Ɨ̀fàʼì 2:10 - Ikan feg

¹⁰ məFìrigìyà tì məPàmfilìyà, tì mə̀Ijìb fɔrɔ bəd inga iba iben mbe a Libìyà iban Sayirèn. Mba mɔ̀ʼɔ nɔ̀ʼ a Rom.

Meta’

¹⁰ tɨ̀ yɨ rɨ ə Frigìà bə̀ fɔrɨ rɨ ə Pamfilià, rɨ ə Ijìpt bə̀ fɔrɨ rɨŋga ɨba ɨbeŋ mbe rɨ ə Libià ɨban ə Sìrin. Mba mɨmɔʼɔ yɨ rɨ ə Rom.

Ɨ̀fàʼì 2:10 交叉引用

Ɨ̀fàʼì 16:6

Pɔl tì Sayilàs fɔrɔ Timotì ya chè inga Fìrigìyà fɔrɔ inga aba aben ze Gàlesìyà imbə̀ʼ icheg ne chəyi Azwighi Ŋwiye ya bḛ gha mbe ghama Ìngam Ŋwiye inga Esìyà.

Ɨ̀fàʼì 18:23

Anyumə̀ ne wì ya chughi angu ane iki nyumə̀ mɔ̀ʼɔ, wì ya nɔ̀ʼ ghò ŋa yḛ̀ isiŋi isiŋi inga aba aben ze a Gàlesìyà fɔrɔ a Fìrigìyà. Wì yaya yḛ ane nè nə̀rə fìŋ abə bəd məjìm mbe ne ya bḛ Kristo.

Ɨ̀fàʼì 15:38

Si ya gha, chəyi Pɔl ya kɔndi gha à ya anug chɔm ni niŋ Jɔn Mag imbə̀ʼ icheg ne wì ya sàŋì àfàʼì akwiri, waʼ awɔb a Pàmfilìyà ghò yi.

Ɨ̀fàʼì 13:43

Anyumə̀ ne bəd məjìm inga ichamì Ŋwiye we ya fə sàka, mə̀Ju nɔʼ nɔʼ tì bəd ndəŋ abɔ̀ʼ bəd mbe ne ya bə̀ŋi fìŋ bèni abɔ̀ʼ anug Ŋwiye mə̀Ju ya beni abɔ̀ʼ Pɔl tì Bànabàs. Ane, Pɔl tì Bànabàs ya ghàm tì inɔb bə̀ nə̀ri awɔb gha mbe che imbìghè ni nɔ̀ŋì fìŋ igun Ŋwiye we ne ghìyə̀ ìchɔ̀mì inɔb.

Ɨ̀fàʼì 13:13

Pɔl tì bəd mbe ne ya yaʼi abɔ̀ʼ məd ya nyi inga abaŋ igyi, nɔ̀ʼ a Pafòs ghò a Pegà ne yaʼi inga aba aben ze a Pàmfilìyà. Anyumə̀ ne mbi ya pe angu, Jɔn Mag ya sàŋì awɔb bə̀ndì ghò yi a Jèrusalèm.

2 Timotì 1:17

Anyumə̀ ne wì ya yeʼe a Rom, wì ya kə̀b amə anene, bàd.

Rm 1:15

À ya aton ze ne mə kə̀bə̀ ni chètì ikən chɔm gho̰ inən mbə̰ bəd ne yaʼi a Rom.

Ɨ̀fàʼì 27:5

Anyumə̀ ne tì ya fə bani igyi tìbà we ne yaʼi iban Sìlisìyà tì Pàmfilìyà, tì ya ghò pè a Mirà inga Lisìyà.

Ɨ̀fàʼì 14:24

Mbi ya nɔ̀ʼ angu chè a Pìsidìyà ghò a Pàmfilìyà.

Ɨ̀fàʼì 11:20

Bəd mɔ̀ʼɔ abɔ̀ʼ inɔb ne ya yaʼi bəd a Sayiprùs tì bəd a Sayirèn ya ghò a Antìyɔ̀g pè se ghàmà abə bəd ne kayi mə̀Ju bə. Mbi yaya chètè ikən chɔm imbə̀ʼ Anɔŋisəg Yeso.

Mk 15:21

Mə̀sogyì mbe ya pè inɔnjì bàd mbaŋà mɔ̀ʼɔ ne nɔ̀ʼi a Sayirèn ne ikum məd ya Sayimùn. Wì yaya chè yi che. Wì ya nɔ̀ʼ a mben se ghò a Jèrusalèm. Ane, mbi ya nyə̀ŋ aməd gha wì niŋ azed abaʼri ze abə Yeso bèʼì. Sayimùn we ya yaʼ mbaʼ ìwi Àlèzandà tì Rufùs.

Matìyò 27:32

Icheg ne mə̀sogyì mbe yaya nìŋə Yeso dùwə̀ inga aben Jèrusalèm, mbɔb ya bɔ̀mbi tì mbaŋà mɔ̀ʼɔ a Sayirèn ne ikum məd ya Sayimùn. Mə̀sogyì mbe ya nyimi aməd ane ika ghì wì niŋ azed abaʼri ze abə Yeso bèʼì.

Ɨnû 11:8

Ìmbɔb iwu biri bɔngɔ aseg igun inɔnjì ikye aben kyen. Mbi ya bə̀ kàrà aben kyen ze ane Sodòm tì Ijìb. À ya bə̀ angu ne mbi ya kɔ̀mbi Anɔŋisəg igun azed abaʼri.

