Jn 6:40 - Ikan feg

⁴⁰ Anug ze ne ìmə Mbaʼ we kə̀bə̀ ya gha, bəd məjìm ne zì ìwɔb ibḛfiŋ igun Ŋwan məd, mbɔb biri jəg ìtḛ̀ ighə̀m imɔʼ. Mə biri zwemni awɔb ane iwu ane aneg ìnwḭ.

Meta’

⁴⁰ Ənû ze nɨ mɨ Mbǎʼ kəbɨ yɨ ni bə̂d mɨ̀jìm mbe nɨ zə Wan, ben əməd, bɨrɨ jɨg ɨ̀tènɨ̀ rɨ mì. Mə bɨrɨ zwemnɨ mɨ̀mə̌d əni ze nɨ sɨ nwìə̀.”

Jn 6:40 交叉引用

Rm 6:23

Tesiʼ ya gha, chùd inug tibɔ̀ŋ ya iwu. Àsi ineʼi we ne Ŋwiye nàʼi ya ìtḛ̀ ighə̀m imɔʼ anjìm Yeso Kristo, ìwa Anɔŋisəg.

Jn 6:54

Wə̀d ne kuri ìmə nyàmnyɔd bə̀ no àmə anəm, wì biri jəg ìtḛ̀ ighə̀m imɔʼ. Mə biri zwemni aməd ane iwu igun aneg ìnwḭ.

Jn 5:24

Mə gha tesiʼ inən gha, bəd ne zughi ìmə ìngam bə̀ zì ìwɔb ibḛfiŋ igun wə̀d we ne cha amə, mbi biri jəg ìtḛ̀ ighə̀m imɔʼ. Chəyi mbi biri ywiri saʼ awɔb imbə̀ʼ icheg ne mbɔb fə pum abə iwu, si jəg ìtḛ̀.

Jn 11:25

Yeso ya ghà ibo gha, “Mo ya wə̀d we ne zwèmne bəd iwu bə̀ nàʼà ìtḛ̀ abə bəd. Wə̀d ne nɔŋi ibḛfiŋ igun inum biri yaʼ izɔm, ka wi ku.”

Jn 4:14

Àsi bəd ijìm ne no mənib mbe ne mə nàʼà, chəyi adɔʼ mənib biri ywìri nɔʼ ko awɔb ka. Tesiʼ ya gha, mənib mbe ne mə nàʼà ya icheg àdùrì ne swèghe gwètè nàʼà ìtḛ̀ ighə̀m imɔʼ.”

Jn 14:19

Àsi bùʼ məyi ikə nyumə̀ ne chəyi bəd igun isəg biri ywiri bàd amə. Si ya gha, mbə̰ biri bàd amə. Icheg ne mə̀ yaʼi izɔm, à ya bə̀ icheg ne mbə biri yaʼ izɔm.

Jn 12:45

Wə̀d ne bàri amə, wè fə bə̀ bàd wə̀d we ne cha amə.

Jn 6:27

Imbə̀ʼ mbə̰ fàʼa awən məyi ni beri ighijəg ne biri bə. Mbə̀ fàʼa yaʼ ni beri ighijəg ne biri ghì gha bəd beri ìtḛ̀ ighə̀m imɔʼ. Ighijəg mbe ya mbe ne Ŋwan Wə̀d biri nàʼ inən. Ŋwiye we ne yaʼi Mbaʼ fə nàʼ ika ibo gha wì ghiyə ane.”

Jn 3:36

Wə̀d ijìm ne nɔŋi ìwi ibḛfiŋ igun Ŋwan Ŋwiye, wì fə jəg ìtḛ̀ ighə̀m imɔʼ. Àsi wə̀d ne chəyi wì bḛ Ŋwan Ŋwiye, chəyi wì biri jəg ìtḛ̀ ighə̀m imɔʼ. Ane, agaŋ Ŋwiye ze igun tengàŋ.”

Jn 1:14

Ìngam we ya bə̀ŋə̀ kwàʼ ane wə̀d-aku chughi abɔ̀ʼ ina. Tè bàd icheg ne wì kɔ̀ŋi awa fɔrɔ icheg ne wì chwi tesiʼ imbə̀ʼ Ŋwiye ina. Tè bə̀ bàd ighumni ne wì bèri. À ya ighumni ne Mbaʼ nàʼi abə ìwi ŋwan ne ya məyi iwe imɔʼ.

Lk 2:30

Mə bàd kwàʼ ane àmə aghə, icheg ne àghò cha wə̀d ne biri pumni bəd,

1 Jɔn 2:25

Anug ze ne Ŋwan ya kàʼi ni nàʼ ina ya ìtḛ̀ ighə̀m imɔʼ.

Jn 17:2

Àghò fə nàʼ ika ibo igun bəd məjìm ni ghì gha wì nàʼ ìtḛ̀ ighə̀m imɔʼ abə bəd məjìm mbe ne àghò nàʼi ibo.

Jn 10:28

Mə ya nàʼà ìtḛ̀ ighə̀m imɔʼ inɔb. Chəyi mbɔb biri nɔ̀ʼ ku nim. Chəyi tì wə̀d mɔ̀ʼɔ chì awɔb inga ìtum tikye abo.

