Ɨ̀fàʼì 3:17 - Ikan feg

¹⁷ Ane, ìmbum məfi fɔrɔ ìtum njàbi, mə kyèri gha, anug ze ne mbə̰ tì ìmbən itog bəd ya ghi igun Yeso ya mbə̀ ya ghi kwàʼ abəŋ.

Meta’

¹⁷ “Mbɨ bɔŋgɔb, mə kyerɨ ni chəi mbə̀nə mbɨ ə bə̂d mbe nɨə tekɨ ɨnû ɨŋga əbeŋ mɨ̀Jû nyaʼa kyerɨ ənû ze nɨ mbə̀ nyaʼə ghɨ̀ə̀.

Ɨ̀fàʼì 3:17 交叉引用

Lk 23:34

Yeso ya chàʼra Ŋwiye gha, “Ìmə Mbaʼ, waʼ ìmbɔb inug tibɔ̀ŋ imbə̀ʼ icheg ne chəyi mbi kyeri aghi ne mbe ghìyə̀.” Mə̀sogyì mbe ya niŋ ndwi məd sàndi, buʼ tikaʼì igun ni ghàpì ndwi ze mbɔb mbɔb.

Ɨ̀fàʼì 13:27

Chəyi bəd a Jèrusalèm tì ìmbɔb itog bəd ya kyere Yeso icheg wə̀d ne pùmnə bəd. Mbɔb ya zì yaʼ isaʼi wən igun məd, niŋ isɔbi anug zwèti aməd. Ane, inug mbe ne bədkə̀n Ŋwiye ya ghum ghà, ne mbɔb yaya fɔ̀ŋɔ mà ineg àzwètì ijìm, ya dù ane tesiʼ.

1 Kɔrèn 2:8

Chəyi wə̀d mɔ̀ʼɔ abɔ̀ʼ itog bəd mbe ne tùmbə̀ bəd inga nyùmə̀ isəg gho̰ ya kyeri anug azo̰. Àkə aghi ne mbi ya kyeri, nji chəyi mbɔb ya niŋi Anɔŋisəg ne bəd mbe ghùmnə ghò kɔ̀mbì igun azed abaʼri.

Jn 16:3

Bəd biri ghì inən ane imbə̀ʼ icheg ne chəyi mbi kyeri ìmə Mbaʼ, kə̀ bə̀ kyèri amə.

1 Timotì 1:13

Ka mə yaya chɔ̀ʼɔ ibɔʼì ighog abə bəd Kristo, bə̀ kaʼa inug ako zìyè igun inɔb, bə̀ kìghə̀ inug, Ŋwiye ya chwi àsɔ̀mnəfiŋ inum. Aton ya gha, mə yaya ghìyə̀ inug mbe abəŋ fɔrɔ imbə̀ʼ icheg ne chəyi mə̀ ya nɔŋi ibḛfiŋ igun Kristo.

2 Kɔrèn 3:14

Chəyi tì bəd ya kyeri anug ne mə̀nɔ̀ʼɔ̀ Muse yaya ghà. Ka bèyi amad anìŋ, anyumə̀ ne bəd mbe fɔ̀ŋɔ mə̀nɔ̀ʼɔ̀ Muse, ndwi ze kiri kəndə iwe bəd. Anyumə̀ ne wə̀d yaʼi ane ifɔti tì Kristo, ndwi ze ya dùwə̀, iwe məd fìʼè.

Rm 11:2

Chəyi Ŋwiye ya to̰ bəd məd mbe ne wì ya fə chɔʼi bɔŋ se tànga isəg. Àkə chəyi mbə̀ kyeri anug ne Àŋwàʼrì Ŋwiye gha imbə̀ʼ Èlayijà, ane icheg ne wì ya boʼi ibo abə Ŋwiye imbə̀ʼ mə̀Izre?

Ɨ̀fàʼì 26:9

Mo inum ya kɔndi gha mə we tì mə ghì inug nɔʼ nɔʼ ni chìkì anug Yeso we a Nazarèd.

Ɨ̀fàʼì 7:40

Ane, mbi ya ghà abə Eròn gha, ‹Tangi mə̀ŋwiye nàʼ ina ne biri chè imbìghè ghò chà awa. Àsi Muse gho̰ ne chi awa a Ijìb, chəyi tì kyeri anug ne fə du tì məd.›

Jn 7:52

Mbi ya ywìtì ibo gha, “Àghò wa kə̀ wə̀d a Galìli bə? Àghò nḛ inga mə̀nɔ̀ʼɔ̀ kwàʼ icheg chɔm. Àghò biri bàd gha chəyi tì wə̀dkə̀n Ŋwiye nɔ̀ʼ a Galìli.”

Fìlipì 1:22

Si ya gha, mə mə̀ chè imbìghè ni yaʼ izɔm, mə we tì mə fàʼ àfàʼì ne biri wètì bəd nɔʼ nɔʼ, mbi bḛ Kristo. Kə̀ àkə iwu kə̀ àkə ìtḛ̀ bɔŋi inum amad anìŋ jiʼ, chəyi mə̀ kiri kyeri àze ni də̀b.

Lk 23:13

Payilèd ya kàrì itog bəd mbàn Ŋwiye tì itog bəd inga aben fɔrɔ inɔ̰ bəd, mbi fete.

Jn 15:21

Mbi biri ghì inug mbo̰ inən anìŋ, məyi imbə̀ʼ amə. Aton ya gha, chəyi mbi kyeri Wə̀d we ne cha amə.

Ɨ̀fàʼì 22:5

Atog wə̀d igun bəd mbàn Ŋwiye tì bəd mbe ne sàʼa aben məjìm, mbe kyèri gha anug azo̰ ne mə ghà inən ya anug tesiʼ. Mə ya niŋ ìŋwàʼrì inɔb ni ghò nàʼ abə mə̀Ju mbe ne yaʼi a Dàmaskòs. Ane, mə̀ ya ghò angu ni gwìtì bəd Kristo, si kɔd niŋ yèʼe a Jèrusalèm gha mbe chə awɔb.”

Ɨ̀fàʼì 28:21

Mbi ya ywìtì ibo gha, “Chəyi tì bari àŋwàʼrì mɔ̀ʼɔ ne nɔʼi a Jùdeyà imbə̀ʼ awe. Chəyi ìmba məfi mbe ne nɔʼi angu bə pùti anug mɔ̀ʼɔ ina imbə̀ʼ awe, kə̀ bì ghà anug tibɔ̀ŋ mɔ̀ʼɔ imbə̀ʼ awe.

Efesùs 4:18

Mbɔb mbe kiri inga afub. Mbɔb mbe ghìyə̀ tìzughə̀ imbə̀ʼ icheg ne chəyi mbi kyere tesiʼ. Chəyi mbɔb bə kə̀b ni kyeri. Ane, Chəyi mbɔb biri jəg ìtḛ̀ we ne Ŋwiye we nàʼà.