Ɨ̀fàʼì 14:22 - Ikan feg

²² Mbi yaya yḛ̀ nè nə̀rə fìŋ abə bəd mbe ne ya bḛ Kristo, bə̀ yḛ̀ nè ghà inɔb gha mbe chè imbìghè nyìmi ìwɔb ibḛfiŋ igun Kristo we taŋ kà. Mbi ya bə̀ ghà inɔb gha, “Tì bèrì ni chè inga ngəʼ nɔʼ nɔʼ bɔŋ nyi inga anug ìfɔ̀n Ŋwiye.”

Meta’

²² Ɨ mbɨə nyaʼə yènə̀ tìmbɨ̀ ə bə̂d mbe nɨ nyaʼa ben ə Kristo, bə̀ yènə̀ ghàə̀ ni mbɨ yim ɨbenɨ wɨ kaanə wo ɨmbì. Mbɨ nyaʼa bə̀ ghà əmbɨ mɨ̀mə̌d ni, “Tɨ̀ berɨ zə ŋgəʼ nɔnɔʼ bɔŋ nyɨ ɨŋga ənû ɨfɔ̀n ə Ŋwiə̀.”

Ɨ̀fàʼì 14:22 交叉引用

1 Pità 5:10

Anyumə̀ ne mbə̰ mbe zə̰ ngəʼ anìŋ ane iki nyumə̀ mɔ̀ʼɔ, Ŋwiye we ne ghìyə̀ ìchɔ̀mì abə wə̀d ijìm, wì bìri ywiri tangi inug ijìm inən. Wì biri ghì gha ìwən ibḛfiŋ təm kà bə̀ ghì mbə yaʼ ika ika bə̀ təm kòʼ. À ya məd ya che anjìm Kristo kàrì awən gha mbə̀ yaʼ ane ifɔti tì Kristo inga ìzḛzḛ məd we ne biri yaʼ ane ighə̀m imɔʼ.

2 Timotì 3:12

Tesiʼ ya gha, wə̀d ijìm ne kə̀bə̀ ni chughi icheg ne Ŋwiye kə̀bi anjìm icheg ne wì nɔŋi ibḛfiŋ igun Yeso Kristo, mbi mənyìʼ chɔʼ ibɔʼì ighog məd.

Jn 16:33

Mə fə ghà inug mbo̰ inən anìŋ ni ghì gha mbə̀ chughi ane àbɔrɔ̀bɔd icheg ne mbə̀ yaʼi ane anug amɔʼ tì inum. Mbə̰ biri zə̰ ngəʼ inga isəg gho̰. Si ya gha, mbə̀ nyimbi fìŋ imbə̀ʼ icheg ne, mə fə màʼ ibid chè isəg gho̰.”

Rm 8:17

Icheg ne tì yaʼi bɔn məd, tì biri jəg ighi mbe ne məd nɔŋi abə ìmbi bəd. Tì biri bə fɔti abɔ̀ʼ Kristo ni jəg ighi mbe ne Ŋwiye nɔŋi ibo. Tì mə zən ngəʼ abɔ̀ʼ Kristo, tì biri bə bèrì ighumni we ne Ŋwiye biri nàʼ ibo.

Ɨnû 2:10

Imbə̀ʼ mbə̰ bɔ awən anug ni gha mbə̰ biri zə̰ ngəʼ. Nḛ, Debrə̀ biri zì bəd mɔ̀ʼɔ abɔ̀ʼ inən inga nəb ndəŋ ni zweʼri awən. Mbi biri chɔʼ ìmbən ibɔʼì ighog ane ineg ìghum. Mbə̀ nɔŋɔ ibḛfiŋ igun Kristo ghò pè ane nyumə̀ ne mbi zweti awən. Mə biri nàʼ ìtḛ̀ inən ane ìwən ineʼi.

Kòlosè 1:23

Ane, mbə̀ chè imbìghè ni təm kà inga ìwən ibḛfiŋ ne chəyi mbə̀ chi ìwən ikɔndi igun inug mbe ne yaʼi inga ikən chɔm imbə̀ʼ Kristo. À ya ikən chɔm we ne mbə̀ ya zughi, ne mbe bə̀ chètè abə bəd isiŋi ijìm. À ya bə̀ ikən chɔm gho̰ ne Ŋwiye ya chɔʼi amə, mo Pɔl, ane wə̀d àfàʼì məd gha mə chete.