Jûd 1:21

Mbə̀ ya chùghə kyère gha Ŋwiye kɔ̀ŋ awən icheg ne mbə̰ mbe ghɔ̀mɔ̀ ìwa Anɔŋisəg Yeso Kristo. Anɔŋisəg biri bèrì àsɔ̀mnəfiŋ igun inən bə̀ ghì gha mbə̀ jəg ìtḛ̀ ighə̀m imɔʼ.

1 Pità 1:8

Mbə̰ mbe kɔ̀ŋɔ̀ aməd ka chəyi mbə̀ kiri bari aməd. Ka chəyi mbə̰ mbe bàrà aməd; mbə̰ nɔ̀ŋì ibḛfiŋ igun məd, bə̀ se taŋ gyènde ane ikuchèg ne chəyi tì wə̀d gha.

2 Kɔrèn 4:6

Ŋwiye ne ya gha, “Ìzḛzḛ zuʼ, afub kye!” Wè ghì ìzḛzḛ we yaʼ ina inga fìŋ. Wì ghì ane ni gha tì kyeri ìzḛzḛ njandi njandi Ŋwiye we ne zùʼə igun ìfe abə Kristo.

Rm 5:21

Icheg ne inug tibɔ̀ŋ ya beri ika igun isəg anjìm iwu, à ya bə̀ ane ne ìchɔ̀mì Ŋwiye biri bèrì ika igun isəg anjìm icheg ne bəd mbe ghìyə̀ inug ne təmi kòʼ, ane, se nàʼà ìtḛ̀ ighə̀m imɔʼ anjìm ìwa Anɔŋisəg Yeso Kristo.

Jn 12:50

Mə kyèri gha, anug ze ne ìmə Mbaʼ we ghà, à ya anug ne nàʼà ìtḛ̀ ighə̀m imɔʼ. Ane, anug ze ne mə ghà, à ya anug ne ìmə Mbaʼ gha inum gha mə gha.”

Jn 8:56

Ìwən mbaʼ Abràham ya kɔ̀ŋ, ni bàd nyùmə̀ we ne mə̀ biri yeʼe. Wì ya bə̀ bàd bə̀ gyèndi.”

Mk 16:16

Wə̀d ne bḛ, niŋ mənib, wì biri pum. Àsi wə̀d ne chəyi wì bḛ, Ŋwiye biri zì isaʼi igun məd.

Mə̀Hibrù 11:1

Ibḛfiŋ ya ni kyeri gha àghò biri bèrì aghi ze ne àghò nɔŋi ìwe ikɔndi igun se ghɔ̀mɔ̀ bə̀ kyèri gha ighi mbe ne chəyi àghò we bàrà, àghò biri bèrì.

Mə̀Hibrù 11:27

À ya ibḛfiŋ ya ghi wì nɔ̀ʼ a Ijìb ne chəyi wì bɔ gha ifɔn a Ijìb biri gaŋ ibo. Wì ya nyimbi fìŋ to̰ yi ni bə̀ndì imbə̀ʼ icheg ne wì yaya nḛ̀ igun Wə̀d we ne chəyi tì mbi bàd aməd.

Jn 14:17

Məd ya Azwighi Ŋwiye, wì biri ghì gha, bəd kyeri tesiʼ imbə̀ʼ Ŋwiye. Chəyi tì bəd igun isəg gho̰ niŋ aməd imbə̀ʼ icheg ne chəyi mbi kweʼì bàd aməd, kə̀ kyère aməd. Àsi awən, mbə biri kyeri aməd imbə̀ʼ icheg ne məd we abɔ̀ʼ inən. Məd we bə̀ inga inən.

Matìyò 10:15

Mə gha tesiʼ inən gha, igun aneg ze ne Ŋwiye biri sɔb isaʼi, wì biri dìgrì igun bəd a Sodòm bə̀ dìgrì igun bəd a Gòmorà chè icheg ne wì biri dìgrì igun bəd inga asiŋi ze ne to̰ awɔb ìwən ikən.”

Matìyò 25:46

Ane, mbi biri si ghò nyi inga asiŋi ichə ne chəyi ìnwḭ. Àsi bəd mbe ne yaya ghìyə̀ inug ne koʼi, mbɔb biri jəg ìtḛ̀ ighə̀m imɔʼ.”

Jn 6:39

Anug ze ne wə̀d we ne chà amə we kə̀bə̀ ya gha, imbə̀ʼ wə̀d mɔ̀ʼɔ inga bəd məjìm mbe ne wì naʼi inum si nɔ̀ʼ nim. Wì kə̀b yaʼ gha, mə zwemni awɔb iwu ane aneg ìnwḭ.”

Jn 6:44

Chəyi wə̀d mɔ̀ʼɔ ne tì wì yèʼe inum ne chəyi ìmə Mbaʼ we ne chà amə ghi gha wì yeʼe. Mə biri zwemni wə̀d we, ane aneg ìnwḭ.

Jn 11:24

Màta ya ywìtì gha, “Mə kyèri gha, wì biri ghum zweme ane aneg ìnwḭ.”