1 Jɔn 1:6 - Ikan feg

⁶ Ane, tì mə̀ gha tì we ane ifɔti tì məd bə̀ kiri ya ghìyə̀ inug afub, tì kyeri gha tì ya gha yaʼ inug ako, chəyi tì kyeri tesiʼ.

Meta’

⁶ Tɨ̀ mɨ ghà ni tɨ̀ wɨ ənɨ ɨfɔtɨ mbɨ məd, àyɨə tɨ̀ wɨə kɨrɨ ɨŋga ɨsɨ firɨ, əne yɨ ni tɨ̀ wɨə ghàə̀ mɨghab fɔrɨ ni chəi tɨə beenɨ əbɔʼ rəsìʼ.

1 Jɔn 1:6 交叉引用

1 Jɔn 4:20

Wə̀d mɔ̀ʼɔ mə̀ gha, “Mə kɔ̀ŋ Ŋwiye” si bàn ìwi ifi, tengàŋ ya wə̀d inug ako. Aton ya gha, wə̀d mə chəyi wì bi kɔ̀ŋ ìwi ifi ne wì ya bàrà, chəyi tì wì kɔ̀ŋ Ŋwiye ne chəyi wì ya bàrà.

1 Jɔn 2:4

Wə̀d ne gha zìye kyeri Ŋwiye ne chəyi məd we zùgrə tikə Ŋwiye, tengàŋ ya wə̀d inug ako. Chəyi məd we ghìyə̀ inug icheg wə̀d ne kyeri tesiʼ.

1 Jɔn 1:10

Tì mə gha chəyi tì kweʼì ghì anug tibɔ̀ŋ, ane ya gha tì ya kàrà Ŋwiye ane wə̀d inug ako. Ane, chəyi tì bə̀ bḛ ìngam məd ne ya tesiʼ.

Jn 8:12

Yeso ya ywìrì ghà abə bəd gha, “Mo ya ìzḛzḛ abə bəd mbe ne yaʼi igun isəg. Wə̀d we ne bḛ amə, chəyi wì biri ya yḛ̀ inga afub. Tengàŋ biri bèrì ìzḛzḛ we ne nàʼà ìtḛ̀.”

Jn 12:35

Yeso ya si ghà inɔb gha, “Ìzḛzḛ we kiri biri abɔ̀ʼ inən ane iki nyumə̀. Mbə̀ che imbìghè ghi ghì inug ane isiŋi ya kiri zḛ, imbə̀ʼ afub nɔ̀ʼ kən awən. Chəyi wə̀d ne yḛ̀ inga afub we kyère asiŋi ne we ghò angu.

Jems 2:14

Ìmbum məfi fɔrɔ ìtum njàbi, wə̀d ne gha zìye bèrì ibḛfiŋ ne chəyi tìghinùg məd te chwìye, chùd ne wì biri jəg àkə iza? Iku ibḛfiŋ we we tì wi pumni aməd?

Jn 12:46

Mə ya yèʼe igun isəg icheg ìzḛzḛ, ni ghì gha, imbə̀ʼ wə̀d ne nɔŋi ibḛfiŋ igun inum ywiri chughi yi izimi.

1 Jɔn 1:3

Inug mbe ne tì ya zughi bə̀ bàd, à ya mbo̰ ne te ghà inən anìŋ, ni ghì gha mbə yaʼ ane ifɔti tì ina. Ìwa ifɔti ya tì Mbaʼ bə̀ fɔrɔ tì Ŋwan məd Yeso Kristo.

Jn 11:10

Àsi bəd ne yḛ̀ izimi, mbi ya tə̀ngə̀ gùghə̀ imbə̀ʼ icheg ne chəyi isiŋi mbe zḛ.

Jems 2:18

Wə̀d mɔ̀ʼɔ biri ghà gha, “Àghò bèrì ibḛfiŋ, mo bèrì tìghinùg chɔm.” Wì mə ghà ane, mə biri ghà ibo gha, “Chwi icheg ne àghò beri ibḛfiŋ witì bèrì tighi inug chɔm inum. Àsi mo, mə biri chwi ìmə ibḛfiŋ ine ane inug chɔm mbe ne mə ghìyə̀.”

1 Jɔn 1:8

Tì mə̀ gha chəyi tì beri anug tibɔ̀ŋ inga ina, nji tì ya tàmba ìwa nyɔd. Chəyi tesiʼ yaʼi inga inug mbe ne te ghà.

Jems 2:16

Wə̀d mɔ̀ʼɔ abɔ̀ʼ inən mə ghà ibo gha, “Si ghò ane àbɔrɔ̀bɔd. Ghiyə ìze nyàmnyɔd zì ya nɔ̀mbɔ̀. Àghò bə jəg kɔd.” Wì mə ghà ane ne chəyi wì nàʼi ighi mbe ne biri ghì gha nyɔd ifi we kə̀ njàbi ze yaʼ icheg chɔm, chùd ne wì biri jəg àkə iza?

Matìyò 7:22

Inga nyùmə̀ we ne Ŋwiye biri saʼ bəd, bəd nɔʼ nɔʼ biri ghà inum gha, ‹Anɔŋisəg, imbə̀ʼ à ya inga ìwe ikum ne tì yaya ghà ikən Ŋwiye, bə̀ kàmna izwighi tibɔ̀ŋ, bə̀ fàʼà iyeti inug?›

1 Timotì 4:2

Bəd ne chwìte tiku inug ìto̰ ya bəd ne bèmnè inug tì bəd inug ako. Ìtɔb fìŋ fə ku icheg ni gha mbi tɔ̀n ane anyaŋì.

Jn 8:55

Ka chəyi mbə̀ kyeri aməd, mo kyèri aməd. Mo mə̀ gha chəyi mə̀ kyeri aməd, ze biri chwi gha mə ya ghàmà inug ako icheg inən. Mə kyèri aməd. Mə we bə̀ zùgrə ìngam məd.