1 Kɔrèn 4:21 - Ikan feg

²¹ Anug ne mbə kə̀bi kə azeg? Mbə wa kɔ̀ŋ gha mə yeʼe tì fìngwàn ni ywiri awən angu? Kə̀ mə yeʼe tì àkɔ̀ŋì fɔrɔ fìŋ bɔ̀ti bɔti?

Meta’

²¹ Mbə kɨə kəbə ni ye ə? Mbə̀ wa kə̀b yeʼ ni mə̀ yeʼe əsɨ nən mbɨ fɨŋgyeŋ, kɨ̀ ni mə̀ yeʼe mbɨ ɨghaʼi fɔrɨ əzwî ə bɔtɨ bɔtɨ ə?

1 Kɔrèn 4:21 交叉引用

2 Kɔrèn 13:2

Mə ya fə pati bəd mbe ne ghìyə̀ inug tibɔ̀ŋ anyumə̀ ne mə̀ ya ywìri yèʼe ni mùg awən ane ighəm ne pè ane ibe. Mə ya anìŋ ywìrè pàta awən ne chəyi mə̀ yaʼ iban inən. Anyumə̀ ne mə̀ ywìrì yèʼe, chəyi mə̀ biri bèrì àsɔ̀mnəfiŋ igun bəd mbe ne mə̀ kweʼì pàti fɔrɔ bəd ndəŋ ndəŋ.

1 Tèsàlonikà 2:7

Icheg bədtɔm Kristo, nji tì ya biri ighi inən. Tì ya chughi yaʼ ane àbɔrɔ̀bɔd tì inən icheg ngɔb ne kyèʼrè ìmbi bɔn.

2 Kɔrèn 13:10

À ya aton ne mə̀ ŋwaʼri àŋwàʼrì azo̰ inən ne chəyi mə̀ kiri pe abɔ̀ʼ inən. Mə ŋwàʼrì anìŋ ni gha anyumə̀ ne mə̀ pe, chəyi mə̀ biri niŋ ika we ne Ŋwiye nàʼi inum ni ghàm tɔ inən. Ika gho̰ ya Anɔŋisəg nàʼi inum ni gha mə ghìyə mbə̀ təm kà ane ibḛfiŋ, kayi ni chìkì ìwən ibḛfiŋ.

2 Kɔrèn 2:3

Aton ne mə̀ ya ŋwàʼri àŋwàʼrì ze inən ane ya gha, à ya mbə̰ koʼi ni ghì gha mə̀ gyendi. Ane, chəyi mə̀ ya kə̀bi ni yeʼe mbə̀ chìkì ìmə fìŋ. Anug ne mə̀ kyeri kwàʼ icheg chɔm ya gha, anyumə̀ ne mə̀ gyènde, mbə̰ məjìm mbe bə̀ gyènde.

2 Kɔrèn 1:23

Ŋwiye kyèri ìmə fìŋ gha mə̀ ya ghà tesiʼ gha, chəyi mə̀ ya ywirì yèʼe a Kɔrèn icheg ne mə̀ ya kàʼi imbə̀ʼ icheg ne chəyi mə̀ ya kə̀bi ni pè ghàm gaŋ inən, ighəm mɔ̀ʼɔ chìkì ìtən fìŋ.

Jems 3:17

Àsi iwe we ne Ŋwiye nàʼi ya iwe ne ghìyə̀ bəd ghìyə̀ inug zḛ zḛ. Wi ya ghìyə̀ bəd chùghə ane àbɔrɔ̀bɔd bə̀ bèrè fìŋ bɔ̀ti bɔti. Bəd ne beri iku iwe gho̰ ya dìgrè igun mə̀mbin bə̀ zùghə anug ne bəd ndəŋ mbe ghà. Chəyi bəd ne beri iku iwe gho̰ mbe ghìyə̀ ighə kə̀ bə̀ŋə̀ inug.

2 Kɔrèn 10:6

Anyumə̀ ne mbə̀ fə chwi gha mbə̰ mbe zùgrə Kristo ane inug ijìm, tì biri si kòʼ ni chə bəd mbe ne ghìyə̀ tìzughə̀ abə Kristo.

2 Kɔrèn 2:1

Chəyi mə̀ ya kə̀bi ni ywiri chìkì ìtən fìŋ. À ya aton ne mə̀ ya niŋi isɔb anug ni kṵ̀ igha̰ we ni ywìri yeʼe mug awən.

2 Kɔrèn 10:8

Ka mə bì kɔ̀m igo imbə̀ʼ ika we ne Anɔŋisəg nàʼi ina, chəyi tì mə bèrì tìnìrètog. Ika we ya ni ghì gha mbə̀ təm kà, kayi ni ghì gha ìtən fìŋ bɔd.

2 Kɔrèn 3:10

Tesiʼ ya gha, ìzḛzḛ mbègtog ya ati ako, ni mə̀grì ane ìzḛzḛ kyen ne yaʼi amad anìŋ.

1 Kɔrèn 5:5

Mbə̀ saŋa mbaŋà ze ikye abo abə Sàtàn, ni gha Sàtàn chikə nyàmnyɔd məd. Àze biri nàʼ apan abə azwighi məd ni pum igun aneg ze ne Anɔŋisəg biri ywiri yeʼe.

1 Kɔrèn 4:18

Bəd mɔ̀ʼɔ abɔ̀ʼ inən mbe se ghàmà nɔ̀rɔ̀ nyɔd imbə̀ʼ icheg ne mbe kɔ̀ndɔ gha chəyi mə̀ biri ywiri yeʼe abɔ̀ʼ inən.

2 Kɔrèn 12:18

Mə ya boʼ ibo abə Tayitùs gha wì yèʼe mùg awən. Mə ya bə̀ chà ìwa ifi tì məd. Mə kyèri gha chəyi Tayitùs ya jəg awən. Imbə̀ʼ mba tì Tayitùs yaya fɔrɔ fàʼà ane fìŋ imɔʼ?

Gàlesìyà 6:1

Ìmbum məfi fɔrɔ ìtum njàbi, wə̀d mɔ̀ʼɔ abɔ̀ʼ inən mə ghì anug tibɔ̀ŋ, mbə̰ mbe ne ghìyə̀ inug icheg ne Azwighi Ŋwiye ze kə̀bə̀, mbə̀ wete aməd ghi wì təm. Mbə̀ ya ghìyə̀ ane kwàʼ ane àbɔrɔ̀bɔd, nè we awən imbə̀ʼ àkwàʼrì nɔ̀ʼ nyi igun inən bə.