1 Kɔrèn 16:10 - Ikan feg

¹⁰ Timotì mə yèʼe abɔ̀ʼ inən, mbə̀ niŋ aməd nyìmi kwàʼ icheg chɔm imbə̀ʼ icheg ne məd we bə̀ fàʼà abə Anɔŋisəg icheg inum.

Meta’

¹⁰ Timotì mɨ yeʼe, mbə̀ zə ni wɨ̀ chub ɨchî chɔ̀m əkaʼ nən. Məd wɨə fàʼ əmbɨ Ə̀nùŋɨ̀sɨg ɨchî nɨ mɔ̌ ə bə̀ fàʼə̀.

1 Kɔrèn 16:10 交叉引用

1 Kɔrèn 15:58

Ane, ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ təm kà. Imbə̀ʼ mbə̰ si saŋa awən gha aghi mɔ̀ʼɔ chiʼre ìwən ibḛfiŋ ka. Mbə̀ ya fàʼà àfàʼì ze ne Anɔŋisəg zi inga ìtən tikye ibo ane ìzən fìŋ ijìm. Mbə̀ ya fàʼà ane imbə̀ʼ icheg ne mbə̰ kyèri gha chəyi anug mɔ̀ʼɔ ne mbə̰ mbe fàʼà abə Anɔŋisəg ne biri chè ako.

1 Tèsàlonikà 3:2

Ane, Tì ya chà Timotì ne yaʼi ìwa ifi bə̀ yaʼ wə̀d àfàʼì Ŋwiye ne bə̀ fàʼà icheg ina ni chètì ikən chɔm imbə̀ʼ Kristo, gha wì yeʼe nə̀ri awən, ghì ìwən ibḛfiŋ we təm kà.

1 Kɔrèn 4:17

À ya aton ne mə cha Timotì abɔ̀ʼ inən. Məd ya ìmə ŋwan ne mə̀ taŋ kɔ̀ŋ. Məd we fàʼà abə Anɔŋisəg ane ìzi fìŋ ijìm. Məd biri ghì mbə wendi icheg ne mə̀ yaya ghìyə̀ inug anyumə̀ ne mə̀ ya bḛ Yeso Kristo. À ya bə̀ anug ne mə chwìte isiŋi ijìm inga tifeti bəd Kristo tijìm.

Rm 16:21

Timotì ne fàʼà tì inum we bə̀ chàʼrà awən. Lucìyùs tì Jasòn fɔrɔ Sòsipatà ne yaʼi mə̀Ju icheg inum mbe bə̀ chàʼrà awən.

1 Tèsàlonikà 4:12

Mbə̀ ghiyə ane ni gha bəd ne kayi bəd Kristo biri ya ghùmnə awən, fɔrɔ ni gha chəyi mbə̰ biri ya nḛ̀ igun wə̀d mɔ̀ʼɔ gha wì ya nàʼà ighi inən.

2 Kɔrèn 6:1

Mbə̰ ya bəd ne fɔrɔ fàʼà tì Ŋwiye. Ane, tì ya bòʼo ibo inən gha imbə̀ʼ mbə̰ sàŋa awən gha ìchɔ̀mì we ne wì ghi inən we chè ako.

2 Kɔrèn 1:1

À ya mo Pɔl, wə̀dtɔm Kristo icheg ne Ŋwiye kə̀bi, tì Timotì, ìwa ifi ne tì yaʼi ane ifɔti tì Yeso Kristo, tì ŋwàʼri àŋwàʼrì azo̰. Tì ŋwàʼrì anìŋ abə ifeti bəd Ŋwiye we ne yaʼi a Kɔrèn fɔrɔ abə bəd Ŋwiye məjìm mbe ne yaʼi aba aben ze a Akìyà.

1 Kɔrèn 16:11

Ane, imbə̀ʼ wə̀d mɔ̀ʼɔ wèg yi aməd. Anyumə̀ ne məd we bə̀ndə̀ yèʼe abɔ̀ʼ inum, mbə̀ wètì aməd wì yḛ̀ kwàʼ ane àbɔrɔ̀bɔd. Mə we ghɔ̀mɔ̀ aməd gha wì yèʼe abɔ̀ʼ mbin tì məfi mbe ne yaʼi bəd Kristo.

Ɨ̀fàʼì 19:22

Wì ya chà Timotì tì Èrastùs ne ya mbaŋà te tibe ne yaya wètè aməd gha mbe gho a Màsèdonìyà. Àsi məd, wì ya si chùghi yi a Esìyà ane ineg mɔ̀ʼɔ.

Ɨ̀fàʼì 16:1

Pɔl ya ghò pè a Debè fɔrɔ a Listrà. Mbaŋà mɔ̀ʼɔ ne ya bḛ Kristo ya yaʼ angu ne ikum məd ya Timotì. Ngɔb Timotì ya àyi Ju ne ya bḛ Kristo. Àsi mbaʼ ìwi Timotì ya wə̀d a Gris.