1 Kɔrèn 9:5 - Ikan feg

⁵ Àkə kayi àza ati ni bə nam àyi ne nɔŋi ibḛfiŋ igun Yeso Kristo bə̀ ya yḛ̀ tì məd icheg bədtɔm mbin, tì məfi ìmbi Anɔŋisəg fɔrɔ Pità.

Meta’

⁵ Zɨ̀ rɨ wa kuʼi ni tɨ̀ yenə mbɨ mba məyi nɨ ben ə Kristo ɨchî nɨ bə̂d tom cherə mbɨ ə bɔŋgɔb Ə̀nùŋɨ̀sɨg mbɨ Pità ə ghɨ̀ə̀ ə?

1 Kɔrèn 9:5 交叉引用

Jn 1:42

Ane, Andrò ya niŋ aməd ghò abə Yeso. Yeso ya nèn Sayimùn, si ghà ibo gha, “Ìwe ikum ya Sayimùn, ŋwan Jɔn, si ya gha, mbi biri se kàrà awe ane Sefàs.”

Matìyò 8:14

Anyumə̀ ne Yeso ya yeʼe pè nyi inga nəb ìzi Pità, wì ya bàd nyɔ ìwi Pità wì yaʼi igun abaʼ, nyɔd kɔʼɔ̀.

Mə̀Hibrù 13:4

Wə̀d ijìm ghumni inam. Imbə̀ʼ wə̀d waʼ yi ìwi iweg kə̀b àyi ndəŋ. Imbə̀ʼ àyi bə waʼ yi ìwi inɔm kə̀b mbaŋà ndəŋ. Tesiʼ ya gha, Ŋwiye biri sɔb isaʼi zì ngəʼ igun bəd mbe ne fànà.

Gàlesìyà 1:19

Chəyi mə̀ ya bàri wə̀dtɔm Kristo ndəŋ ka chèyi ane Jem we ne yaʼi ifi Anɔŋisəg.

1 Kɔrèn 7:39

Àyi bèrì ni chughi tì ìwi inɔm anyumə̀ ne inɔm məd kiri biri izɔm. Məd we tì wì nam mbaŋà ndəŋ ne məd kɔ̀ŋi anyumə̀ ne inɔm məd fə ku. Si ya gha, mbaŋà ze mənyìʼ yaʼ wə̀d Kristo.

1 Kɔrèn 7:7

Wə̀d ijìm kə icheg inum nji ze bɔ̀ŋ. Si ya gha, wə̀d imɔʼ imɔʼ bèrì ìwi ineʼi ne Ŋwiye nàʼi ibo. Wə̀d bèrì ìwi ineʼi, wə̀d ndəŋ bə̀ bèrì iywi.

Ɨ̀fàʼì 1:14

Mbɔb məjìm yaya kə fète asiŋi afibì chàʼrà Ŋwiye ane fìŋ ifibì. Məfi ìmbi Yeso tì Mèri we ne yaʼi ngɔb məd fɔrɔ mə̀yi ndəŋ yaya bə̀ chàʼrà Ŋwiye abɔ̀ʼ inɔb.

Tayitùs 1:6

Wə̀d ne yaʼi atog wə̀d inga ifeti bəd Kristo mənyìʼ yaʼ wə̀d ne chəyi bəd beri anug tibɔ̀ŋ mɔ̀ʼɔ ni ghà imbə̀ʼ aməd. Wì beri ni nam àyi məyi imɔʼ bə̀ chùghi məyi tì àyi we imɔʼ. Bɔn məd beri ni yaʼ bɔn ne bḛ Kristo bə̀ yaʼ bɔn ne chəyi mbe bùrə̀ isiŋi kə̀ ghìyə̀ tìzughə̀.

1 Timotì 5:2

Àghò ya ghìyə̀ inug tì mə̀yi mbe ne yaʼi bəd kyen ine icheg ni gha mbɔb ya ìmbe mbì ngɔb. Àghò ya bə̀ ghìyə̀ inug inga ìzḛzḛ tì bɔn àyi icheg ni gha mbɔb ya ìte njàbi.

