1 Kɔrèn 7:34 - Ikan feg

³⁴ Ane, ikɔndi məd biri ya sàʼa inug ibe. Àyi ne chəyi wì nami kə̀ ŋwan àyi ne chəyi wì kyeri mbaŋà, wì ya zìyè atog ni fàʼ abə Anɔŋisəg. Ikɔndi məd ijìm ya ni nàʼ ìzi fìŋ ijìm fɔrɔ ìzi nyàmnyɔd ijìm abə Anɔŋisəg. Àsi àyi ne nami, wì ya zìyè atog igun ighi mbe igun isəg gha inɔm məd ya gyènde.

Meta’

³⁴ Əne tɨkɔndɨ məd ə ghàbrə̀. Əyi nɨ chəi wɨ̀ namɨ kɨ̀ əyi rɨ kyerɨ mbaŋə̀ wɨə kɔn ɨmbə̀ʼ Ə̀nùŋɨ̀sɨg, ɨchî nɨ chub ɨzeŋɨ zeŋɨ ənɨ ə nyamnyod bə̀ fɔrɨ ənɨ əzwî. Əyi nɨ namɨ wɨə kɔn ɨnû rɨŋga ɨsɨg, ɨchî nɨ tɨ̀ wɨ̀ ghɨ̀ fîŋ ɨnom məd bɔ̀ŋ.

1 Kɔrèn 7:34 交叉引用

1 Kɔrèn 6:20

Ŋwiye ya zon awən ane àka inun. Ane, mbə̀ se ghùmnə Ŋwiye ane ìtən nyàmnyɔd.

Fìlipì 1:20

Anug ne mə taŋ kə̀bə̀, ne mə bə̀ taŋ nɔ̀ŋɔ̀ ikɔndi igun ya gha, imbə̀ʼ ze nɔ̀ʼ chwi gha mə beri tìnìrètog. Mə kə̀b ni bèrì fìŋ ka ka ni gha, inga ìmbum inug ijìm, kə̀ àkə iwu kə̀ ìtḛ̀, mə biri ya ghùmnə Kristo mà nyumə̀ ijìm fɔrɔ amad anìŋ ne mə̀ yaʼi inga nəb ndəŋ .

2 Kɔrèn 11:28

Inug ndəŋ mbe kiri angu, ni yètì abɔ̀ʼ inug mbo̰. Mə we kɔ̀ndɔ ze nìrè inum inga fìŋ ineg ijìm gha, “Kə̀ tifeti bəd Kristo ti iye?”

Rm 6:13

Imbə̀ʼ mbə̰ naʼa awən apan ni gha inug tibɔ̀ŋ niŋ àzən asiŋi nyɔd mɔ̀ʼɔ ka. Ze bɔ̀ŋ yaʼ gha mbə̀ naʼa ìtən nyàmnyɔd tijìm abə Ŋwiye ni ya fàʼà inug chɔm icheg bəd mbe ne Ŋwiye fə zwemni awɔb iwu. Mbə̀ naʼa ìtən nyàmnyɔd abə Ŋwiye icheg ighi àfàʼì mbe ne fàʼà yaʼ inug ne təmi kòʼ.

Tayitùs 3:8

Aŋa ya ajiʼi anug ne tì beri ni niŋ. Mə kə̀b gha àghò gha inug mbo̰ abə bəd ywìrì kɔ̀mbì ni ghì gha bəd mbe ne bḛ Ŋwiye mbe we awɔb bə̀ ya ghìyə̀ inug chɔm. Inug mbo̰ ya inug chɔm bə̀ yaʼ inug ne biri weti bəd məjìm.

1 Tèsàlonikà 5:23

Məd Ŋwiye we ne ghìyə̀ bəd chùghə ane àbɔrɔ̀bɔd, wì ghiyə mbə̀ zen mànì. Ŋwiye ghiyə gha àzən azwighi tì ìtən fìŋ fɔrɔ ìtən nyàmnyɔd ya ghìyə̀ inug ne koʼi. Ane, chəyi anug tibɔ̀ŋ mɔ̀ʼɔ ne tì wə̀d mɔ̀ʼɔ ghà imbə̀ʼ awən anyumə̀ ne Anɔŋisəg Yeso Kristo biri ywiri yeʼe.

2 Kɔrèn 8:16

Mə we nàʼà məyakà abə Ŋwiye imbə̀ʼ icheg ne wì ghì Tayitùs se kɔ̀ŋɔ̀ awən icheg ne mə bə kɔ̀ŋ.

1 Timotì 3:5

Àkə mə̀ chəyi wə̀d kyèri icheg ni nyimi bəd ne chùghə ibo inga nəb, wì kə si kyèri icheg ni nyimi ifeti bəd Ŋwiye iye?

Jn 10:13

Wə̀d we ne mbi niŋi aməd ane àfàʼì bèrì ni nòrò yi imbə̀ʼ icheg ne məd ya mbi niŋi niŋi. Ane, chəyi məd we zìyè atog ni kyèʼrì njə̀g.

1 Kɔrèn 7:33

Àsi mbaŋà ze ne nami, zì ya zìyè atog ane ighi igun isəg ni gha ìwi iweg ya gyènde.

1 Kɔrèn 7:35

Mə ya ghàmà anìŋ ni wètì awən, kayi mə sɔ̀bi sɔbi. À ya ni ghì gha mbə̀ chughi ane icheg ne koʼi bə̀ nɔ̀ŋì fìŋ ijìm igun Anɔŋisəg.

1 Timotì 5:5

Iku àyi ne chəyi wə̀d ni nəngi aməd, ne chùghə tèzìʼì, wì fə nɔ̀ŋì ìwi ikɔndi ijìm igun Ŋwiye. Məd ya chè imbìghè ni ya nɔ̰ ìmbi ighi abə Ŋwiye bə̀ chàʼrà Ŋwiye dèghè inug ibo tizimi fɔrɔ tisi.