2 Kɔrèn 1:14 - Ikan feg

¹⁴ Icheg ne mbə̀ kweʼì kyèri inug mɔ̀ʼɔ imbə̀ʼ awa, mə bèrì ibḛfiŋ gha mbə biri taŋ kyeri awa anyumə̀ ne Anɔŋisəg Yeso biri ywiri yeʼe. Mbə̰ biri se tə̀rə̀ awən imbə̀ʼ awa bə̀ kwàʼ icheg ne tì biri bə se tə̀rə̀ awa imbə̀ʼ awən.

Meta’

¹⁴ Chəi mbə̀ kɨrɨ jeŋgɨ kyerɨ əwa. Mbə bɨrɨ jeŋgɨ kyerɨ mbə ɨtu zeŋ əni ze nɨ Ə̀nùŋɨ̀sɨg Yeso bɨrɨ wɨrɨ yeʼe, ɨmbə̀ʼ mbə̀ goŋ ɨgɔ̂ ɨmbə̀ʼ əwa ɨchî nɨ tɨə bə̀ goŋ ɨmbə̀ʼ əwən.

2 Kɔrèn 1:14 交叉引用

Fìlipì 2:16

Mbə̀ nyimi ikən chɔm we ne nàʼà ìtḛ̀ ni ghì gha mə biri bèrì aton ni kɔ̀m igo ane aneg ze ne Kristo biri ywiri yeʼe gha chəyi mə̀ ya nòto atog ako, kə̀ fàʼ àfàʼì ako.

1 Kɔrèn 1:8

Məd biri bə ghì gha mbə̀ təm kà ghò pè ane ìnwḭ ni gha chəyi bəd biri gha mbə̰ gùg anug ane aneg ze ne Anɔŋisəg Yeso Kristo ywirì yèʼe.

1 Tèsàlonikà 3:13

Anɔŋisəg Yeso ghiyə ìwən ibḛfiŋ təm kà bə̀ ghì mbə̀ zen mànì imbìghè abə Ŋwiye ne yaʼi ìwa Mbaʼ. Wì ghiyə gha imbə̀ʼ wə̀d mɔ̀ʼɔ bere yi anug tibɔ̀ŋ mɔ̀ʼɔ ni gha imbə̀ʼ awən anyumə̀ ne məd biri yeʼe tì ìmbi bəd ìzḛzḛ.

Fìlipì 4:1

Ìmbum məfi fɔrɔ ìtum njàbi, mə kɔ̀ŋ awən. Mə bə̀ kə̀b ni bàd awən. Mbə̰ mbe ghìyə̀ ìmə fìŋ bɔŋɔ̀. Mbə̰ ya icheg àmə ichɔʼ àfàʼì ane àfàʼì ze ne mə fàʼà. Ìmbum mə̀sə̀ʼ ne mə̀ taŋ kɔ̀ŋ, icheg ne mbə̀ yaʼi ane ifɔti tì Anɔŋisəg, mbə kòʼ ni təm kà.

Fìlipì 1:10

Mbə̀ ghiyə ane imbə̀ʼ kyeri icheg ni də̀b anug ne taŋ bɔ̀ŋ. Ane, mbə biri chughi inga ìzḛzḛ anene ghò pè ane aneg ze ne Yeso Kristo biri ywiri yeʼe, ne chəyi tì wì bàd anug tibɔ̀ŋ mɔ̀ʼɔ inga ìwən ìtḛ̀.

1 Tèsàlonikà 5:23

Məd Ŋwiye we ne ghìyə̀ bəd chùghə ane àbɔrɔ̀bɔd, wì ghiyə mbə̀ zen mànì. Ŋwiye ghiyə gha àzən azwighi tì ìtən fìŋ fɔrɔ ìtən nyàmnyɔd ya ghìyə̀ inug ne koʼi. Ane, chəyi anug tibɔ̀ŋ mɔ̀ʼɔ ne tì wə̀d mɔ̀ʼɔ ghà imbə̀ʼ awən anyumə̀ ne Anɔŋisəg Yeso Kristo biri ywiri yeʼe.

