Ɨ̀fàʼì 13:39 - Ikan feg

³⁹ Ane, Ŋwiye fə ghì wə̀d imɔʼ imɔʼ we ne bḛ Kristo wì təm kòʼ, ne chəyi tì mə̀nɔ̀ʼɔ̀ Muse ya ghì wə̀d təm kòʼ.

Meta’

³⁹ Əne Ŋwìə̀ fə waʼ ɨnû rɨbɔ̀ŋ wə̀d mɔʼ mɔʼ we nɨ ben ə Kristo, nɨ chəi tɨkə rɨ Mose te tɨ̀ rɨ nyaʼa waʼ.

Ɨ̀fàʼì 13:39 交叉引用

Gàlesìyà 2:16

Tè kyèri àza aghi kwàʼ tesiʼ gha, chəyi tì wə̀d təm kòʼ imbìghè abə Ŋwiye anjìm icheg ne wì nɔŋi mə̀nɔ̀ʼɔ̀ Muse. Wə̀d ne təmi kòʼ imbìghè abə Ŋwiye ya wə̀d ne nɔŋi ìwi ibḛfiŋ igun Yeso Kristo. Ane, mba mə̀Ju fə bə̀ nɔ̀ŋì ibḛfiŋ igun Yeso Kristo ni ghì gha tè təm kòʼ. Tè təm kòʼ anjìm ìwa ibḛfiŋ igun Kristo, kayi anjìm icheg ne tì nɔŋi anug ne mə̀nɔ̀ʼɔ̀ Muse mbe kə̀bə̀. Chəyi tì wə̀d təm kòʼ anjìm icheg ne wì nɔŋi mə̀nɔ̀ʼɔ̀ Muse.

Rm 10:4

Mə̀nɔ̀ʼɔ̀ Muse fə nwḭ̀yḛ̀ igun Kristo, ni ghì gha wə̀d ijìm ne beri ibḛfiŋ igun Kristo, wì fə təm kòʼ imbìghè abə Ŋwiye.

Rm 8:3

Anug ne Ŋwiye fàʼi ya anug ne chəyi tì mə̀nɔ̀ʼɔ̀ ya fàʼ imbə̀ʼ icheg ne inug mbe ne wə̀d we ghə̀ʼrə̀ fə ghì wə̀d bɔd. Wì fə chì ika we ne inug tibɔ̀ŋ beri igun bəd icheg ne wì cha ìwi Ŋwan wì yèʼe igun isəg icheg wə̀d inug tibɔ̀ŋ pè nàʼ àzi atog ane aghi àfàtì imbə̀ʼ inug tibɔ̀ŋ bəd ndəŋ.

Mə̀Hibrù 7:19

Chəyi anug mɔ̀ʼɔ ne mə̀nɔ̀ʼɔ̀ Muse ya ghi ze bɔ̀ŋ mànì. Ane, anug ne tì nɔŋi fìŋ igun amad anìŋ ze bɔ̀ŋ chè anug ze ne tì ya bì nɔ̀ŋì fìŋ igun. À ya anjìm àzewən ne te tìnde iban Ŋwiye.

Rm 10:10

À ya anjìm ibḛfiŋ ne wə̀d we tə̀mə kòʼò imbìghè abə Ŋwiye. Wə̀d mə bə̀ ghà ane ìwi ichug gha zìye bḛ, tengàŋ biri pum.

Rm 8:1

Amad anìŋ, chəyi wə̀d mɔ̀ʼɔ ne tì wì sɔb isaʼi zì ngəʼ igun bəd mbe ne yaʼi ane ifɔti tì Yeso Kristo.

Rm 4:15

À ya ane imbə̀ʼ icheg ne mə̀nɔ̀ʼɔ̀ yaya nɔ̀rɔ̀ agaŋ Ŋwiye. Chəyi wə̀d we gùghə̀ mə̀nɔ̀ʼɔ̀ asiŋi ne chəyi mə̀nɔ̀ʼɔ̀ yaʼi angu.

Rm 3:19

Ane, tè kyèri gha inug mbe ne mə̀nɔ̀ʼɔ̀ mbe ghà ya abə bəd mbe ne yaʼi aton mə̀nɔ̀ʼɔ̀. À ya ni ghì gha imbə̀ʼ mbi bere awɔb anug ni ghà. Ane, Ŋwiye biri saʼ bəd məjìm mbe ne yaʼi inga isəg.

Rm 5:20

Mə̀nɔ̀ʼɔ̀ Muse ya ghì inug tibɔ̀ŋ nɔʼ. Si ya gha, asiŋi ze ne inug tibɔ̀ŋ nɔʼi ìchɔ̀mì Ŋwiye ya nɔ̀ʼɔ chè.

Rm 5:9

Icheg ne anəm Yeso fə ghi tì təm kòʼ imbìghè abə Ŋwiye, à ya kwàʼ ane ne Ŋwiye biri chì àzi agaŋ igun ina anjìm Kristo.

Jn 1:17

Ŋwiye ya chè anjìm Muse nàʼ mə̀nɔ̀ʼɔ̀. Ìchɔ̀mì fɔrɔ tesiʼ si yèʼe anjìm Yeso Kristo.