1 Timotì 3:2

Ane, atog wə̀d igun bəd Kristo bèrì ni yaʼ wə̀d ne chəyi bəd mbe ghàmbà aməd. Tengàŋ bèrì ni nam məyi àyi imɔ̀ʼ. Wì bèrì ni yaʼ wə̀d ne kɔ̀ŋɔ̀ gha bəd ya chùghə ane àbɔrɔ̀bɔd. Wì bèrì ni kyeri icheg ni nyimbi nyɔd. Wì bèrì ni ya ghùmnə ìwi nyɔd. Wì bèrì ni yaʼ wə̀d ne kɔ̀ŋɔ̀ anug ni niŋ bəd tìsɔ̀ʼ ibo inga nəb. Wì bə̀ bèrì ni kyeri icheg ni chwiti inug abə bəd.

1 Kɔrèn 7:15

Àmə yaʼ aghi ne wə̀d ne kayi wə̀d Kristo kɔ̀ŋi ni sàkì inam, ghò yi, mbe saŋa aməd wì gho yi. Ìywin tì wə̀d bèrì apan ni ywiri nam yi. Ŋwiye kɔ̀ŋ gha bəd chughi ane àbɔrɔ̀bɔd.

1 Kɔrèn 1:12

Anug ne mə ghà ya gha, mbə̰ mbe sìmnè nyɔd. Wə̀d imɔʼ we gha, “Mə ya bène abɔ̀ʼ Pɔl.” Ìywin we gha, “Mə ya bène abɔ̀ʼ Àpolòs.” Ìwi ndəŋ we bə̀ gha, “Mə ya bène abɔ̀ʼ Pità.” Wə̀d ndəŋ we bə̀ gha, “Mə ya bène abɔ̀ʼ Kristo.”

Rm 16:1

Mə kə̀b gha mbə̀ kyeri ìza njàbi, Febè. Məd we wètè ni fàʼ inga ifeti bəd Kristo we a Sènkreyà.

Jn 2:12

Yeso ya nɔ̀ʼ angu, ghò a Kàpenàwum. Ngɔb Yeso tì məfi Yeso fɔrɔ mə̀mə̀nənùg məd ya si nɔ̀ʼ ghò abɔ̀ʼ məd. Mbi ya chughi angu ane inun ineg mɔ̀ʼɔ.

Lk 6:15

tì Matìyò, tì Tòmas, tì Jem ŋwan Afòs, tì Sayimùn we ne mbi yaya kàrà aməd ane Zilɔ̀d,

Mk 6:3

Imbə̀ʼ wə̀d gho̰ ya ŋwan Kəpindà, ŋwan Mèri? Imbə̀ʼ məfi məd ya Jem tì Jòseb tì Judàs fɔrɔ Sayimùn? Imbə̀ʼ njàbi məd te aŋa tì ina?” Mbi ya biri ane, to̰ awɔb ni bḛ inug məd.

Mk 1:30

Inyɔ ìwi Sayimùn ya yaʼ igun abaʼ tì ifə. Anyumə̀ ne Yeso ya pe nyi inga nəb ze, mbi ya ghà ibo gha inyɔ ìwi Sayimùn we igun abaʼ ghɔ̰̀.

Matìyò 13:55

Imbə̀ʼ aməd ya ŋwan kapindà? Ngɔb məd kə kayi Mèri? Imbə̀ʼ məfi məd ya Jem tì Jòseb tì Sayimùn fɔrɔ Judàs?

1 Timotì 4:3

Mbɔb ya gha, imbə̀ʼ bəd nama awɔb, bə̀ gha, imbə̀ʼ bəd jəghə awɔb tiku tijəg mɔ̀ʼɔ. Ŋwiye ya tangi ighi mbo̰ ijìm gha bəd mbe ne bḛ aməd bə̀ kyèri tesiʼ, mbe jəg, nàʼ məyakà ibo.

1 Kɔrèn 7:8

Anug ne mə ghà abə bəd mbe ne chəyi mbi nami fɔrɔ məku àyi ya gha, mbɔb chughi awɔb witì nam icheg inum.

Lk 8:20

Wə̀d mɔ̀ʼɔ ya ghà ibo gha, “Ìwe ngɔb tì ìmbe məfi mbe isəg kə̀bə̀ ni bàd awe”