Kòlosè 3:12 - Ikan feg

¹² Mbə̰ ya si bəd Ŋwiye. Wì ya kɔ̀ŋ awən, chɔʼ awən ane ìmbi bəd. Ane, mbə̀ ya bèrè àsɔ̀mnəfiŋ bə̀ ya ghìyə̀ ìchɔ̀mì abə bəd. Mbə̀ ya swìye ìwən nyɔd aseg, bə̀ ya ghìyə̀ inug ane àbɔrɔ̀bɔd bə̀ ya bèrè inyimbifiŋ.

Meta’

¹² Əne mbə̀n mbe nɨ Ŋwìə̀ fə chɔʼ ni mbə̀ yeʼ mbi bə̂d berɨ yeʼ bə̂d zeŋɨ nɨ wɨ̀ ghaʼi kwàʼ rɨŋgəʼ. Mbə berɨ diirɨ bə̂d cherə. Mbə berɨ berɨ ɨbɔŋ fîŋ. Mbə berɨ berɨ bɔtɨ ɨnyod. Mbə berɨ berɨ ɨbɔtɨ fîŋ bə̀ berɨ ɨyim fîŋ.

Kòlosè 3:12 交叉引用

Efesùs 4:32

Mbə̀ ya ghìyə̀ inug chɔm bə̀ bèrè àsɔ̀mnəfiŋ igun mə̀mbin bə̀ waʼ inug tibɔ̀ŋ bəd kwàʼ icheg ne Ŋwiye che anjìm Kristo waʼ ìmbən tì inug tibɔ̀ŋ.

Efesùs 4:2

Mbə̀ ya swìye ìwən nyɔd aseg. Mbə̀ chughi ane àbɔrɔ̀bɔd. Mbə̀ ya nyìmbe fìŋ tì mə̀mbin. Àze biri ya chwìye gha mbə̰ mbe kɔ̀ŋɔ̀ bəd məjìm.

1 Jɔn 4:19

Tì ya kɔ̀ŋɔ̀ bəd imbə̀ʼ icheg ne Ŋwiye ya fə bì kɔ̀ŋ awa.

Kòlosè 3:10

Amad anìŋ, mbə̰ fə bèrì ikuchèg feg. À ya Ŋwiye ya nàʼi ikuchèg feg gho̰ ni gha mbə̀ taŋ kyèri aməd we ne ghi mbə bèrì ikuchèg feg we.

2 Pità 1:10

Ane, ìmbum məfi fɔrɔ ìtum njàbi, mbə̀ kirə ika ni chughi kwàʼ məyi icheg bəd ne Ŋwiye ya kàri bə̀ chɔʼ gha mbə̀ yaʼ ìmbi bəd. Mbə̰ mə̀ chùghi ane, nji chəyi mbə̀ biri nɔʼ ghi anug tibɔ̀ŋ.

1 Tèsàlonikà 5:15

Mbə̀ kirə ika gha, imbə̀ʼ wə̀d ywìtì yi anug tibɔ̀ŋ igun anug tibɔ̀ŋ. Mbə̀ ya bèrè yaʼ fìŋ chɔm igun wə̀d imɔʼ imɔʼ inga ìwən ifeti fɔrɔ igun bəd ndəŋ məjìm.

2 Kɔrèn 6:6

Tì we chwìye gha tè zen. Tì we chwìye gha tè kyèri inug. Tì we nyìmbe fìŋ bə̀ ghìyə̀ inug ne chwìye gha tè kɔ̀ŋ bəd. Tì ya ghìyə̀ inug mbo̰ ijìm anjìm Azwighi Ŋwiye ne yaʼi inga ina fɔrɔ anjìm icheg ne tì kɔŋi bəd ane fìŋ ifibì.

Gàlesìyà 5:6

Ane, icheg ne tì yaʼi ane ifɔti tì Yeso Kristo, kə̀ mbe ŋwed wə̀d kə̀ chəyi, chəyi àze ywirì bèrì anug mɔ̀ʼɔ ni ghì ka. Anug kyen ne angu ya ibḛfiŋ we ne tì nɔŋi igun Kristo. À ya ibḛfiŋ we ghìyə̀ tì se kɔ̀ŋɔ̀ ìmba məfi fɔrɔ ìta njabi.

