Ɨ̀fàʼì 4:36 - Ikan feg

³⁶ Jòseb ne ya ŋwan inga inəbi Levì ya wə̀d mɔ̀ʼɔ abɔ̀ʼ bəd mbe ne ya bḛ Kristo. Məd ya nɔ̀ʼ a Sayiprùs. Bədtɔm Kristo ya chùb ikum məd ane Bànabàs. (Ikum gho̰ ya ni gha, ŋwan ne nə̀rə fìŋ abə bəd.)

Meta’

³⁶ Zɨə nyaʼa chè ni Jòsêf, nɨ bə̂d tom nyaʼa chu əməd ənɨ ə Banabàs (əton ənɨ ɨkum we yɨ ni, Wan mbaŋə̀ nɨə tìmbɨ̀ ə bə̂d), nɨ nyaʼa rɨŋga ɨnəbɨ Levì, mbɨ gywɨ əməd ə Saiprùs,

Ɨ̀fàʼì 4:36 交叉引用

Gàlesìyà 2:13

Anyumə̀ ne Pità ya fùbri inug ane, mə̀Ju ndəŋ ne ya zi ibḛfiŋ igun Kristo ya bə̀ bène abɔ̀ʼ məd se fùbrə̀ inug. Ka bèyi Bànabàs, wì ya bə̀ bène abɔ̀ʼ inɔb fùbrì inug, ane fèbè.

Gàlesìyà 2:9

Ane, anyumə̀ ne Jem tì Pità fɔrɔ Jɔn ne yaʼi bəd kyen kyen ne nyìme ifeti bəd Kristo ya bàri ìchɔ̀mì ne Ŋwiye ghi inum, mbi ya te abo ina, mo tì Bànabàs, ni chwi gha tì we ane anug amɔʼ tì inɔb. Mbɔb ya bḛ gha tì gho abə bəd mbe ne kayi mə̀Ju, mbɔb si ghò abə mə̀Ju.

Gàlesìyà 2:1

Ane tituʼ ìghum chɔ̀b ikwè ya fə che, mə̀ ya bə̀ ywìrì kɔʼ ghò a Jèrusalèm. Mə ya ghò tì Bànabàs ane gho̰ tì ighəm. Mə ya bə̀ niŋ Tayitùs tì fɔrɔ ghò inɔn.

Ɨ̀fàʼì 15:39

Pɔl ya tàŋ anug azo̰ tì Bànabàs anene ze ghì mbi ghàpà. Bànabàs ya niŋ Jɔn Mag mbi nyi abaŋ igyi bàni igyi ghò a Sayiprùs.

1 Kɔrèn 9:6

Kə̀ àkə məyi mo tì Bànabàs ne beri ni fàʼ ane ìmba ibo bɔŋ se jə̀ghə?

Ɨ̀fàʼì 21:16

Mə̀mə̀nənùg Yeso mɔ̀ʼɔ abɔ̀ʼ mbe ne ya nɔ̀ʼi a Kàserìyà yèʼe abɔ̀ʼ ina, ya niŋ awa ghò inga achan Nasòn. Nasòn gho̰ ya wə̀d a Sayiprùs ne ya yaʼi wə̀d mɔ̀ʼɔ abɔ̀ʼ mə̀mə̀nənùg mbègtog ìmbi Yeso. À ya ibo inga achan ne tì ya beri ni chughi.

Ɨ̀fàʼì 15:37

Bànabàs ya kə̀b gha nji mbɔb niŋ Jɔn Mag ghò tì məd.

Ɨ̀fàʼì 12:25

Anyumə̀ ne Bànabàs tì Sɔl ya màni àfàʼì ze ne mbi ya cha awɔb gha mbe gho fàʼ a Jèrusalèm, mbi ya bə̀ndì ghò a Antìyɔ̀g. Anyumə̀ ne mbi yaya bə̀ndə̀, mbi ya niŋ Jɔn Mag ghò tì məd.

Ɨ̀fàʼì 11:30

Mbi ya chɔ̀pì ighi mbe ane, nàʼ abə Bànabàs tì Sɔl gha mbe niŋ ghò zì ikye abo abə itog bəd Kristo mbe a Jùdeyà.

Ɨ̀fàʼì 15:12

Anyumə̀ ne Pɔl tì Bànabàs ya ko ni ghà iyeti inug mbe ne Ŋwiye chè inga inɔb fàʼ abə bəd ne kayi mə̀Ju, bəd məjìm ne ya yaʼi inga ifeti we ya chim tizi.

