Jn 3:35 - Ikan feg

³⁵ Mbaʼ kɔ̀ŋ ìwi Ŋwan. Ane, wì fə sàŋì inug ijìm ibo ikye ibo.

Meta’

³⁵ Mbǎʼ ə ghaʼ i Wan əne wɨ̀ fə sàŋ ɨnû jìm ɨŋga tɨkyerɨ-ɨbɔ məd.

Jn 3:35 交叉引用

Matìyò 28:18

Yeso ya si pè ghà inɔb gha, “Ŋwiye fə nàʼ ika inum ni tùmbì ighi ijìm ikaŋ àbɔ̀ŋɔ fɔrɔ igun isəg.

Jn 5:22

Chəyi Mbaʼ we sàʼa bəd mɔ̀ʼɔ ka imbə̀ʼ icheg ne wì fə nàʼ ika abə Ŋwan gha wì se sàʼa bəd məjìm.

Jn 5:20

Ane, ìmə Mbaʼ kɔ̀ŋ ìwi Ŋwan, chwi ighi ijìm ibo. Wì biri ywiri ghì Ŋwan məd fàʼ iyeti inug ne faŋi chè mbo̰. Ane, anug biri chè awən.

Lk 10:22

Ìmə Mbaʼ fə nàʼ ighi ijìm inum. Chəyi wə̀d ne taŋ kyèri Ŋwan chèyi ane Mbaʼ. Chəyi wə̀d ne bə taŋ kyèri Mbaʼ chèyi ane Ŋwan fɔrɔ bəd mbe ne Ŋwan kɔ̀ŋi ni ghì gha mbe kyeri Mbaʼ.”

Jn 17:2

Àghò fə nàʼ ika ibo igun bəd məjìm ni ghì gha wì nàʼ ìtḛ̀ ighə̀m imɔʼ abə bəd məjìm mbe ne àghò nàʼi ibo.

Matìyò 11:27

Ìmə Mbaʼ fə nàʼ ighi ijìm inum. Chəyi wə̀d ne kyeri Ŋwan chèyi ane Mbaʼ. Chəyi wə̀d ne bə kyèri Mbaʼ chèyi ane Ŋwan fɔrɔ bəd mbe ne Ŋwan chɔʼi awɔb ghì gha mbe kyeri Mbaʼ.”

Efesùs 1:22

Ŋwiye ya ghì ighi ijìm se aton ighog məd, bə̀ chɔʼ aməd ane atog abə ifeti bəd Kristo.

Jn 13:3

Yeso ya kyeri gha, Mbaʼ məd fə zì inug ijìm ibo ikye abo. Wì ya bə̀ kyèri gha, Ŋwiye ya tɔm aməd igun isəg, ane, wì biri ywiri bə̀ndì ghò abɔ̀ʼ Ŋwiye ne ya Mbaʼ məd.

1 Pità 3:22

Məd fə kɔʼ ghò ikaŋ àbɔ̀ŋɔ, chùghi aba abo jəghi Ŋwiye. Məd we se tùmbə̀ mbè angirə̀ fɔrɔ tika tijìm ikaŋ àbɔ̀ŋɔ fɔrɔ igun isəg.

1 Kɔrèn 15:27

A ze inga Àŋwàʼrì Ŋwiye gha, “Ŋwiye fə nɔ̀ŋì ighi ijìm aton ighog məd.” Ze mə̀ yaʼ inga Àŋwàʼrì Ŋwiye gha, “Ŋwiye fə nɔ̀ŋì ighi ijìm aton ighog məd,” nji ze dù zen gha chəyi Ŋwiye yaʼi abɔ̀ʼ ighi mbe. À ya məd Ŋwiye nɔŋi “ighi ijìm” aton Kristo.

Mə̀Hibrù 1:2

Àsi inga ìwa nyùmə̀ gho̰ ne isəg we se nwìyḛ̀, wì ya se ghàmà ina anjìm Ŋwan Məd. À ya anjìm Ŋwan məd we ne Ŋwiye ya tangi isəg ijìm. Ŋwiye bə̀ chɔʼ aməd nɔ̀ŋì gha wì ya tùmbə̀ ighi ijìm.

Jn 17:26

Mə fə ghì mbi kyeri awe. Mə biri chè imbìghè ni ghì gha mbe taŋ kyèri awe. Ane, àghò biri kɔ̀ŋ awɔb kwàʼ icheg ne àghò bə kɔ̀ŋ amə, mə bə̀ yaʼ ane anug amɔʼ tì inɔb.”

Jn 17:23

Mə yaʼ ane anug amɔʼ tì inɔb kwàʼ icheg ne àghò yaʼi ane anug amɔʼ tì inum. Àghò ghiyə gha mbɔb yaʼ ane anug imɔʼ ane inug ijìm, imbə̀ʼ isəg kyeri gha, à ya àghò cha amə, bə̀ kyèri gha àghò kɔ̀ŋ awɔb kwàʼ icheg ne àghò bə kɔ̀ŋ amə.

Jn 15:9

Mə kɔ̀ŋ awən kwàʼ icheg ne ìmə Mbaʼ kɔ̀ŋi amə. Mbə̀ che imbìghè ni yaʼ ane anug amɔʼ tì inum imbə̀ʼ mə bə chè imbìghè ni kɔ̀ŋ awən.

Matìyò 17:5

Icheg ne wì yaya kiri ghamà, pàʼ ne yaya fùyə njànda ya kəndi awɔb mbɔb məjìm. Gì mɔ̀ʼɔ ya si ghàm inga pàʼ ze gha, “Aŋa ya ìmə Ŋwan ne mə̀ taŋ kɔ̀ŋ. Ìmə fìŋ ze taŋ bɔ̀ŋɔ̀ imbə̀ʼ aməd. Mbə̀ zug anug ne we ghà!”

Matìyò 3:17

Gì mɔ̀ʼɔ ya si ghàm ikaŋ àbɔ̀ŋɔ gha, “Aŋa ya ìmə Ŋwan ne mə̀ taŋ kɔ̀ŋ. Ìmə fìŋ ze taŋ bɔ̀ŋɔ̀ imbə̀ʼ aməd.”