1 Pità 1:2

Ŋwiye ne yaʼi Mbaʼ ya chɔʼ awən gha mbə̀ yaʼ ìmbi bəd kwàʼ icheg ne wì ya fə chuʼri nɔ̀ŋì. Azwighi Ŋwiye fə sò awən ane anəm Yeso ghì mbə zen bə̀ ghì gha mbə̀ se zùgrə Yeso Kristo. Ŋwiye taŋ ghì ìchɔ̀mì inən bə̀ taŋ ghì mbə̀ chughi ane àbɔrɔ̀bɔd.

2 Timotì 2:10

Ane, mə we nyìʼè aton inug mbo̰ ijìm ni ghì gha bəd mbe ne Ŋwiye ya chɔʼi awɔb, Yeso Kristo ghiyə mbɔb pum bə̀ ghì mbɔb bere ighumni we ne chəyi ìnwḭ.

Rm 1:7

Ane, mə̀ ya ŋwàʼrà anìŋ abə bəd Kristo məjìm mbe ne yaʼi a Rom. Ŋwiye taŋ kɔ̀ŋ awən bə̀ chɔʼ awən gha mbə̀ yaʼ ìmbi bəd. Ŋwiye ìwa Mbaʼ fɔrɔ Anɔŋisəg Yeso Kristo ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd.

Tayitùs 1:1

À ya mo Pɔl, wə̀d àfàʼì Ŋwiye ne bə̀ yaʼ wə̀dtɔm Kristo ŋwàʼri àŋwàʼrì azo̰. Ŋwiye ya chɔʼ amə gha mə̀ ghiyə ibḛfiŋ abə bəd mbe ne wì chɔ̀ʼi we təm kà. Wì ya bə̀ chɔʼ amə gha mə̀ ghiyə mbe kyeri tesiʼ we ne biri ghì mbɔb chughi ane ikuchèg ne Ŋwiye kə̀bi.

Matìyò 24:31

Anyumə̀ ne tàŋ kyen biri ghàm, Ŋwan Wə̀d biri chà ìmbi mbè angirə̀. Mbè angirə̀ mbe biri feti bəd mbe ne Ŋwiye ya fə chɔʼi inga iben ijìm igun isəg.”

Lk 18:7

Mbə̀ kɔ̀ndi gha chəyi Ŋwiye biri ghì anug ne koʼi abə bəd mbe ne wì chɔʼi? Mbɔb ya dèghè inug ibo ineg ijìm, tisi fɔrɔ tizimi. Mbə̀ kɔ̀ndi gha wì biri chìkì nyumə̀?

Lk 1:78

Ìwa Ŋwiye ya bɔ̀tɔ bə̀ bèrè àsɔ̀mnəfiŋ. Wì biri ghì gha aneg ni pumni bəd ze zuʼ tikaŋ igun ina icheg ne ituʼ we chə̀ghə,

Mk 13:27

Wì biri tɔm ìmbi mbè angirə̀ gha mbe feti bəd məd mbe ne wì chɔʼi ane tibug isəg te tikwè. Mbi biri ko feti ane ìnwḭ iseg ghò pè ìnwḭ ikaŋ.”

Efesùs 4:24

Ane, mbə̀ se chùghə inga ikuchèg feg we ne Ŋwiye tàngi awən gha mbə̀ yaʼ icheg məd ni ghì inug tesiʼ ne təmi kòʼ fɔrɔ inug ni təmi zen.

2 Timotì 1:9

Ŋwiye fə pumni awa bə̀ kàrì awa gha tì chughi inga ìzḛzḛ. Kayi wì kàri awa imbə̀ʼ anug mɔ̀ʼɔ ne tì ya fàʼi. À ya anjìm ìchɔ̀mì məd fɔrɔ anjìm icheg ne wì ya fə chùʼri nɔ̀ŋì. Ìchɔ̀mì gho̰ ya Ŋwiye ya ghi ina anjìm Yeso Kristo bɔŋ wì ya se tànga isəg.