2 Timotì 1:8

Ane, imbə̀ʼ àghò bere awe tìnìrètog ni ghàm imbə̀ʼ anug ìwa Anɔŋisəg kə̀ imbə̀ʼ amə, mo ne yaʼi wə̀d ndəŋ imbə̀ʼ aməd. Àghò chuʼri ìwe nyɔd ni ya zə̰ ngəʼ imbə̀ʼ anug ni chètì ikən chɔm imbə̀ʼ Kristo icheg inum. À ya Ŋwiye we nàʼà ika ina.

Ɨ̀fàʼì 18:23

Anyumə̀ ne wì ya chughi angu ane iki nyumə̀ mɔ̀ʼɔ, wì ya nɔ̀ʼ ghò ŋa yḛ̀ isiŋi isiŋi inga aba aben ze a Gàlesìyà fɔrɔ a Fìrigìyà. Wì yaya yḛ ane nè nə̀rə fìŋ abə bəd məjìm mbe ne ya bḛ Kristo.

Matìyò 10:38

Wə̀d ne chəyi wì bèʼi àzi azed abaʼri bèni abɔ̀ʼ inum, chəyi tengàŋ kòʼi ni yaʼ àmə àmə̀nənùg.

Ɨnû 7:14

Mə ya ywìtì ibo gha, “Masà, Chəyi mə̀ kyeri. À ya àghò kyèri.” Wì ya ghà inum gha, “Aŋa ya bəd mbe ne fə che inga ngəʼ ze ne chè abo, si ya gha, chəyi mbi ku. Mbi fə sò ìtɔb ndwi maʼi inga anəm ze Ŋwan njə̀g ti se fùyə.

2 Pità 1:11

Ane, Ŋwiye biri nàʼ ika ijìm inən ni nyi inga anug ìfɔ̀n ighə̀m imɔʼ àzi ìwa Anɔŋisəg Yeso Kristo ne pùmnə awa.

Ɨ̀fàʼì 9:16

Mə biri chwi icheg ne məd biri zə̰ ngəʼ imbə̀ʼ amə ibo.”

1 Kɔrèn 1:8

Məd biri bə ghì gha mbə̀ təm kà ghò pè ane ìnwḭ ni gha chəyi bəd biri gha mbə̰ gùg anug ane aneg ze ne Anɔŋisəg Yeso Kristo ywirì yèʼe.

Ɨ̀fàʼì 15:41

Pɔl ya ghò pè a Sirìyà fɔrɔ a Sìlisìyà. Wì yaya yḛ̀ inga tifeti ijìm nè ghìyə̀ gha ibḛfiŋ abə bəd Kristo təm kà.

Ɨ̀fàʼì 15:32

Judàs tì Sayilàs ne ya yaʼi bədkə̀n Ŋwiye yaya ghà inug nɔʼ nɔʼ ne nə̀rə fìŋ bə̀ ghìyə̀ gha ibḛfiŋ abə bəd Kristo mbe təm kà.

Lk 24:26

Àkə chəyi Wə̀d we ne Ŋwiye zɔ̀ʼi koʼi ni zən ngəʼ ìzo̰ ijìm bɔŋ nyi inga anug ìfɔ̀n ìzḛzḛ məd?”

Matìyò 16:24

Yeso ya si ghà abə mə̀mə̀nənùg məd gha, “Wə̀d mɔ̀ʼɔ mə̀ kə̀b ni yaʼ àmə àmə̀nənùg, tengàŋ mənyìʼ ton inug mbe ne nyàmnyɔd məd ze ghə̀ʼrə̀ si bèʼì àzi azed abaʼri bèni abɔ̀ʼ inum.

Ɨ̀fàʼì 11:23

Anyumə̀ ne wì ya pe bàd ineni ne chwìye gha Ŋwiye fə ghì ìchɔ̀mì abə bəd a Antìyɔ̀g, wì ya gyen. Wì ya nəri awɔb mbɔb məjìm, ghà inɔb gha, “Mbə̀ fə taŋ nɔ̀ŋì ìtən fìŋ ijìm ni yaʼ ane anug amɔʼ tì Anɔŋisəg Yeso.”

