1 Pità 4:4 - Ikan feg

⁴ À ya imbə̀ʼ inug mbo̰ ne bəd mbe ne chəyi mbi kyeri Ŋwiye mbe kɔ̀ndɔ ze se chè awɔb gha nji mbə̰ fɔ̀ti abɔ̀ʼ inɔb ni ghì inug tìbɔŋ. À ya aton ze ne mbɔb mbe se zɔ̀mbɔ̀ awən.

Meta’

⁴ Tɨ̀nîn ɨ mbɨə yiirɨə ni chəi mbə̀ ə wɨrɨə fɔtɨ əbɔʼ mɨ̀mə̌d ɨmbə̀ʼ ghɨ ɨnû rɨbɔ̀ŋ mbe nɨ mbə nyaʼə beə ghɨ̀ə̀. Ɨchî nɨ chəi mbə̀ə wɨrɨə fɔtɨ əbɔʼ mɨ̀mə̌d, ɨ mbɨə sɨə zɔ̀m əwən.

1 Pità 4:4 交叉引用

1 Pità 3:16

Anug ne angu ya gha, mbə̀ ywite ichug ane àbɔrɔ̀bɔd tì ighumni. Mbə̀ ghiyə ìtən fìŋ yaʼ ti zḛ zḛ ni gha bəd mbe ne ghàmbà awən imbə̀ʼ ìwən ikuchèg chɔm icheg ne mbə̀ yaʼi ane ifɔti tì Kristo, mbi biri si bèrì tìnìrètog.

1 Pità 2:12

Mbə̀ bere ikuchèg chɔm inga bəd mbe ne kayi mə̀Ju. Ane, anyumə̀ ne bəd gha mbə̰ mbe ghìyə̀ inug tibɔ̀ŋ, mbi biri bàd ìwən ikuchèg chɔm, si ghùmni Ŋwiye ane aneg ze ne wì biri ywiri yeʼe.

Ɨ̀fàʼì 18:6

Si ya gha, mbi yaya to̰ awɔb ìngam we ne wì yaya ghà, bə̀ ko se zɔ̀mbɔ̀ aməd. Wì ya kùd ìzi njìm ghà inɔb gha, “Ndɔ̀n biri nyi məyi igun inən! Ìmbum ibo fə zen. Nɔ̀ʼ tèchɔ̀ŋ, mə biri ghò abə bəd mbe ne kayi mə̀Ju”.

Jûd 1:10

Àsi bəd mbo̰, mbi ya ghàmà chàtà inug mbe ne chəyi mbi kyeri. Mbi ya ghìyə̀ inug icheg nyam mben, bə̀ fàʼà inug icheg ne ìtɔb fìŋ te chwìye gha mbe faʼa. Inug mbe ne mbɔb mbe ghìyə̀, à ya mbiwən mbe chìkə̀ ìwɔb.

Ɨ̀fàʼì 13:45

Si ya gha, anyumə̀ ne mə̀Ju ya bàri tinɔ̰ bəd te, àdeg ya sweg inɔb inga fìŋ. Ane, mbi ya ko se zɔ̀mbɔ̀ Pɔl gha anug ze ne wì ya ghà ya anug ako.

2 Pità 2:22

Anug ne du inɔb fə chwi gha tìngam tumi te fə dù ane tesiʼ. Tìngam te ya gha: “Bog ya ywìrè jə̀ghə ìmbi məzen,” tì, “Àkuŋə ne mbi so ya ywìrè bə̀ndə̀ ghò inga tìchaʼ.”

2 Pità 2:12

Bəd mbo̰ ya ghàmà chàpà inug ne chəyi mbɔb kyeri. Mbɔb ya icheg nyam ne chəyi iwe, ne fàʼà məyi inug ne kɔ̀ʼɔ inɔb inga fìŋ. Mbɔb ya icheg nyam ne kweghe məyi ni gha bəd ghum gwì awɔb zwèti. Bəd mbo̰ biri bə ghum ku nim icheg nyam.

Rm 13:13

Tì ghiyə ìwa ikuchèg we yaʼ icheg ìwi bəd ne yaʼi inga ìzḛzḛ tesiʼ. Imbə̀ʼ tì ghò awa ane isiŋi inug ne bəd mbe no be se ghìyə̀ izṵ inug tì inug ka ka. Imbə̀ʼ tì nyìme awa anug ni no be kə̀ àfànì kə̀ anug ni nɔ̀kì mə̀yi kə̀ mbaŋà abu abu kə̀ ìdɔ̀b kə̀ àzɔ̀ŋì.

Lk 15:13

Chəyi agha ya sa, ìwi njìm we feti ìmbi məd tì ighi ijìm ghò yi a aben mɔ̀ʼɔ ne agha sa. Wì ya pè angu kud ìmbi tì ighi ane icheg ne bə anene mbi mèg.

Efesùs 5:18

Imbə̀ʼ mbə̰ si no awən be imbə̀ʼ icheg ne mbə̰ mə̀ no mənoʼ be, mbə biri nyi inga anug ni nɔ̀kì mə̀yi kə̀ mbaŋà abu abu. Mbə̀ saŋa yaʼ Azwighi Ŋwiye ze sweg inga inən.

Matìyò 23:25

Ngəʼ kyen biri nyi igun inən, mbə̰ mə̀chwitì mə̀nɔ̀ʼɔ̀ tì mə̀Farìsi! Mbə̰ ya kwàʼ bəd ne bèmnè inug! Mbə̰ mbe sò njìm toʼ fɔrɔ njìm akaŋ, si ya gha, ighi ne sweghi inga toʼ te fɔrɔ ikaŋ mbe ya ighi ne mbə ghəʼri niŋ abə bəd fɔrɔ ighi ne mbə ghəʼri pàŋì abə bəd.