Ɨnû 20:3 - Ikan feg

³ Angirə̀ we ya màʼ tìsɔ̀ʼ jo ze inga ibighi kyen we ne chəyi ìnwḭ si fèni ichug ibighi, bə̀ zì aneni ni chwi gha imbə̀ʼ wə̀d mɔ̀ʼɔ fìʼe yi. Wì ya ghì ane ni gha imbə̀ʼ zì tàmba yi bəd ne yaʼi igun isəg anene tituʼ te chuʼ ifibì ti chè. Nyumə̀ we mə̀ chè, mbi biri sàŋì aməd ane iki nyumə̀ mɔ̀ʼɔ.

Meta’

³ Wɨ̀ nyaʼa kod əne, màʼ ɨŋga ɨbɨgɨ we, kubrɨ ɨchû ɨbɨgɨ we ɨgwɨ məd bə̀ zɨ̀ ənweenɨ ɨgwɨ ɨchû we ɨmbə̀ʼ tɨ wɨ̀ wɨrɨ tambɨ i ɨbeŋ, pè ənɨ ɨghəm ɨwu mbe chuʼ fibɨ̀ fə mi. Ənɨ ɨghəm ɨwu mbe fə mi, mbɨ berɨ za əməd sàŋ ənɨ ɨkə nyumə̀.

Ɨnû 20:3 交叉引用

Ɨnû 20:1

Mə ya bàd angirə̀ ne ya swiʼi tikaŋ àbɔ̀ŋɔ. Wì ya nyimi afiʼì ane ichug ibighi kyen we ne chəyi ìnwḭ. Wì ya bə̀ nyìmi chen kyen mɔ̀ʼɔ.

Ɨnû 17:8

Nyam kyen ze ne àghò ya bàri ya kweʼì yaʼ izɔm. Si ya gha, amad anìŋ, zì fə ku. Zì biri kɔʼ dù inga ibighi kyen we ne chəyi ìnwḭ, si ghò inga asiŋi ze ne zì biri ku nim angu. Anug biri chè bəd mbe ne yaʼi igun isəg ne chəyi mbi ŋwaʼri ìtɔb tikum inga àŋwàʼrì ze ne bɔŋ Ŋwiye ya se tànga isəg wì ya fə ŋwàʼri tikum bəd mbe ne biri jəg ìtḛ̀ inga. Anug biri chè awɔb imbə̀ʼ icheg ne nyam ze ya kweʼì yaʼ izɔm, amad anìŋ zì fə ku. Si ya gha, zì biri ywiri dù.”

Ɨnû 12:9

Mbi ya màʼ tìsɔ̀ʼ jo ze igun isəg, ne ya jo ze ne ya yaʼi te aneg, ne mbe kàrà ane Debrə̀ kə̀ Sàtàn. Mbi ya màʼ aməd tì mbè angirə̀ məd məjìm igun isəg. Jo ze ya tàmba isəg ijìm.

Matìyò 27:66

Ane, mbɔb ya ghò pè zì aneni igun iteg we ne ya yaʼi ichug iseg we ni chwi gha imbə̀ʼ wə̀d nɔʼ fìʼì, bə̀ ywìrì nɔ̀ŋì mə̀sogyì gha mbe chughi se kyèʼè iseg we.

2 Kɔrèn 11:3

Si ya gha, mə we bɔ gha icheg ne jo ya ghum tàmbi If ane iwe mənaŋ, mbi biri bə tambi awən ghì mbə chì ìwən ikɔndi chɔm we ne mbə̀ bèrì ni kɔ̀ŋ Kristo bə̀ zì ìzən fìŋ ijìm igun məd.

2 Pità 3:8

Ìmbum məfi fɔrɔ ìtum njàbi ne mə̀ taŋ kɔ̀ŋ, imbə̀ʼ mbə̰ si to̰ awən anug azo̰ afibì. Anug angu ya gha, abə Anɔŋisəg, aneg amɔʼ ya icheg tituʼ chuʼ ifibì, tituʼ chuʼ ifibì ya bə̀ icheg aneg amɔʼ.

Ɨnû 17:2

Məfɔn igun isəg fə nɔ̀kì tì məd abu abu. Bəd inga isəg fə no mənoʼ mbe ne wì ya nàʼi inɔb be. Mənoʼ mbe ya anug ni nɔ̀kì tì məd abu abu.”

Ɨnû 13:14

Zì ya tambi bəd məjìm igun isəg ane iyeti inug ne zì yaya ghìyə̀ icheg ne nyam kyen mbègtog ze ya nàʼi ika ibo. Nyam kyen ze ya ghà inɔb mbi tangi aghi-ŋwiye nɔ̀ŋì ni ghumni nyam kyen ze ne mbi ya zì ana̰ igun məd ane ibeg ibid, si ya gha chəyi zì ya ku.

Matìyò 24:24

À ya icheg ne ze biri yaʼ imbə̀ʼ icheg ne mə̀kristo ako biri yeʼe, wə̀d imɔʼ imɔʼ abɔ̀ʼ inɔb biri se ghà gha, ‹Mo ya wə̀d we ne Ŋwiye zɔ̀ʼi.› Bədkə̀n ne ghà inug ako biri bə yeʼe. Mbi biri ghì iyeti inug kyen kyen ni tambi bəd. Mbɔb biri kə̀b ni gha ze mə̀ chwi mbi tambi fɔrɔ bèyi bəd mbe ne Ŋwiye ya fə chɔʼi.

Mk 4:15

Bəd mɔ̀ʼɔ ya icheg ighi ngwèd mbe ne ya fendi igun inɔnjì. Mbɔb ya mə̀ zug Ìngam Ŋwiye, Sàtàn ghò chì ìngam we ne mbi nyɔ̀ʼi inɔb inga fìŋ kwàʼ məyi ati ati.

Lk 8:31

Izwighi tibɔ̀ŋ mbe ya boʼ ibo abə Yeso aghəm nɔʼ nɔʼ gha, “Imbə̀ʼ àghò cha awe awa inga ibighi kyen we ne chəyi ìnwḭ.”