Jn 15:20

Mbə̀ wendi ìngam we ne mə̀ ya ghàmi inən gha, ‹Chəyi wə̀d àfàʼì mɔ̀ʼɔ ne che mbaʼ àfàʼì məd.› Icheg ne bəd mɔ̀ʼɔ inga isəg yaya chɔ̀ʼɔ ìmbum ibɔʼì ighog, à ya ane ne, mbi biri bə chɔʼ ìmbən tì ibɔʼì ighog. Icheg ne mbi mɔ̀ʼɔ tì bəd yaya zùgrə ìmə ìngam, à ya ane ne, mbi mɔ̀ʼɔ tì bəd biri bə zugri ìwən ìngam.

Ɨnû 1:9

Mo, Jɔn we ne yaʼi ìwən ifi, mə we bə̀ zə̰ ngəʼ tì inən icheg ne tì yaʼi inga anug ìfɔ̀n Ŋwiye. Mo we bə̀ nyìme fìŋ se nyìʼè inug aton ngəʼ icheg inən. Inug mbo̰ ya imbə̀ʼ icheg ne tì yaʼi ane ifɔti tì Yeso. Mbi ya kamni mə inga aben, chà amə inga Patmòs, akəmi asiŋi ìseg ze ne igyi che kad. Mbi ya chà amə angu imbə̀ʼ icheg ne mə̀ yaya ghà Ìngam Ŋwiye fɔrɔ imbə̀ʼ icheg ne mə̀ yaya ghà tesiʼ imbə̀ʼ Yeso.

Jûd 1:3

Ìmbum məfi fɔrɔ ìtum njàbi ne mə̀ taŋ kɔ̀ŋ, icheg ne mə̀ ya nɔŋi fìŋ ni ŋwàʼrì inug inən imbə̀ʼ icheg ne tì fɔrɔ pum, mə̀ ya ywìrì bàd gha, ze bɔ̀ŋ gha mə ŋwaʼra inug ndəŋ ni nəri ìtən fìŋ. Mbə̀ che imbìghè taŋ nyìmi inug imbə̀ʼ ibḛfiŋ we ne Ŋwiye nàʼi abə ìmbi bəd ane ighə̀m imɔʼ.

1 Tèsàlonikà 3:13

Anɔŋisəg Yeso ghiyə ìwən ibḛfiŋ təm kà bə̀ ghì mbə̀ zen mànì imbìghè abə Ŋwiye ne yaʼi ìwa Mbaʼ. Wì ghiyə gha imbə̀ʼ wə̀d mɔ̀ʼɔ bere yi anug tibɔ̀ŋ mɔ̀ʼɔ ni gha imbə̀ʼ awən anyumə̀ ne məd biri yeʼe tì ìmbi bəd ìzḛzḛ.

Ɨ̀fàʼì 13:43

Anyumə̀ ne bəd məjìm inga ichamì Ŋwiye we ya fə sàka, mə̀Ju nɔʼ nɔʼ tì bəd ndəŋ abɔ̀ʼ bəd mbe ne ya bə̀ŋi fìŋ bèni abɔ̀ʼ anug Ŋwiye mə̀Ju ya beni abɔ̀ʼ Pɔl tì Bànabàs. Ane, Pɔl tì Bànabàs ya ghàm tì inɔb bə̀ nə̀ri awɔb gha mbe che imbìghè ni nɔ̀ŋì fìŋ igun Ŋwiye we ne ghìyə̀ ìchɔ̀mì inɔb.

Ɨ̀fàʼì 6:7

Ane, Ìngam Ŋwiye ya chè imbìghè ni kweg. Inɔ̰ bəd ne yaya yètè abɔ̀ʼ mə̀mə̀nənùg inga Jèrusalèm yaya tḭ tḭ ghò gho imbìghè. Bəd mbàn Ŋwiye nɔʼ nɔʼ ya bə̀ bḛ Kristo.