Rm 1:7

Ane, mə̀ ya ŋwàʼrà anìŋ abə bəd Kristo məjìm mbe ne yaʼi a Rom. Ŋwiye taŋ kɔ̀ŋ awən bə̀ chɔʼ awən gha mbə̀ yaʼ ìmbi bəd. Ŋwiye ìwa Mbaʼ fɔrɔ Anɔŋisəg Yeso Kristo ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd.

Ɨ̀fàʼì 28:15

Anyumə̀ ne bəd mbe ne ya bḛ Kristo a Rom ya zughi gha tì we yèʼe, mbi ya nɔ̀ʼ inga iben Forùm a Apìyùs bə̀ nɔ̀ʼ inga Nəb Àwètì te Titad yèʼe kɔ̀ti awa. Anyumə̀ ne Pɔl ya bàri awɔb, wì ya nàʼ məyakà abə Ŋwiye. Ane, fìŋ məd ya ywìrì zùtì.

Ɨ̀fàʼì 18:2

Wì ya pè angu bàd wə̀d Ju mɔ̀ʼɔ ne ikum məd ya Àkwilà ne ya nɔ̀ʼi à Pontùs. Ikum iweg məd ya Prìsilà. Mbi ya cherè nɔ̀ʼɔ̀ a Italì yèʼe a Kɔrèn. Mbi ya nɔ̀ʼ à Italì imbə̀ʼ icheg ne ifɔn Klodìyòs ya niŋ isɔbi anug gha mə̀Ju məjìm duwə à Rom. Pɔl ya ghò bàd awɔb.

Ɨ̀fàʼì 13:1

Bədkə̀n Ŋwiye tì mə̀chwitinùg ya yaʼ inga ifeti bəd Kristo we a Antìyɔ̀g. Mbɔb yaya: Bànabàs tì Sɔl tì Simìyòn we ne mbi yaya bə̀ kàrà ane Nayijà tì Lusìyùs ne ya nɔ̀ʼi a Sayirèn fɔrɔ Manìyàn ne ya kweghi tì Erɔ̀d we ne yaʼi gɔbnà.

Ɨ̀fàʼì 6:9

Bəd mɔ̀ʼɔ inga ichamì Ŋwiye mə̀Ju we ne mbi yaya kàrà ane “Bəd ne yaʼi awɔb atog inɔb”, tì mə̀Ju mbe a Sayirèn tì Àlèzandrìyà fɔrɔ mə̀Ju mbe aba isəg Sìlisìyà tì Esìyà ya ko se tàŋà inug tì Stifə̀n.

Ɨ̀fàʼì 6:5

Anug azo̰ ne mbi ya gha ya bɔ̀ŋ abə inɔ̰ bəd we ijìm. Ane, mbi ya chɔʼ Stifə̀n ne ibḛfiŋ məd ya taŋ kà. Azwighi Ŋwiye ya bə̀ sweg inga məd. Mbi ya bə̀ chɔʼ Filip tì Prokorùs tì Nìkanò tì Timòn tì Pàmenà fɔrɔ Nikolàs we a Antìyɔ̀g ne ya bḛ anug Ŋwiye mə̀Ju.

Matìyò 2:15

Mbɔb ya chughi angu anene ifɔn Erɔ̀d ku. Ane, ìngam we ne Anɔŋisəg ya che anjìm wə̀dkə̀n ghàm, wì ya dù ane tesiʼ. Ìngam we ya gha, “Mə ya kàrì ìmə ŋwan wì nɔʼ chè dù inga Ijìb.”

Ɨ̀fàʼì 23:11

Àsi izimi we, Anɔŋisəg ya dù təm iban Pɔl ghà ibo gha, “Imbə̀ʼ àghò bɔ awe ka. Kwàʼ icheg ne àghò ghàmi imbə̀ʼ amə a Jèrusalèm aŋa, àghò biri bə ghàm imbə̀ʼ amə a Rom.”

Matìyò 23:15

Ngəʼ kyen biri nyi igun inən, mbə̰ mə̀chwitì mə̀nɔ̀ʼɔ̀ tì mə̀Farìsi! Mbə̰ ya kwàʼ bəd ne bèmnè inug! Mbə̰ mbe ghò mà isiŋi ijìm igun iseg bə̀ bàna tìbà ni ghì gha wə̀d bḛ àzən anug Ŋwiye. Anyumə̀ ne tengàŋ fə se bḛ, mbə ghì aməd wì bə chè awən achug abe bə̀ ghì wì nyi inga asiŋi ichə.

Ɨ̀fàʼì 2:11

Mba ya mə̀Ju fɔrɔ bəd ne bəŋi ìtɔb fìŋ bḛ anug Ŋwiye mə̀Ju. Mba mɔ̀ʼɔ ya bə̀ məKred tì məÀrabìyà. Mba məjìm mbe zùghə icheg ne bəd Kristo mbo̰ mbe ghàmà inga ìta tìngam aben, mə̀tə̀ iyeti inùg ne Ŋwiye fàʼi!”

Ɨ̀fàʼì 17:21

Mbi ya ghì ane imbə̀ʼ icheg ne bəd a Atèns məjìm fɔrɔ bəd inga iben ndəŋ ne ya yaʼi angu yaya nḛ ni ya chìkə̀ nyùmə̀ məyi ni mùg bə̀ zug inug feg ne yaya dùwə̀.