Fìlipì 1:6

Mə kyèri kwàʼ tesiʼ gha, Ŋwiye we ne ya ko àfàʼì chɔm azo̰ ni fàʼ inga ìwən ìtḛ̀, wì biri chè imbìghè ni fàʼ ajìm ghò pè ane aneg ze ne Yeso Kristo biri ywiri yeʼe.

2 Kɔrèn 5:12

Chəyi tì kə̀bi ni ywiri ghà inən gha mba ya bəd àfàʼì chɔm. Si ya gha, tì we nàʼà apan inən gha mbə̀ ya kɔ̀mɔ̀ igo imbə̀ʼ awa. Tì nàʼ ane ni gha mbə̀ ywiti ìngam abə bəd mbe ne kɔ̀mɔ̀ igo yaʼ imbə̀ʼ inug mbe ne bəd mbe bàrà, ne nji mbi ya kɔ̀mɔ̀ igo yaʼ igun inug mbe ne yaʼi inga fìŋ.

2 Kɔrèn 2:5

Wə̀d mɔ̀ʼɔ mə̀ ghì wə̀d ndəŋ gaŋ, kayi məyi mo ne tengàŋ chìkì ìmə fìŋ, wì chìkì fìŋ abə wə̀d ijìm chè ìzum. Chəyi mə̀ biri ghàm ako imbə̀ʼ anug azo̰.

Rm 11:25

Ìmbum məfi fɔrɔ ìtum njàbi, tesiʼ mɔ̀ʼɔ we angu ne yaʼi inə̀mbi ne mə̀ kəbi gha nji mbə kyèri. Tesiʼ we biri ghì gha mbə̀ saŋa icheg ne mbə̀ kɔ̀ndɔ gha mbə bèrì iwe. Tesiʼ we ya gha: chəyi ìkɔ̀b ze ne mə̀Izre beri biri tèn igun inɔb ane ighə̀m imɔʼ. Ìkɔ̀b ze ya ghɔ̀mɔ̀ gha àbùʼì bəd ze ne kayi mə̀Ju ze mana yèʼe abə Ŋwiye.

1 Kɔrèn 15:31

Ìmbum məfi fɔrɔ ìtum njàbi, mə we ichug iwu ineg ijìm! À ya ane imbə̀ʼ icheg ne mə we kɔ̀mɔ̀ igo imbə̀ʼ awən icheg ne tì yaʼi ane ifɔti tì ìwa Anɔŋisəg, Yeso Kristo.

1 Kɔrèn 11:18

Anug mbègtog ya gha, mə fə zug gha, mbə̰ ya mə̀ fète aseg icheg bəd Kristo, àghàpì ze yàʼa inga inən. Mə we tì mə bḛ gha à ya anug tesiʼ.

Fìlipì 1:26

Ane, mə mə̀ ywìrì yèʼe chughi tì inən, igyendi icheg ne mbə̀ yaʼi ane ifɔti tì Yeso Kristo biri taŋ sweg inga ìtən fìŋ se gwètè imbə̀ʼ àfàʼì ze ne mə fàʼà.

2 Kɔrèn 9:2

Mə kyèri gha mbə fə chuʼri ìwən nyɔd ni nàʼ àwètì. Mə ya fə kɔ̀m igo abə bəd Kristo mbe aba aben ze a Màsèdonìyà imbə̀ʼ awən. Mə fə ghà inɔb gha, ze fə ghì fituʼ ifibì ni mbə̰ mbe ne yaʼi inga aba aben ze a Akìyà fə chuʼri ìwən nyɔd ni nàʼ àwètì. Icheg ne mbə̰ fə gyendi ni nàʼ àwètì, ze fə ghì gha bəd Kristo mbe inga Màsèdonìyà, mbe ko ni nàʼ ìmbɔb tì ighi ni wètì.