Jn 7:33 - Ikan feg

³³ Yeso ya gha, “Chəyi mə̀ biri yaʼ tì inən ane nyùmə̀ ne sa. Mə biri bə̀ndì ghò amə abə wə̀d we ne cha amə.

Meta’

³³ Yeso nyaʼa ghà əmbɨ mɨ̀mə̌d ni, “Mə bɨrɨ kɨrɨ chubɨ mbɨ nən ɨkə nyùmə̀. Ənɨ ə nyùmə̀ we fə che, mə bɨrɨ bəndɨ wò əsɨ məd we nɨ nyaʼa tom əmɨ.

Jn 7:33 交叉引用

Jn 16:5

Yeso ya ywìrì ghà abə mə̀mə̀nənùg məd gha, “Amad anìŋ, mə̀ ya se ghò amə abɔ̀ʼ wə̀d we ne ya cha amə. Ane, chəyi wə̀d mɔ̀ʼɔ abɔ̀ʼ inən ne biri inum gha, ‹Àghò kə ghò aya?›

Jn 13:33

Ìmbum bɔn, chəyi mə̀ biri chughi tì inən agha sà. Mbə̰ biri kə̀b amə, si ya gha, anug ne mə̀ ya gha abə mə̀Ju, mə̀ ya anìŋ bə̀ ghà inən. Anug ze ya gha, “Chəyi tì mbə̰ yeʼe ane asiŋi ne mə ghò angu.”

Jn 17:13

Wì ya ywìrì gha, “Amad anìŋ, mə̀ ya anìŋ se yèʼe amə abɔ̀ʼ ine. Ane, mə̀ ya ghà inug mbo̰ ne mə̀ kiri yaʼi inga isəg, ni ghì gha mbɔb ya taŋ gyènde icheg inum.

Jn 17:11

Chəyi mə̀ biri ywiri chughi igun isəg tì inɔb. Mə ya anìŋ se yèʼe amə abɔ̀ʼ ine. Ane, mbɔb biri kiri yaʼ igun isəg. Ìmə Mbaʼ zḛ zḛ, àghò kyeʼre awɔb ane ika we ne yaʼi ane ìwe ikum, ne ya ikum we ne àghò ya nàʼi inum. Ghìyə ane imbə̀ʼ mbi yaʼi ane anug amɔʼ icheg ne mo tì ine bə yaʼ ane anug amɔʼ.

Jn 16:28

Mə ya nɔ̀ʼ abɔ̀ʼ ìmə Mbaʼ, bɔŋ yeʼe igun isəg. Mə ya anìŋ se nɔ̀ʼɔ̀ amə igun isəg ghò abɔ̀ʼ ìmə Mbaʼ. ”

Jn 16:10

Wì biri ghì mbi kyeri gha ikuchèg Ŋwiye təm kòʼ imbə̀ʼ icheg ne mə̀ ya anìŋ ghò abɔ̀ʼ ìmə Mbaʼ, asiŋi ne chəyi tì mbə̰ ywìrì bàd amə.

Jn 14:19

Àsi bùʼ məyi ikə nyumə̀ ne chəyi bəd igun isəg biri ywiri bàd amə. Si ya gha, mbə̰ biri bàd amə. Icheg ne mə̀ yaʼi izɔm, à ya bə̀ icheg ne mbə biri yaʼ izɔm.

Jn 13:3

Yeso ya kyeri gha, Mbaʼ məd fə zì inug ijìm ibo ikye abo. Wì ya bə̀ kyèri gha, Ŋwiye ya tɔm aməd igun isəg, ane, wì biri ywiri bə̀ndì ghò abɔ̀ʼ Ŋwiye ne ya Mbaʼ məd.

Jn 13:1

À ya yaʼ igun aneg ze ne nàʼà abə aneg ne mbe jə̀ghə Iteri Chègun. Yeso ya fə kyeri gha, nyùmə̀ fə kòʼ ibo ni sàŋì isəg gho̰, ghò yi abɔ̀ʼ ìwi Mbaʼ. Wì ya kɔ̀ŋ bəd mbe igun isəg gho̰ ne ya ìmbi məd anene ghò pè ane ìnwḭ.

Mk 16:19

Anyumə̀ ne Anɔŋisəg Yeso ya fə ghàmi abə mə̀mə̀nənùg mbe, Ŋwiye ya niŋ aməd ikaŋ àbɔ̀ŋɔ. Wì ya pè chùghi aba abo jəghi Ŋwiye.

Jn 9:4

Tè bèrì ni fàʼ àfàʼì ze ne wə̀d we ne cha amə zì inga ìtum ikye ibo. Tè bèrì ni fàʼ àfàʼì ze ne isiŋi mbe kiri zḛ. Izimi we yèʼe ne chəyi tì bəd ywìrì fàʼ.

Jn 14:12

Mə gha tesiʼ inən gha, “Wə̀d ne nɔŋi ibḛfiŋ igun inum, tengàŋ biri fàʼ inug mbe ne mə fàʼà. Tengàŋ biri fàʼ iyeti inug ne chè mbo̰ imbə̀ʼ icheg ne mə̀ ya anìŋ ghò abə ìmə Mbaʼ.

Jn 14:28

Mbə zug icheg ne mə gha, ‹Mə biri zàmbi sàŋì awən, si ya gha, mə biri ywiri yeʼe bàd awən.› Mbə̰ mə̀ kɔ̀ŋ amə, nji mbə̰ biri ya gyènde gha mə ghò bàd ìmə Mbaʼ imbə̀ʼ icheg ne ìmə Mbaʼ chè amə.

Jn 20:17

Yeso ya ghà ibo gha, “Imbə̀ʼ àghò bete awe awum imbə̀ʼ icheg ne chəyi mə̀ kiri bəndi ghò abə ìmə Mbaʼ. Ane, ndò ghò ghà abə ìmbum məfi gha, ‹Mə we bə̀ndə̀ ghò abə ìmə Mbaʼ ne ya bə̀ ìwən Mbaʼ. Məd ya ìmə Ŋwiye, bə̀ yaʼ ìwən Ŋwiye.›”