Jn 5:23 - Ikan feg

²³ Àzo̰ ya ni ghì gha, wə̀d ijìm nàʼ ighumni abə Ŋwan icheg ne mbe bə̀ nàʼà ighumni abə Mbaʼ. Wə̀d ne chəyi we ghùmnə Ŋwan, ane ya gha chəyi tengàŋ bə ghùmni Mbaʼ we ne cha aməd.

Meta’

²³ Wɨ̀ fə ghɨ̀ əne ɨmbə̀ʼ bə̂d mɨjìm wumnɨ Wan ɨchî nɨ mbɨə wumnɨ ə Mbǎʼ. Kaʼ wə̀d we nɨ chəi wɨə wumnɨ ə Wan, wɨə bə̀ wumnɨ i Mbǎʼ we nɨ nyaʼa tom Wan.

Jn 5:23 交叉引用

1 Jɔn 2:23

Wə̀d we ne to̰ yi Ŋwan, fə bə̀ ton yi Mbaʼ. Wə̀d we ne bḛ Ŋwan, fə bə̀ bḛ Mbaʼ.

Lk 10:16

Yeso ya si nwḭ̀yḛ̀ ghà abə mə̀mə̀nənùg məd gha, “Wə̀d ne zughi anug ze ne mbə̰ mbe ghà, tengàŋ fə bə̀ zug àze ne mə ghà. Àsi wə̀d ne to̰ yi awən, tengàŋ bə̀ to̰ yi awum. Ane, wə̀d ne to̰ yi awum, tengàŋ bə̀ to̰ yi wə̀d we ne cha amə.”

2 Jɔn 1:9

Wə̀d ne chəyi wì chè imbìghè ni ghì inug mbe ne Kristo chwìti, chəyi tengàŋ yaʼi ane anug amɔʼ tì Ŋwiye. Wə̀d ne chè imbìghè ni ghì inug mbe ne Kristo chwìti, ya wə̀d ne yaʼi ane anug amɔʼ tì Ŋwiye fɔrɔ Ŋwan Ŋwiye.

Matìyò 11:27

Ìmə Mbaʼ fə nàʼ ighi ijìm inum. Chəyi wə̀d ne kyeri Ŋwan chèyi ane Mbaʼ. Chəyi wə̀d ne bə kyèri Mbaʼ chèyi ane Ŋwan fɔrɔ bəd mbe ne Ŋwan chɔʼi awɔb ghì gha mbe kyeri Mbaʼ.”

Mə̀Hibrù 1:6

Anyumə̀ ne Ŋwiye yaya chà ìwi fɔd Ŋwan inga isəg, wì ya gha, “Mbè angirə̀ Ŋwiye məjìm mbe ghumni aməd.”

Efesùs 6:24

Ŋwiye ghiyə ìchɔ̀mì abə bəd məjìm ne kɔŋi Anɔŋisəg Yeso Kristo ane iku àkɔ̀ŋì ze ne chəyi ze biri nɔʼ mèg.

2 Pità 3:18

Mbə̀ che imbìghè kweg inga ìchɔ̀mì fɔrɔ inga anug ni kyeri ìwa Anɔŋisəg Yeso Kristo ne pùmnə bəd. Bəd məjìm ghùmnə aməd ni ko amad anìŋ se ghò imbìghè ane ighə̀m imɔʼ! À ya ane.

Rm 8:9

Àsi mbə̰, Azwighi Ŋwiye mə yaʼ inga inən, chəyi mbə̀ koʼi ni ya ghìyə̀ inug tibɔ̀ŋ mbe ne ìtən nyàmnyɔd te ghə̀ʼrə̀. Mbə̰ kòʼ ni ya ghìyə̀ yaʼ inug mbe ne Azwighi Ŋwiye ze kə̀bə̀. Wə̀d ne chəyi Azwighi Kristo yaʼi inga məd, tengàŋ kayi wə̀d Kristo.

1 Kɔrèn 10:31

Ane, kə̀ mbə kə ghìyə̀ anug mɔ̀ʼɔ, kə̀ jə̀ghə kə̀ no, mbə̀ ya ghìyə̀ inug ijìm ni nàʼ ighumni abə Ŋwiye.

Rm 6:22

Si ya gha, amad anìŋ ne Ŋwiye fə pumni awən chì abə ika inug tibɔ̀ŋ, mbə̰ ya si icheg məfeg abə Ŋwiye. Chùd ya gha Ŋwiye fə sò awən mbə zen se fàʼà məyi ibo, wì bə̀ nàʼ ìtḛ̀ ighə̀m imɔʼ inən.

Jn 16:14

Wì biri ghumni amə imbə̀ʼ icheg ne wì biri ya nìŋə inug mbe ne mə ghà ibo, se ghà inən.

1 Kɔrèn 6:19

Chəyi mbə̀ kyeri gha ìtən nyàmnyɔd ya asiŋi ne Azwighi Ŋwiye ze ne Ŋwiye ya nàʼi inən ze chùghə inga? À ya Ŋwiye beri ìtən nyàmnyɔd, kayi mbə̰.

Matìyò 12:21

Iben ijìm biri nɔ̀ŋì ìtɔb tikɔndi igun məd.”

