Jn 7:31 - Ikan feg

³¹ Anug ne angu ya gha, bəd ndan ndàn inga inɔ̰ we ya nɔ̀ŋì ìwɔb ibḛfiŋ igun məd. Mbi yaya bìre gha, “Anyumə̀ ne Wə̀d we ne Ŋwiye zɔ̀ʼi biri yeʼe, wì wa biri fàʼ iyeti inug ne che mbo̰ ne wə̀d gho̰ we fàʼà?”

Meta’

³¹ Àyɨə bə̂d mɨ̀nɔnɔʼ nyaʼa ben ənû ze nɨ wɨ̀ nyaʼə ghàə̀. Mbɨ nyaʼa gha ni, “Ənɨ Wə̀d we nɨ Ŋwìə̀ zɔʼɔ yeʼe, wɨ̀ wa bɨrɨ ghɨ ɨnû yiirɨ nɨ nɔʼ chè mbe nɨ mbaŋə̀ zɔ̂ fə ghɨ ə?”

Jn 7:31 交叉引用

Jn 12:42

Kwàʼ anyumə̀ we, itog bəd mə̀Ju ya nɔŋi ibḛfiŋ igun məd. Si ya gha, chəyi tì mbi ya bḛ asaŋ asaŋ imbə̀ʼ icheg ne, mbi yaya bɔ gha, mə̀Farìsi bìri kamni awɔb chì inga ichamì Ŋwiye.

Matìyò 12:23

Anug azo̰ ya chè wə̀d ijìm, mbi se bìri gha, “Ŋwan gho̰ kə anìŋ yaʼ ŋwan we abə ifɔn Dèvid?”

Ɨ̀fàʼì 8:13

Sayimùn zìye ya bḛ Kristo bə̀ niŋ mənib. Anyumə̀ ne mbi ya fə nàʼi mənib ibo, wì ya ko se bène abɔ̀ʼ Filip. Anug ya chè aməd ane ineni inug fɔrɔ iyeti inug ne wì ya bàri Filip we ghìyə̀.

Jn 11:45

Bəd ndan ndàn abɔ̀ʼ mə̀Ju mbe ne ya gho ni sɔ̀mnɔ̀ tì Mèri, ya bàd anug ne Yeso ya fàʼi, si nɔ̀ŋì ìwɔb ibḛfiŋ igun Yeso.

Jn 9:16

Mə̀Farìsi mɔ̀ʼɔ ya gha, “Wə̀d we ne ghu wə̀d gho̰, kayi Ŋwiye cha imbə̀ʼ icheg ne, chəyi wì ya nɔ̀ŋɔ̀ aneg Àzwètì.” Si ya gha, mə̀mbin ya biri gha, “Wə̀d inug tibɔ̀ŋ kə ghìyə̀ iyeti inug icheg mbo̰ iye? Àghàpì ya nyi inga inɔb icheg ne mbi yaya tàŋà inug ane.”

Jems 2:26

Icheg ne nyàmnyɔd ne chəyi azwighi inga yaʼi ati ako, à ya bə̀ ane ne ibḛfiŋ ne chəyi wə̀d we ghìyə̀ inug chɔm bə yaʼ ati ako.

Jn 12:11

Mbi ya chuʼri ni zweti Lazarɔ̀s imbə̀ʼ ayeti anug ne Yeso ya ghi ibo. Mbi yaya kə̀bə̀ ni zweti aməd ane imbə̀ʼ icheg ne, mə̀Ju yaya sàŋà awɔb se nɔ̀ŋɔ̀ ìwɔb ibḛfiŋ igun Yeso.

Jn 6:2

Inɔ̰ bəd kwàʼ ìwi kyen ya bene abɔ̀ʼ Yeso imbə̀ʼ icheg ne mbi ya bàd iyeti inug ne wì yaya fàʼà. Wì yaya ghùyə̀ ighɔn igun bəd.

Jn 4:39

Icheg ne àyi we ya gha, “Wè mə̀tì inug ijìm ne mə̀ kweʼì ghì,” məSàmarìyà nɔʼ nɔʼ ne ya nɔ̀ʼ inga ikye aben, ya nɔŋi ibḛfiŋ igun Yeso.

Jn 3:2

Wə̀d gho̰ ya ghò abə Yeso izimi pè ghà ibo gha, “Àchwitìnùg, tè kyèri gha àghò ya wə̀d ne Ŋwiye cha gha wì chwiti inug ina imbə̀ʼ icheg ne chəyi wə̀d mɔ̀ʼɔ ne tì wì ghi iyeti inug mbo̰ kirəndə à ya wə̀d ne Ŋwiye yaʼi tì məd.”

Jn 2:11

Àzo̰ ya ayeti anug mbègtog ne Yeso ya fàʼi. Wì ya fàʼ ayeti anug azo̰ ni chwi ìwi ika a Kanà, asiŋi ne yaʼi inga Galìli. Ane, mə̀mə̀nənùg məd ya si taŋ zì ìwɔb ibḛfiŋ igun məd.

Lk 8:13

Titam te ne ya fendi igun igho ya chwìye bəd mbe ne mə̀ zug Ìngam Ŋwiye, mbi niŋ ati ati ane igyendi. Si ya gha, chəyi Ìngam Ŋwiye taŋ nyi inɔb inga fìŋ. Mbɔb ya bèrè ibḛfiŋ məyi ane nyùmə̀ kwa kwa. Àkwàʼrì mə̀ yeʼe, mbi waʼ ìwɔb ibḛfiŋ.

Jn 4:29

“Mbə̀ yèʼe bàd wə̀d mɔ̀ʼɔ. Wè mə̀ti inug ijìm ne mə̀ kweʼì ghì. Kə̀ məd anìŋ yaʼ Wə̀d we ne Ŋwiye zɔ̀ʼi?”

Jn 7:26

Mbə̀ nḛ məd gho̰ ghàmà yi asaŋ asaŋ abɔ̀ʼ bəd. Chəyi wə̀d mɔ̀ʼɔ ne ywiri kwe imbə̀ʼ aməd. Ighəm mɔ̀ʼɔ itog bəd fə bàd gha məd ya kwàʼ Kristo, wə̀d we ne Ŋwiye zɔ̀ʼi.