Angirə̀ we ne pè ane ibe ya kwebi agaŋ Ŋwiye ze ne ya yaʼi inga akaŋ məd inga igyi tìbà. Anyumə̀ ne wì ya kwebi ane, igyi tìbà we ya bə̀ŋə̀ si kə̀mnə icheg anəm awu wə̀d. Ighi izɔm ijìm mbe ne ya yaʼi inga tìbà ya ku.
Angirə̀ mbègtog ya fə ìzi tì tàŋ. Ane, awḛ fɔrɔ iywid ne ya nyàmba tì anəm ya kwebe igun isəg. Aba isəg amɔʼ inga iba itad ya bere. Aba amɔʼ inga iba itad ane ized igun isəg fɔrɔ agyen zu ya bə̀ bère.
Angirə̀ ne pè ane ikwè ya fə ìzi tì tàŋ, aba nyùmə̀ amɔʼ inga iba itad tì aba iməg amɔʼ inga iba itad fɔrɔ aba amɔʼ inga iba itad ane titəm iməg ya bə̀ŋə̀ se fḭ fḭ. Aba aneg amɔʼ inga iba itad tì aba izimi amɔʼ inga iba itad ya chughi afub.
Angirə̀ we ne pè ane itad ya fə ìzi tì tàŋ. Ane, fitəm-məg kyen kyen mɔ̀ʼɔ ne yaya bère ikaŋ àbɔ̀ŋɔ icheg anam ya fen igun aba amɔʼ inga iba itad ane tigyi kyen fɔrɔ ìdùrì.
Angirə̀ we ya seri mbè angirə̀ mbe məkwè sàŋì. Ŋwiye ya fə chuʼri mbè angirə̀ mbe nɔ̀ŋì gha, inga nyùmə̀ gho̰, bə̀ kwàʼ inga aneg azo̰, bə̀ kwàʼ inga iməg gho̰, fɔrɔ inga fituʼ fo̰, mbe zweti aba afibì inga iba itad ane bəd igun isəg.
Ngəʼ ka ka ìto̰ titad ya zweti aba bəd afibì inga iba itad ane bəd igun isəg. Ngəʼ ka ka ìto̰ ya yaʼ iywid tì ndiʼ fɔrɔ sɔfɔ̀ ne yaya dùwə̀ ichug abə nyam mə̀kara te.
Ikɔn məd ya sìmì aba titəm iməg afibì inga iba itad, màʼ igun isəg. Tìsɔ̀ʼ jo ze ya təm imbìghè abə àyi we ne yaya nɔ̀mbɔ, ni gha wì mə gwi, zìye kud ŋwan məd.