Ɨ̀fàʼì 15:2

Ane, Pɔl tì Bànabàs ya gwì achɔb ka ka se tàŋà inug mbe tì bəd mbe. Achɔb ze ya ghì mbi chɔʼ Pɔl tì Bànabàs fɔrɔ bəd Kristo ndəŋ tɔm awɔb gha mbe kɔʼ ghò a Jèrusalèm ghò nwèndi anug ze abə bədtɔm Kristo fɔrɔ abə itog bəd inga ifeti bəd Kristo.

Ɨ̀fàʼì 9:27

Bànabàs ya niŋ Sɔl mbi ghò abɔ̀ʼ bədtɔm mbe, pè tòʼrì icheg ne Anɔŋisəg ya du ghàm abə Sɔl igun inɔnjì anyumə̀ ne wì yaya ghò a Dàmaskòs. Wì ya bə̀ mə̀tì icheg ne Sɔl yaya ghàmà Ìngam Ŋwiye a Dàmaskòs ane ikum Yeso kwàʼ ne chəyi we bɔ.

Mk 3:17

Jem tì Jɔn ne ya ifi məd. Mbɔb ya bɔn ìmbi Zebedì, ne wì ya chùbi awɔb ane Bòyanegès, ane ya gha, bəd gì mbə̀ŋ.

Ɨ̀fàʼì 13:1

Bədkə̀n Ŋwiye tì mə̀chwitinùg ya yaʼ inga ifeti bəd Kristo we a Antìyɔ̀g. Mbɔb yaya: Bànabàs tì Sɔl tì Simìyòn we ne mbi yaya bə̀ kàrà ane Nayijà tì Lusìyùs ne ya nɔ̀ʼi a Sayirèn fɔrɔ Manìyàn ne ya kweghi tì Erɔ̀d we ne yaʼi gɔbnà.

Ɨ̀fàʼì 13:2

Anyumə̀ ne mbi yaya ghùmnə Anɔŋisəg bə̀ chùghə njèg bə̀ chàʼrà Ŋwiye, Azwighi Ŋwiye ya ghà inɔb gha, “Mbə̀ chiye Bànabàs tì Sɔl icha, nɔ̀ŋì awɔb ane àfàʼì ze ne mə̀ kari awɔb gha mbe faʼa.”

Ɨ̀fàʼì 13:4

Azwighi Ŋwiye ya tɔmɔ Bànabàs tì Sɔl. Ane, mbi ya swiʼi ghò a Sèlusìyà. Mbi ya nɔ̀ʼ angu nyi abaŋ igyi ghò a Sayiprùs.

Ɨ̀fàʼì 13:15

Anyumə̀ ne bəd mbe angu ya fə fɔŋi Ìngam Ŋwiye inga àŋwàʼrì mə̀nɔ̀ʼɔ̀ Muse, bə̀ fɔŋ inga àŋwàʼrì bədkə̀n Ŋwiye, itog bəd mbe inga ichamì Ŋwiye we ya chà ikən abə Pɔl tì Bànabàs gha, “Ìmba məfi, mbə̰ mə̀ bèrì ìngam mɔ̀ʼɔ ni nəri awa, mbə ghà ina.”

Ɨ̀fàʼì 21:3

Anyumə̀ ne tì ya təmi bàd Sayiprùs, tì si chè aton aton bàni ghò a Sirìyà pè təm a Tayì. Tayì ya asiŋi ne mbi ya beri ni chì ighi mbe ne abaŋ igyi ya bèʼi nɔ̀ŋì angu.

Ɨ̀fàʼì 27:4

Tì ya nɔ̀ʼ angu ko ghò, si ya gha, icheg ne ifə yaya tḭ̀yḛ awa aba ze imbìghè, tì ya bə̀ŋə̀ ghò chè aba ze a Sayiprùs ne chəyi ifə yaya nàʼà ngəʼ. Sayiprùs ya akəmi asiŋi ìseg ne igyi che kad.

1 Kɔrèn 14:3

Si ya gha, bəd mbe ne ghà ikən Ŋwiye ya ghàmà abə bəd ni nə̀rì ìtɔb fìŋ bə̀ ghìyə̀ gha mbe təm kà bə̀ ghì gha ìtɔb fìŋ zutə.

Kòlosè 4:10

Àristakùs ne mə̀ yaʼi inga nəb ndəŋ tì məd we chàʼrà awən. Mag we ne məd tì Bànabàs yaʼi bɔn ane bɔn wə̀d ifibì we bə̀ chàʼrà awən. Mbə̰ fə zug inug imbə̀ʼ aməd. Məd mə̀ yèʼe, mbə̀ niŋ aməd kwàʼ icheg chɔm.