2 Timotì 1:12

À ya aton ne mə zə̰ ngəʼ anìŋ. Si ya gha, chəyi mə̀ bèrè tìnìrètog imbə̀ʼ icheg ne mə kyèri wə̀d ne mə̀ zì ìmə ibḛfiŋ igun məd. Mə bə̀ taŋ kyèri gha məd bèrì ika ni nɔ̀ŋì aghi ze ne məd zì inum ikye abo ghò pè ane aneg ìnwḭ.

2 Kɔrèn 13:14

Anɔŋisəg Yeso Kristo ghiyə ìchɔ̀mì inən, Ŋwiye bə kɔ̀ŋ awən, Azwighi Ŋwiye bə yaʼ ane ifɔti tì inən mbə̰ məjìm.

2 Kɔrèn 5:19

Ane ya gha, Ŋwiye ya chè anjìm Kristo mànì achɔb tì bəd ni gha tì yaʼ bəd məd. Chəyi wì ya taŋi inug tibɔ̀ŋ bəd zì igun inɔb. Wì ya zì ikən imbə̀ʼ anug ni mànì achɔb inga ìta tikye ibo gha tì se ghà abə bəd.

2 Kɔrèn 1:9

Tesiʼ ya gha, tì ya fə se ghɔ̀mɔ̀ iwu. Inug ya yaʼ ane ni gha imbə̀ʼ tì ywirì nḛ awa igun ìwa ika ni dù inga ngəʼ. Tì ya se nḛ̀ məyi igun Ŋwiye we ne tì wì zwèmni bəd ane iwu.

1 Kɔrèn 1:3

Ŋwiye we ne yaʼi ìwa Mbaʼ tì Anɔŋisəg Yeso Kristo ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd.

Jn 14:1

Yeso ya ghà abə ìmbi mə̀mə̀nənùg gha, “Imbə̀ʼ mbə̰ sàŋa awən gha anug mɔ̀ʼɔ nàʼ ngəʼ inən. Mbə̀ nɔŋɔ ìwən ibḛfiŋ igun Ŋwiye. Mbə̀ bə nɔ̀ŋì ìwən ibḛfiŋ igun inum.

Matìyò 10:37

Wə̀d ne kɔ̀ŋi ìwi mbaʼ kə̀ ìwi ngɔb chè amə, chəyi tengàŋ kòʼi ni yaʼ àmə àmə̀nənùg. Wə̀d ne kɔ̀ŋi ìwi ŋwan mbaŋà kə̀ ìwi ŋwan àyi chè amə, chəyi tengàŋ kòʼi ni yaʼ àmə àmə̀nənùg.

2 Kɔrèn 5:14

Aghi ze ne tḭ̀yḛ awa chà imbìghè ya igyendi imbə̀ʼ icheg ne Kristo kɔ̀ŋi awa. Tè kyèri ane imbə̀ʼ icheg ne wə̀d imɔʼ ya ku igun atog abə bəd məjìm. Ane, bəd məjìm fə bə̀ ku.

1 Kɔrèn 16:22

Ndɔ̀n ze igun wə̀d ne chəyi wì kɔ̀ŋi Anɔŋisəg. Ìwa Anɔŋisəg! Àghò yeʼe!

Rm 15:12

Wə̀dkə̀n Ŋwiye Àzayà ya bə̀ ywìrì gha, “Ŋwan biri dù ane aghaŋ inəbi Jesè ne biri tùmbì bəd ne kayi mə̀Ju. Mbɔb biri nɔ̀ŋì ìtɔb tikɔndi igun məd.”

Rm 1:7

Ane, mə̀ ya ŋwàʼrà anìŋ abə bəd Kristo məjìm mbe ne yaʼi a Rom. Ŋwiye taŋ kɔ̀ŋ awən bə̀ chɔʼ awən gha mbə̀ yaʼ ìmbi bəd. Ŋwiye ìwa Mbaʼ fɔrɔ Anɔŋisəg Yeso Kristo ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd.

Jn 17:10

Bəd məjìm mbe ne yaʼi ìmbe ya bə̀ ìmbum. Bəd məjìm mbe ne bə yaʼ ìmbum ya bə̀ ìmbe. Bəd ya ghùmnə amə imbə̀ʼ awɔb.

Matìyò 28:19

Ane, mbə̀ gho inga iben ijìm ghò ghì bəd yaʼ ìmbum mə̀mə̀nənùg. Mbə̀ naʼa mənib inɔb inga ikum Mbaʼ tì Ŋwan fɔrɔ Azwighi Ŋwiye.

2 Pità 1:1

À ya mo Sayimùn Pità, ne yaʼi wə̀d àfàʼì bə̀ yaʼ wə̀dtɔm Kristo ìwi Kristo ŋwàʼri àŋwàʼrì azo̰. Mə ya ŋwàʼrà anìŋ inən mbə̰ mbe ne ìwa Yeso Kristo ne yaʼi ìwa Ŋwiye bə̀ yaʼ Wə̀d ne pùmnə awa fə ghi mbə bèrì ibḛfiŋ chɔm kwàʼ icheg mba bə bèrì. Məd we ghìyə̀ inug ne koʼi.

Matìyò 15:8

‹Bəd mbo̰ mbe ghùmnə amə ane ikye ichug, si ya gha, ìtɔb fìŋ te agha se.