1 Timotì 3:7 - Ikan feg

⁷ Məd bèrì ni yaʼ wə̀d ne bəd mbe ne kayi bəd Kristo mbe ghà inug chɔm imbə̀ʼ aməd. Ane, chəyi wì biri ya bèrè tìnìrètog. Chəyi wì biri bə fen inga atam Debrə̀.

Meta’

⁷ Bə̂d mbe nɨ kaʼi bə̂d Kristo berɨ gha ɨnû chɔ̀m ɨmbə̀ʼ əməd, ɨmbə̀ʼ tɨ wɨ̀ berɨ i tɨ̀nìd ətu əne feŋ ɨŋga ətam ə Debɨ̀rə̀.

1 Timotì 3:7 交叉引用

2 Kɔrèn 8:21

Aton ya gha tì we chè inga ngəʼ ni fàʼ anug ne koʼi imbìghè abə Anɔŋisəg fɔrɔ abə bəd ijìm.

2 Timotì 2:26

Wì ya bə̀ ghìyə̀ ane nè nɔ̀ŋɔ̀ ikɔndi gha ìmbɔb itog biri zen, mbi si chwed abə atam ze ne Debrə̀ bə̰ nɔ̀ŋì inɔb, ni gwì awɔb ghì mbi se fàʼà inug mbe ne məd kə̀bi.

Kòlosè 4:5

Mbə̀ we awən ane icheg ne mbə̰ mbe ghìyə̀ inug tì bəd mbe ne kayi bəd Kristo. Mbə̀ niŋ apan ze ne mbə̀ yaʼi tì inɔb ghì inug ne chwìye gha mbə̰ ya bəd Kristo.

1 Timotì 6:9

Tesiʼ ya gha, bəd mbe ne kə̀bə̀ ni bèrì ikab nɔʼ nɔʼ ya nyḭ̀yḛ inga ìkwàʼrì bə̀ fḛ inga atam ne ghìyə̀ gha mbɔb se ghìyə̀ inug anen nɔʼ nɔʼ bə̀ ghìyə̀ inug tibɔ̀ŋ mbe ne mbɔb mbe ghə̀ʼrə̀. Inug mbe ya chìkə̀ awɔb bə̀ nìmne awɔb.

1 Tèsàlonikà 4:12

Mbə̀ ghiyə ane ni gha bəd ne kayi bəd Kristo biri ya ghùmnə awən, fɔrɔ ni gha chəyi mbə̰ biri ya nḛ̀ igun wə̀d mɔ̀ʼɔ gha wì ya nàʼà ighi inən.

2 Kɔrèn 6:3

Chəyi te kə̰ inɔnjì abə wə̀d, ni gha imbə̀ʼ wə̀d mɔ̀ʼɔ nɔ̀ʼ ghàm anug tibɔ̀ŋ imbə̀ʼ àfàʼì ze ne te fàʼà.

1 Kɔrèn 10:32

Imbə̀ʼ mbə̰ ghiyə awən gha wə̀d ne yaʼi wə̀d inga ifeti bəd Ŋwiye wì gughə anug; kə̀ àkə Ju kə̀ wə̀d ne kayi Ju.

Ɨ̀fàʼì 6:3

Ane, ìmba məfi fɔrɔ ìta njàbi, mbə̀ chɔʼ mbaŋà ìsàmbe abɔ̀ʼ inən ne mbə̀ kyeri gha ìwɔb ikuchèg bɔ̀ŋ, bə̀ kyèri gha mbɔb bèrì Azwighi Ŋwiye inga inɔb bə̀ bèrì iwe. Tì biri zì àfàʼì azo̰ ni ghàpì tijəg inɔb ikye abo.

