1 Timotì 1:11 - Ikan feg

¹¹ Tì we tì tì bàd tikə Ŋwiye ìto̰ inga ikən chɔm we ne Ŋwiye zi inum ikye abo. Məd ya Ŋwiye we ne bəd mbe yète bə̀ ghùmnə.

Meta’

¹¹ Tɨ̀ we tɨ̀ rɨ̀ zə ɨnû mbɔ̂ ɨŋga ɨkə̂n chɔ̀m we nɨ Ŋwiə̀ zɨ ɨŋga tum rɨkyerɨ-ɨbɔ. Məd yɨə Ŋwìə̀ we nɨ bə̂d ə yiirɨə bə̀ wumnɨə.

1 Timotì 1:11 交叉引用

Gàlesìyà 2:7

Mbɔb ya bàd yaʼ gha, Ŋwiye ya zì anug ni chètì ikən chɔm inum ikye abo, chà amə abə bəd ne kayi mə̀Ju, bə̀ kwàʼ icheg ne wì ya zi anug ni chètì ikən chɔm ikye abo abə Pità, chà aməd abə mə̀Ju.

Tayitùs 1:3

Ane nyùmə̀ ya kòʼi, Ŋwiye ya ghì ìngam məd dù zen. Wì ya zì ìngam gho̰ inum ikye abo gha mə chete kwàʼ icheg ne Ŋwiye we ne pùmnə awa wì kə̀bi.

1 Timotì 6:15

Nyùmə̀ mə kòʼ, Ŋwiye we ne bəd mbe ghùmnə biri ghì Kristo yèʼe. À ya məyi məd yaʼi Atumbisəg ne yaʼi Ifɔn abə məfɔn bə̀ yaʼ Anɔŋisəg abə itog bəd ijìm.

2 Kɔrèn 4:4

À ya Sàtàn we ne sàʼa isəg gho̰ fə ghùpì fìŋ abə bəd mbe ne chəyi mbi bḛ Kristo. Wì fə ghùpì ìtɔb fìŋ ni ghì gha imbə̀ʼ mbi nɔ̀ʼ bàd ìzḛzḛ we ne yaʼi inga ikən chɔm imbə̀ʼ Kristo. Kristo ya kwàʼ icheg Ŋwiye.

Rm 2:16

Aŋa ya icheg ne ze biri yaʼ igun aneg ze ne Ŋwiye biri chè anjìm Yeso Kristo ni saʼ bəd ane inug ijìm fɔrɔ inug mbe ne mbi ya ghi inə̀mbi icheg ne mə̀ ya gha inən inga ikən chɔm.

2 Timotì 2:2

Inug mbe ne àghò ya zughi ne mə̀ yaya chwìte inga bəd, bəd nɔʼ nɔʼ bàrà, niŋ zì ikye abo abə bəd mbe ne àghò kyèri gha mbɔb mbe tì mbi chwiti abə bəd ndəŋ.

2 Timotì 1:14

Àghò taŋ nyìmi ineʼi chɔm we ne Ŋwiye ya nàʼi ine. Azwighi Ŋwiye ze ne chùghə inga ina biri wètì awe gha àghò nyimi ineʼi we.

2 Timotì 1:11

Ŋwiye ya chɔʼ amə ane wə̀dtɔm gha mə̀ che imbìghè ghò ghà ikən chɔm gho̰ bə̀ chwìti inug imbə̀ʼ Kristo abə bəd.

1 Timotì 6:20

Àghò Timotì, taŋ nyìmi inug mbe ne Ŋwiye zi inga ìte tikye abo. Imbə̀ʼ àghò ziye awe atog ane tìngam te ne chəyi ti beri anug ni ghì tì Ŋwiye. Imbə̀ʼ àghò ziye awe atog igun tìngam mɔ̀ʼɔ te ne bəd mbe ne kɔ̀ŋɔ̀ ni ya tàŋà inug mbe ghà gha à ya inug iwe ne kayi inug iwe.

1 Timotì 2:7

Aŋa ya aton ne Ŋwiye chɔ̀ʼi amə ane wə̀dtɔm Kristo chà abə bəd mbe ne kayi mə̀Ju gha mə chwiti tesiʼ ne tì wì ghi bəd zì ibḛfiŋ igun Kristo. Mə ya ghà kwàʼ tesiʼ, kayi inug ako.

1 Tèsàlonikà 2:4

Anug ne angu ya gha, tì we ghà məyi icheg ne Ŋwiye kə̀bi gha tì gha. Wì fə niŋ awa ane bəd ne kòʼi gha wì ziye ikən chɔm gho̰ ina ikye ibo. Chəyi te ghà ikən chɔm ni ghì gha fìŋ abə bəd bɔŋɔ. Tì ya ghà yaʼ icheg ne ze biri bɔ̀ŋ abə Ŋwiye we ne kyeri ìta fiŋ inga.

Kòlosè 1:25

Mo ya wə̀d àfàʼì abə ifeti bəd Kristo icheg ne Ŋwiye ya chɔʼi amə chà, gha mə̀ taŋ tòʼrì inug ijìm mbe ne yaʼi inga Ìngam Ŋwiye inən, mbə̀ taŋ kyèri.

Efesùs 3:10

Wì ya ghì ane ni gha, amad anìŋ, anjìm ifeti bəd Kristo, izwighi ka ka mbe ne yaʼi ikaŋ fɔrɔ ìmbɔb məfɔn mbe tì mbi bàd iwe Ŋwiye ane tinɔnjì nɔʼ nɔʼ.

Efesùs 2:7

Wì ya ghì ane ni gha inga nyùmə̀ isəg we ne məd biri yeʼe, məd we tì wì chwi gha chəyi tì mbi mə̀grì ìchɔ̀mì kyen məd we ne wì ghi ina anjìm Yeso Kristo.

Efesùs 1:12

Wì ya ghìyə̀ ane ni gha, mba mbe ne ya yaʼi bəd mbègtog ni nɔ̀ŋì ikɔndi igun Kristo tì ghumni Ŋwiye.

Efesùs 1:6

Ane, tì ghumni Ŋwiye ane ìchɔ̀mì kyen məd we ne wì nàʼi ina abu abu anjìm Ŋwan məd we ne wì kɔ̀ŋi.

2 Kɔrèn 4:6

Ŋwiye ne ya gha, “Ìzḛzḛ zuʼ, afub kye!” Wè ghì ìzḛzḛ we yaʼ ina inga fìŋ. Wì ghì ane ni gha tì kyeri ìzḛzḛ njandi njandi Ŋwiye we ne zùʼə igun ìfe abə Kristo.

1 Kɔrèn 9:17

Àmə yaʼ aghi ne mə chètè ikən chɔm imbə̀ʼ Kristo ane ìmə ighəm, nji mə biri kə̀b gha mbə naʼa chùd inum. Àmə yaʼ aghi ne kayi ane ìmə ighəm ne mə chètè ikən chɔm, nji mə ya fàʼà yaʼ anug ne Ŋwiye zi inum ikye ibo.

Lk 2:14

“Ighumni yaʼ abə Ŋwiye ikaŋ àbɔ̀ŋɔ, àbɔrɔ̀bɔd yaʼ abə bəd mbe ne məd gyḛ igun isəg.”