Mə̀Hibrù 10:11

Inga ikan anun, wə̀d mbàn Ŋwiye yaya nàʼà ighi àfàtì inga mbàn Ŋwiye ineg ijìm. Wì ya nàʼà iku ighi àfàtì afibì aghəm nɔʼ nɔʼ ni ghì gha Ŋwiye waʼ inug tibɔ̀ŋ bəd. Si ya gha, chəyi ighi mbo̰ ya kə kweʼì chì inug tibɔ̀ŋ bəd.

Mə̀Hibrù 10:4

Ze ya ane imbə̀ʼ icheg ne chəyi tì anəm pɔ̀ŋ tì anəm gwi sò inug tibɔ̀ŋ wə̀d chì.

Rm 5:1

Icheg ne Ŋwiye fə ghi tì təm kòʼ anjìm ibḛfiŋ, tì fə se ane àbɔrɔ̀bɔd tì Ŋwiye anjìm ìwa Anɔŋisəg Yeso Kristo.

Rm 4:24

À ya fɔrɔ ina, mba mbe ne nɔŋi ibḛfiŋ igun məd we ne ya zwemne Yeso, ìwa Anɔŋisəg ane iwu.

Ɨ̀fàʼì 10:43

Bədkə̀n Ŋwiye məjìm yaya ghà inug imbə̀ʼ aməd gha Ŋwiye biri chè anjìm məd waʼ inug tibɔ̀ŋ abə wə̀d ijìm ne nɔŋi fìŋ igun məd.”

Gàlesìyà 5:3

Mə ya anìŋ ywìrè ghà kɔ̀mbɔ̀ abə wə̀d ne bḛ gha mbe ŋwed aməd gha, tengàŋ mənyìʼ nɔ̀ŋì mə̀nɔ̀ʼɔ̀ Muse kwàʼ məjìm.

Gàlesìyà 3:8

Ìngam Ŋwiye ya fə bì ghum ghà gha, Ŋwiye biri ghì bəd mbe ne kayi mə̀Ju mbi si bəd Ŋwiye anjìm ìwɔb ibḛfiŋ. À ya aton ne, Ŋwiye ya fə bi ghà ikən chɔm gho̰ abə Abràham gha, “Ŋwiye biri chè ine anjìm zì àbɔrɔ̀bɔd igun iben ijìm.”

Gàlesìyà 2:19

Anug mə̀ yaʼ àze ne zi mə̀nɔ̀ʼɔ̀ Muse, mo ya icheg awu wə̀d, awu wə̀d ne à ya mə̀nɔ̀ʼɔ̀ Muse zweti. Ane ya ni ghì gha mə̀ si yaʼ izɔm se fàʼà abə Ŋwiye.

1 Kɔrèn 6:11

Bəd mɔ̀ʼɔ abɔ̀ʼ inən yaya ghìyə̀ inug mbo̰. Si ya gha, ika Anɔŋisəg Yeso Kristo fə chè anjìm Azwighi Ŋwiye sò awən bə̀ zèni awən, ghì mbə təm kòʼ imbìghè abə Ŋwiye.

Rm 9:31

Àsi bəd Izre ne yaya nɔ̀ŋɔ̀ mə̀nɔ̀ʼɔ̀ Muse kə̀bə̀ ni təm kòʼ, mbɔb mbo̰ anìŋ chəyi mbi təmi kòʼ imbìghè abə Ŋwiye.

Jn 5:24

Mə gha tesiʼ inən gha, bəd ne zughi ìmə ìngam bə̀ zì ìwɔb ibḛfiŋ igun wə̀d we ne cha amə, mbi biri jəg ìtḛ̀ ighə̀m imɔʼ. Chəyi mbi biri ywiri saʼ awɔb imbə̀ʼ icheg ne mbɔb fə pum abə iwu, si jəg ìtḛ̀.

Lk 18:14

Mə gha tesiʼ inən gha, wə̀dtag gho̰ ya təm kòʼ imbìghè abə Ŋwiye chè Farìsi we bɔŋ mbi ya se bə̀ndə̀ ghò a achan. Mbə̀ kyeri gha, wə̀d ne nɔ̀ nyɔd, Ŋwiye biri swi aməd. Wə̀d ne swi ìwi nyɔd, Ŋwiye biri nɔ̀ aməd.”

Lk 10:28

Yeso ya ywìtì gha, “Àghò ghàm icheg chɔm. Àghò mə̀ ya fàʼà ane, nji àghò biri jəg ìtḛ̀.”

Lk 10:25

À ya yaʼ igun aneg mɔ̀ʼɔ, àchwitì mə̀nɔ̀ʼɔ̀ mɔ̀ʼɔ ya ghò ni kwàʼrì Yeso. Wì ya biri ibo gha, “Àchwitìnùg, mə kə mənyìʼ ghì iye bɔŋ jəg ìtḛ̀ ighə̀m imɔʼ?”

Rm 3:20

Chəyi wə̀d mɔ̀ʼɔ angu ne təmi kòʼ imbìghè abə Ŋwiye imbə̀ʼ icheg ne we ghìyə̀ inug ne mə̀nɔ̀ʼɔ̀ gha. Mə̀nɔ̀ʼɔ̀ ya ghìyə̀ bəd kyeri gha mbɔb mbe ghìyə̀ inug tibɔ̀ŋ.