì ighog ibe Ŋwiye màʼ awe inga iywid nɔʼ mèg, ne à ya asiŋi ichə.

Rm 8:7

Bəd mbe ne nɔ̀ŋɔ̀ ìtɔb fìŋ igun inug tibɔ̀ŋ mbe ne ìtɔb nyàmnyɔd te ghə̀ʼrə̀, mbɔb ya bəd ìpàb Ŋwiye. À ya ane imbə̀ʼ icheg ne chəyi mbɔb mbe zùgrə Ŋwiye. Ane, chəyi tì mbɔb bə̀ zùgri mə̀nɔ̀ʼɔ̀ Ŋwiye.

Fìlipì 3:19

Asiŋi ne tiku bəd te biri nwḭ̀yḛ̀ inga ya iywid ighə̀m imɔʼ. Ìwɔb ŋwiye ya ighi mbe ne mbɔb mbe ghə̀ʼrə̀. Mbɔb ya kɔ̀mɔ̀ igo ane inug mbe ne nji mbɔb kə̀ bèrì yaʼ tìnìrètog. Mbɔb nɔ̀ŋì ìwɔb ikɔndi igun ighi igun isəg.

Ɨ̀fàʼì 14:22

Mbi yaya yḛ̀ nè nə̀rə fìŋ abə bəd mbe ne ya bḛ Kristo, bə̀ yḛ̀ nè ghà inɔb gha mbe chè imbìghè nyìmi ìwɔb ibḛfiŋ igun Kristo we taŋ kà. Mbi ya bə̀ ghà inɔb gha, “Tì bèrì ni chè inga ngəʼ nɔʼ nɔʼ bɔŋ nyi inga anug ìfɔ̀n Ŋwiye.”

Mə̀Hibrù 11:25

Muse ya də̀b ni zən ngəʼ tì bəd Ŋwiye sɔ̀mɔ ni tə̀d inga inug tibɔ̀ŋ ne chəyi anug ne tə̀d biri tàndì.

1 Tèsàlonikà 3:3

Tì ya chà aməd gha wì yeʼe nə̀ri awən imbə̀ʼ ìwən ibḛfiŋ nɔ̀ʼ bɔd icheg ne mbe chɔʼɔ ìmbən ibɔʼì ighog. Mbə̰ kyèri àzən aghi gha mbi mənyìʼ chɔʼ ìmba ibɔʼì ighog.

Ɨnû 7:14

Mə ya ywìtì ibo gha, “Masà, Chəyi mə̀ kyeri. À ya àghò kyèri.” Wì ya ghà inum gha, “Aŋa ya bəd mbe ne fə che inga ngəʼ ze ne chè abo, si ya gha, chəyi mbi ku. Mbi fə sò ìtɔb ndwi maʼi inga anəm ze Ŋwan njə̀g ti se fùyə.

Jn 16:33

Mə fə ghà inug mbo̰ inən anìŋ ni ghì gha mbə̀ chughi ane àbɔrɔ̀bɔd icheg ne mbə̀ yaʼi ane anug amɔʼ tì inum. Mbə̰ biri zə̰ ngəʼ inga isəg gho̰. Si ya gha, mbə̀ nyimbi fìŋ imbə̀ʼ icheg ne, mə fə màʼ ibid chè isəg gho̰.”

Lk 16:23

Wì ya nyi inga asiŋi ichə se zə̰ ngəʼ. Icheg ne wì ya yaʼi inga angu, wì ya nɔ̀rì atog nèn bàd Lazaròs iban Abràham kwàʼ agha se.

Lk 16:20

Wə̀d ifum mɔ̀ʼɔ ne ìfìʼì ya jəg nyɔd məd yaya bə̀ inuʼ ikam angu. Ikum məd ya Lazaròs.

Matìyò 27:63

Mbi ya pè ghà ibo gha, “Masà, tè wendi gha, anyumə̀ ne Wə̀d we ne tàmba bəd ya kiri yaʼi ika, wì ya gha, ‹Ineg mə̀ pè ane itad, mə biri zweme ane iwu.›

Lk 16:26

Tesiʼ ya gha, səm kyen ghàpì awa tì ine. Chəyi tì wə̀d bàni aŋa yeʼe aba ze. Chəyi tì wə̀d bə̀ bàni aba ze yeʼe aŋa.›