Ɨnû 12:4 - Ikan feg

⁴ Ikɔn məd ya sìmì aba titəm iməg afibì inga iba itad, màʼ igun isəg. Tìsɔ̀ʼ jo ze ya təm imbìghè abə àyi we ne yaya nɔ̀mbɔ, ni gha wì mə gwi, zìye kud ŋwan məd.

Meta’

⁴ Ɨkon məd nyaʼa sùŋ əbà ə fibɨ̀ ənɨ mbɨ ghapɨ rɨtəmɨ ɨba tad. Wɨ̀ nyaʼa sùŋ əne màʼ ɨgwɨ ə si. Tɨ̀sɔ̀ʼɔ̀ jɔ ze nyaʼa təm ɨfě əyi we nɨ nyaʼə nombɨə, ɨmbə̀ʼ wɨ̀ mɨ gywɨ, zɨ̀ kud wan məd.

Ɨnû 12:4 交叉引用

Ɨnû 12:9

Mbi ya màʼ tìsɔ̀ʼ jo ze igun isəg, ne ya jo ze ne ya yaʼi te aneg, ne mbe kàrà ane Debrə̀ kə̀ Sàtàn. Mbi ya màʼ aməd tì mbè angirə̀ məd məjìm igun isəg. Jo ze ya tàmba isəg ijìm.

Jn 8:44

Mbə̰ ya bɔn Debrə̀ we ne yaʼi ìwən mbaʼ. Mbə̰ ya kə̀bə̀ ya ni ghì məyi inug mbe ne ìwən mbaʼ kə̀bi. Məd yaya zwète bəd kwàʼ ane isəg ya ko. Chəyi wì kweʼì bḛ tesiʼ imbə̀ʼ icheg ne chəyi tesiʼ yaʼi inga məd. Anyumə̀ ne we ghà inug ako, wì ya fàʼà yaʼ àzi atog àfàʼì imbə̀ʼ icheg ne məd ya wə̀d inug ako. Məd ya bə̀ wə̀d ne inug ako ijìm nɔʼi ibo.

Ɨnû 9:19

Ika nyam mə̀kara te ya yaʼ inɔb inga ichug fɔrɔ inɔb ane tikɔn. Ìtɔb tikɔn ya yaʼ icheg jo ne beri itog. Nyam mə̀kara te yaya cho bəd, zìyè inə̰ ane tikɔn te.

Ɨnû 9:10

Mbɔb ya bèrì tikun ne beri ifin icheg te ne mbi tìkafoʼ mbe te wə̀d inga. Ane, ìtɔb tikun ya nàʼ ika inɔb ni chə bəd ane aməg ata̰.

Ɨnû 8:7

Angirə̀ mbègtog ya fə ìzi tì tàŋ. Ane, awḛ fɔrɔ iywid ne ya nyàmba tì anəm ya kwebe igun isəg. Aba isəg amɔʼ inga iba itad ya bere. Aba amɔʼ inga iba itad ane ized igun isəg fɔrɔ agyen zu ya bə̀ bère.

1 Pità 5:8

Mbə̀ ya nyìmbe ìwən nyɔd bə̀ chùghə ikyèʼi. Mbə̀ kyeri gha Debrə̀ ne yaʼi ìwən wə̀d ìpàb we ŋa yḛ̀ icheg àfɔn ne nè kùmə̀, kə̀bə̀ wə̀d ne wì biri sètì anyam anyam.

Ɨnû 17:18

Àyi we ne àghò kə̀ bàri ya asiŋi kyen ze ne ìfɔ̀n məd we tùmbə̀ məfɔn məjìm igun isəg.”

Ɨnû 8:8

Angirə̀ ne ya beni abɔ̀ʼ ya fə ìzi tì tàŋ. Ane, ìkə̀mi iywid mɔ̀ʼɔ ne yaya bère icheg iwum ya sɔbɔ tùwə̀ inga igyi tìbà. Aba igyi tìbà amɔʼ inga iba itad ya bə̀ŋə̀ se anəm.

Ɨnû 8:9

Aba amɔʼ inga iba itad ane ighi izɔm ne yaʼi inga igyi ya ku. Mbi ya chìkì aba amɔʼ inga iba itad ane ibaŋ igyi.

Ɨnû 8:10

Angirə̀ we ne pè ane itad ya fə ìzi tì tàŋ. Ane, fitəm-məg kyen kyen mɔ̀ʼɔ ne yaya bère ikaŋ àbɔ̀ŋɔ icheg anam ya fen igun aba amɔʼ inga iba itad ane tigyi kyen fɔrɔ ìdùrì.

Ɨnû 8:11

Ikum fitəm-məg fe ya Ànwḭ̀. Aba igyi amɔʼ inga iba itad ya bə̀ŋə̀ se nwḭ̀ nwḭ. Bəd nɔʼ nɔʼ ne ya no mənib nwḭ nwḭ mbe ya ku.

Ɨnû 8:12

Angirə̀ ne pè ane ikwè ya fə ìzi tì tàŋ, aba nyùmə̀ amɔʼ inga iba itad tì aba iməg amɔʼ inga iba itad fɔrɔ aba amɔʼ inga iba itad ane titəm iməg ya bə̀ŋə̀ se fḭ fḭ. Aba aneg amɔʼ inga iba itad tì aba izimi amɔʼ inga iba itad ya chughi afub.

Ɨnû 12:7

Ibid ya ko ikaŋ àbɔ̀ŋɔ. Mayikə̀ ne yaʼi angirə̀ kyen tì ìmbi mbè angirə̀ ya fɔti zɔ̀ŋ tìsɔ̀ʼ jo ze. Tìsɔ̀ʼ jo ze tì ìmbi mbè angirə̀ ya bə̀ fɔ̀ti zɔ̀ŋ Mayikə̀.

Ɨnû 13:2

Nyam kyen ze ya yaʼ icheg imaŋ. Ighog məd ya yaʼ icheg ìmbi bog baʼ. Ichug məd ya yaʼ icheg ìwi àfɔn. Tìsɔ̀ʼ jo ze ya nàʼ ìwi ika tì àzi atən ifɔn fɔrɔ àzi ati wə̀d kyen abə nyam ze.

Ɨnû 13:4

Wə̀d ijìm ya ghumni tìsɔ̀ʼ jo imbə̀ʼ icheg ne zì ya nàʼ ìwi ika abə nyam kyen ze. Bəd ya bə̀ ghùmni nyam kyen ze gha, “Àkə we yaʼi icheg nyam kyen izo̰? Àkə we ne tì wì zɔŋ tì nyam kyen izo̰?”

Ɨnû 16:13

Mə ya bàd izwighi tibɔ̀ŋ itad ne yaʼi icheg ìsɔn. Mbi ya dù inga ichug abə tìsɔ̀ʼ jo ze, dù inga ichug abə nyam kyen ze bə̀ dù fɔrɔ inga ichug abə wə̀dkə̀n ne ghà inug ako.

Ɨnû 20:2

Wì ya gwì tìsɔ̀ʼ jo ze te aneg ne ya Debrə̀ kə̀ Sàtàn kɔd ane tituʼ chuʼ ifibì.