Mk 10:30

tengàŋ biri ywirì bèrì ighi mbo̰ inga nyùmə̀ gho̰ achug iki ifibì. Wì biri bèrì nəb, bèrì məfi tì njàbi, bèrì mbì ngɔb, bèrì bɔn bə̀ bèrì isiŋi ìseg, mbi bə̀ chɔʼ ibɔʼì ighog məd. Wì biri jəg ìtḛ̀ ighə̀m imɔʼ inga nyùmə̀ isəg we ne yèʼe.

Mk 9:47

Ìwe ighə mə̀ ghì gha àghò ghiyə anug tibɔ̀ŋ, chɔʼ. Ze bɔ̀ŋ gha àghò nyi inga anug ìfɔ̀n Ŋwiye tì ighə imɔʼ, chè icheg ne àghò biri bèrì aghə abe Ŋwiye màʼ awe inga asiŋi ichə.

Jn 3:5

Yeso ya ywìtì ibo gha, “Mə ghà kwàʼ tesiʼ ine gha, Chəyi wə̀d ne tì wì nyi inga anug ìfɔ̀n Ŋwiye, kirəndə mbi gwi aməd ane mənib fɔrɔ ane Azwighi Ŋwiye.

Matìyò 19:24

Mə ya anìŋ ywìrè ghà inən gha, ze zàm abə kàme ni chè inga ibighi saʼ chè icheg ne ze zami abə wə̀d ikab ni nyi inga anug ìfɔ̀n Ŋwiye.”

Jn 15:18

Yeso ya ywìrì gha, “Bəd inga isəg mə̀ pàb awən, mbə̰ wèndi gha, mbi ya fə bì pàb amə.

Ɨ̀fàʼì 11:26

Anyumə̀ ne wì ya bàri aməd, wì ya niŋ aməd yèʼe a Antìyɔ̀g. Ane, Bànabàs tì Sɔl yaya nyìme ifeti tì inɔ̰ bəd Kristo we, chwìte inug inɔb anene fituʼ ifibì chuʼ. À ya a Antìyɔ̀g ne mbi ya ko ni kàrì mə̀mə̀nənùg ane bəd Kristo.

Ɨ̀fàʼì 11:29

Mə̀mə̀nənùg ya niŋ isɔbi anug ni nàʼ àwètì abə bəd mbe ne yaya chùghə a Jùdeyà ne ya nɔŋi ìwɔb ibḛfiŋ igun Yeso Kristo. Wə̀d imɔʼ imɔʼ ya nàʼ ighi icheg ne wì ya bèri.

Ɨ̀fàʼì 14:20

Si ya gha, anyumə̀ ne bəd mbe ne ya bḛ Kristo ya ghò təm chè kad aməd, wì ya nɔ̀ʼ, bə̀ndì ghò nyi inga Listrà. Àsi isu abɔ̀ʼ, məd tì Bànabàs ya nɔ̀ʼ ghò a Debè.

Ɨ̀fàʼì 14:28

Mbi ya chughi angu agha sà abɔ̀ʼ bəd mbe ne ya nɔŋi ibḛfiŋ igun Kristo.

Fìlipì 1:29

Ŋwiye fə nàʼ apan inən ni yaʼ bəd Kristo. Apan ze ya kayi məyi ni bḛ aməd. À ya bə̀ ni zən ngəʼ imbə̀ʼ aməd.

1 Pità 2:21

À ya imbə̀ʼ iku ngəʼ gho̰ ne Ŋwiye ya kàri awən gha mbə̀ yaʼ ane ifɔti tì məd. Mbə̀ kyeri gha Yeso Kristo ya bə̀ zə̰ ngəʼ imbə̀ʼ awən. Wì yaya chwìye inug mbo̰ inən icheg aneni ni gha mbə̀ gwe inug kwàʼ igun ibɔʼì ighog məd.

1 Pità 5:9

Imbə̀ʼ mbə̰ bḛ awən gha ìwən ibḛfiŋ we bɔd. Mbə̀ paŋa ìwən nyɔd ibo ikye abo. Mbə̀ kyeri gha ìmbən məfi fɔrɔ ìtən njàbi inga isəg ijìm ne mbə̀ yaʼ ane ifɔti tì Kristo, mbɔb mbe bə̀ chè inga tiku ngəʼ ìto̰.