Fìlipì 1:8

Ŋwiye kyèri gha mə kɔ̀ŋ awən bə̀ kyèri icheg ne mə̀ kə̀bə̀ ni bàd awən mbə̰ məjìm. Ŋwiye bə̀ kyèri gha, mə kɔ̀ŋ awən kwàʼ icheg ne Yeso Kristo kɔ̀ŋ awən.

Efesùs 1:4

Bɔŋ Ŋwiye ya se tànga isəg, wì ya fə chɔʼ awa gha tì zen bə̀ təm kòʼ ibo imbìghè icheg ne tì yaʼi ane ifɔti tì Kristo. Anjìm àkɔ̀ŋì,

Rm 9:11

Bɔŋ mbi ya se gwìye bɔn mbe, Ŋwiye ya fə ghàm imbə̀ʼ awɔb. Wì ya fə ghàm ane ne chəyi mbi kiri fàʼi anug chɔm kə̀ anug tibɔ̀ŋ. Ze ya yaʼ ane ni ghì gha, inug yaʼ icheg ne Ŋwiye kə̀bi.

Mk 13:22

Mə̀kristo ako ne biri gha mbɔb ya bəd ne Ŋwiye zɔ̀ʼi, tì bədkə̀n ne ghà inug ako biri dù, ane ghì ineni inug bə̀ ghì inug yeti, imbə̀ʼ fèbrì bəd. Ze mə̀ chwi, mbi fèbrì bəd mbe ne Ŋwiye chɔ̀ʼi.

Mk 13:20

Àkə aghi ne chəyi Anɔŋisəg ya fə sɔbri inun ineg mbe, nji chəyi wə̀d mɔ̀ʼɔ biri pum. Wì ya sɔbri imbə̀ʼ bəd mbe ne məd chɔʼi.

Matìyò 24:22

Tesiʼ ya gha, Ŋwiye fə bì sɔ̀bri ineg mbe, nji chəyi wə̀d mɔ̀ʼɔ ne biri tèn. Wì biri sɔbri inun ineg mbe imbə̀ʼ bəd məd mbe ne wì ya fə chɔʼi.

Ɨnû 17:14

Mbi biri màʼ ibid tì Ŋwan njə̀g. Si ya gha, Ŋwan njə̀g tì bəd mbe ne wì kàrì awɔb bə̀ chɔʼ awɔb fɔrɔ bəd mbe ne nɔ̀ŋɔ̀ fìŋ igun məd biri màʼ ibid chè awɔb. Mbi biri màʼ ibid chè imbə̀ʼ icheg ne məd ya Anɔŋisəg abə itog bəd ijìm fɔrɔ Ifɔn abə məfɔn.”

2 Jɔn 1:13

Bɔn ìmbi ìze njàbi ze ne Ŋwiye chɔ̀ʼi mbe chàʼrà awe.

Matìyò 24:24

À ya icheg ne ze biri yaʼ imbə̀ʼ icheg ne mə̀kristo ako biri yeʼe, wə̀d imɔʼ imɔʼ abɔ̀ʼ inɔb biri se ghà gha, ‹Mo ya wə̀d we ne Ŋwiye zɔ̀ʼi.› Bədkə̀n ne ghà inug ako biri bə yeʼe. Mbi biri ghì iyeti inug kyen kyen ni tambi bəd. Mbɔb biri kə̀b ni gha ze mə̀ chwi mbi tambi fɔrɔ bèyi bəd mbe ne Ŋwiye ya fə chɔʼi.

Rm 13:14

Mbə̀ ghiyə gha Anɔŋisəg Yeso Kristo ya tùmbə̀ awən. Imbə̀ʼ mbə̰ nɔŋɔ awən ìtən fìŋ igun ighi mbe ne nyàmnyɔd ze ghə̀ʼrə̀.

1 Kɔrèn 13:4

Àkɔ̀ŋì ze ghìyə̀ gha bəd beri inyimbifiŋ. Àkɔ̀ŋì ze bə̀ ghìyə̀ gha bəd ya fàʼà inug chɔm. Chəyi àkɔ̀ŋì ze ghìyə̀ gha wə̀d ya bèrè àdeg, kə̀ gha wə̀d ya kɔ̀mɔ̀ igo, kə̀ bə̀ gha wə̀d ya nɔ̀rɔ̀ nyɔd.