Lk 11:9 - Ikan feg

⁹ Ane, mə ghà inən gha, mbə̀ biri, Ŋwiye biri nàʼ inən. Mbə̀ kəbə, Ŋwiye biri ghì mbə bàd. Mbə̀ gɔngi, Ŋwiye biri fìʼì inuʼ nəb inən.

Meta’

⁹ “Əne mə ghà ɨ nən ni, mbə̀ nɔn, Ŋwìə̀ bɨrɨ naʼ ɨ nən. Mbə̀ kəbə, Ŋwìə̀ bɨrɨ ghɨ̀ ni mbə̀ zə. Mbə̀ goŋgɨ, Ŋwìə̀ bɨrɨ fiʼ ɨ nən.

Lk 11:9 交叉引用

Mk 11:24

Ane, mə ghà inən gha, inug ijìm mbe ne mbə̰ mbe chàʼrà Ŋwiye nɔ̰ ibo, mbə̀ bḛ inga fìŋ gha mbə fə bèrì. Mbə̰ mə̀ bḛ ane, ighi mbe biri yaʼ ìmbən.

Matìyò 21:22

Mbə̰ mə̀ bèrì ibḛfiŋ, nji anyumə̀ ne mbə̀ chaʼra Ŋwiye, wì biri nàʼ ighi ijìm mbe ne mbə̰ mbe bìre ibo.”

Jn 15:16

À ya mo chɔʼi awən, kayi mbə̰ ya chɔʼi amə. À ya mo bə tɔm awən gha mbə̀ gho ko titam ne biri yaʼ ane ighə̀m imɔʼ. Mbə̰ mə̀ fàʼ ane, nji ìmə Mbaʼ biri nàʼ ighi ijìm mbe ne mbə nɔ̰ ibo ane ìmə ikum.

Jn 15:7

Mbə̰ mə̀ chughi ane anug amɔʼ tì inum, ìmə ìngam bə̀ yaʼ inga inən, aghi ne mbə nɔ̰ Ìmə Mbaʼ, wì biri nàʼ inən.

Jn 14:13

Mə biri fàʼ inug mbe ne mbə̀ biri biri ane ìmə ikum, ni ghì gha, bəd ghumni ìmə Mbaʼ anjìm Ŋwan.

1 Jɔn 3:22

Ŋwiye we nàʼà ighi ijìm mbe ne te kə̀bə̀ ina imbə̀ʼ icheg ne tì we zùgrə mə̀nɔ̀ʼɔ̀ məd bə̀ fàʼà inug ijìm ne bɔŋi ibo.

Jems 1:5

Wə̀d mɔ̀ʼɔ mə̀ yaʼ abɔ̀ʼ inən ne chəyi wì beri iwe, tengàŋ nɔn iwe abə Ŋwiye. Ŋwiye we ne nàʼà ighi abə bəd abu abu bə̀ nàʼà ane fìŋ chɔm, wì biri nàʼ iwe ibo.

Mə̀Hibrù 11:6

Wə̀d ne chəyi wì beri ibḛfiŋ, chəyi tì tengàŋ ghì inug ne Ŋwiye kɔ̀ŋi. À ya ane imbə̀ʼ icheg ne wə̀d ne kə̀bə̀ ni ya ghùmnə Ŋwiye, wì mənyìʼ bèrì ibḛfiŋ gha Ŋwiye we angu bə̀ nàʼà chùd abə bəd mbe ne kə̀bə̀ ni kyeri aməd ane ìzɔb fìŋ ijìm.

Jems 5:15

Bəd mə̀ chàʼra Ŋwiye tì ibḛfiŋ, Ŋwiye biri ghù wə̀d ne ghɔ̰̀. Anɔŋisəg biri ghì tengàŋ nɔʼ igun abaʼ aghɔn. Àmə yaʼ aghi ne wì ya gùghi anug mɔ̀ʼɔ, Ŋwiye biri waʼ inug tibɔ̀ŋ məd.

Mə̀Hibrù 4:16

Ane, tì taŋ bḛ Ŋwiye icheg chɔm, ghò ibo imbìghè, məd we ne ghìyə̀ ìchɔ̀mì ina. Tì mə ghì ane, məd biri bèrì àsɔ̀mnəfiŋ igun ina bə̀ ghì ìchɔ̀mì ina mà nyumə̀ ijìm ne te kə̀bə̀.

Jn 4:10

Yeso ya ywìtì ibo gha, “Àkə aghi ne àghò kyèri ineʼi we ne Ŋwiye we nàʼà bə̀ kyèri wə̀d we ne bìre mənib ine, nji à ya àghò bìri ibo, wì si nàʼ mənib ne nàʼà ìtḛ̀ ine.”

Matìyò 6:29

Mə gha tesiʼ inən gha, ka bèyi ifɔn Solomùn inga kə̀tə̀d məd ijìm, chəyi wì ya beri ndwi ne bɔ̀ŋi chè tewàrà ne agyen ze zìyè.

2 Kɔrèn 6:2

Imbə̀ʼ mbə̰ nɔ̀ʼ sàŋì imbə̀ʼ icheg ne Ŋwiye ghà gha, “Anyumə̀ ne nyùmə̀ ya kòʼi inum ni ghì ìchɔ̀mì, mə ya zug anug ne àghò yaya ghà. Aneg ze ne mə̀ yaya pùmnə bəd, mə ya pumni awe.”

Mk 13:37

Ane, anug ne mə ghà inən, ya anug ne mə̀ bə̀ ghà abə bəd məjìm. Anug ze ya gha, ‹Mbə̀ chughi ikyèʼi.›”

Rm 2:7

Wì biri nàʼ ìtḛ̀ ighə̀m imɔʼ abə bəd mbe ne che imbìghè ni nyìʼ fìŋ fàʼ inug chɔm, bə̀ kə̀bə̀ gha Ŋwiye ghiyə mbe beri ighumni, bə̀ kə̀bə̀ gha Ŋwiye gha gha mbɔb fàʼ icheg chɔm bə̀ ghì mbɔb yaʼ izɔm ane ighə̀m imɔʼ.

Matìyò 21:31

Àkə we abɔ̀ʼ bɔn mbaŋà mbo̰ məbe ne ya fàʼi anug ze ne mbaʼ məd ya kə̀bi?” Mbɔb ya ywìtì gha, “À ya ŋwan mbèg.” Ane, Yeso ya ghà inɔb gha, “Mə gha tesiʼ inən gha, bədtag tì ìkwàrì biri bi nyi inga anug ìfɔ̀n Ŋwiye bɔŋ awən.

Ɨnû 2:24

Si ya gha, inən mbə̰ mbe ne buʼi a Tìyàtirà, ne chəyi mbə̰ mbe ghìyə̀ inug mbo̰, ne chəyi mbə̀ kiri kwembi inug mbe ne bəd mɔ̀ʼɔ ya gha à ya inug ne yaʼi inə̀mbi imbə̀ʼ Sàtàn, mə ghà inən gha, chəyi mə̀ biri zì mbèʼ ndəŋ igun inən.

Lk 11:10

Tesiʼ ya gha, wə̀d ijìm ne biri, Ŋwiye biri nàʼ ibo. Wə̀d ne kə̀bi, Ŋwiye biri ghì wì bàd. Wə̀d ne gɔngi, Ŋwiye biri fìʼì inuʼ nəb ibo.