Tayitùs 2:8

Àghò ya ghàmà yaʼ ìngam chɔm ne chəyi tì wə̀d mɔ̀ʼɔ chàpì. Àze biri nàʼ tìnìrètog abə ìmbe bəd ìpàb icheg ne chəyi mbɔb biri ywiri bèrì anug tibɔ̀ŋ mɔ̀ʼɔ ni ghàm imbə̀ʼ awa.

Tayitùs 2:5

Mbe ya bə̀ nyìmbe ìwɔb nyɔd bə̀ ya ghìyə̀ inug ìzḛzḛ, bə̀ chùghi icheg mə̀yi chɔm inga ìtɔb nəb, bə̀ ghùmni ìmbɔb mənɔm. Mbə̀ ya ghìyə̀ ane ni ghì gha imbə̀ʼ wə̀d mɔ̀ʼɔ chàpà yi Ìngam Ŋwiye ka.

1 Tèsàlonikà 5:22

Mbə̀ sìkə tiku inug tibɔ̀ŋ ijìm.

1 Timotì 5:14

Ane, mə we nàʼà ikə abə məku àyi mbe ne chəyi mbi kiri nṵ gha, mbe ywiri nam, gwi bɔn, kyèʼì bəd mbe ne yaʼi inga nəb tì inɔb. Mbe ghiyə ane ni gha imbə̀ʼ bəd ìpàb nɔ̀ʼ bèrì apan ni ghà inug tibɔ̀ŋ igun ina.

1 Kɔrèn 5:12

À wa kə àmə ati ni saʼ bəd ne chəyi awɔb inga ifeti bəd Kristo? Imbə̀ʼ mbə̰ bèrì ni saʼ yaʼ bəd ne yaʼi inga ifeti bəd Kristo?

Ɨ̀fàʼì 22:12

Mbaŋà mɔ̀ʼɔ ya yaʼ a Dàmaskòs ne ikum məd ya Ànàniyàs. Məd ya nɔ̀ŋì ìzi fìŋ igun Ŋwiye. Məd yaya bə̀ nɔ̀ŋɔ̀ mə̀nɔ̀ʼɔ̀ Muse. Mə̀ju məjìm yaya ghà inug chɔm imbə̀ʼ aməd.

Ɨ̀fàʼì 10:22

Mbaŋà te ya ywìtì ibo gha, “À ya Kònilìyùs we ne yaʼi atog wə̀d igun mə̀sogyì iki ifibì tɔmi awa ine. Məd ya wə̀d ne ghìyə̀ inug ne təmi kòʼ bə̀ ghùmnə Ŋwiye. Mə̀Ju məjìm mbe ghàmà inug chɔm imbə̀ʼ aməd. Angirə̀ Ŋwiye kə̀ ghà ibo gha, wì tɔm bəd ine mbe kara awe àghò yeʼe, imbə̀ʼ wì zug anug ze ne àghò beri ni ghà ibo.”

Mk 4:11

Wì ya ywìtì inɔb gha, “Ŋwiye fə nàʼ iwe inən gha mbə̀ kyeri inug mbe ne yaʼi inə̀mbi imbə̀ʼ anug ìfɔ̀n məd. Si ya gha, mbi biri ghà inug ijìm abə bəd mbe ne chəyi awɔb abɔ̀ʼ inən ane tìngam məgri.

3 Jɔn 1:12

Si ya gha, bəd Kristo məjìm mbe ghà inug chɔm imbə̀ʼ Dèmitrùs. Məd we ghìyə̀ inug kwàʼ icheg ne Àŋwàʼrì Ŋwiye chwi. Mə kyèri gha məd ya wə̀d inug chɔm. Mbə̰ inən bə̀ kyèri gha, anug ne mba mbe ghà imbə̀ʼ aməd ya tesiʼ.

1 Timotì 3:6

Imbə̀ʼ tengàŋ yaʼ yi wə̀d ne cherè bḛ Kristo, nji wì biri se nɔ̀ nyɔd. Ane, Ŋwiye biri chə aməd icheg ne wì ya bə chə Debrə̀.