Nengeulaula 27:3 - Manobo Western Bukidnon

³ Ne hein nepawà, nekezunggù key ziyà te Sidun, ne si Julio, midtulengezan din si Pablo su midtug̵utan din he mekepenumbaley sikandin diyà te menge emig̵u zin dutun wey zan meveg̵ayi te egkinehenglanen din.

Nengeulaula 27:3 交叉引用

Nengeulaula 24:23

Ne migkeg̵iyan din sikan is serhintu he kenè din engkezi te ebantey si Pablo asal kinahanglan daan he elimahi zin sikandin ne egkehimu he ebpenumbelayan si Pablo te menge emig̵u zin ne egkehimu zaan he edtevangan dan sikandin.

Nengeulaula 28:16

Ne hein diyè key en te Ruma wazà si Pablo iseled te pirisuwan, kekenà, impeveyàbayà sikandin ke hendei ed-ubpà, asal zuen sundaru he ebantey kandin.

Nengeulaula 27:43

Iyan, is serhintu, kenè din egkesuatan he mehimetayi si Pablo ne wazè din itug̵ut he mehimetayi sikandan. Insug̵ù din he med-agbur is metau he ed-emparas wey mekeg̵aun,

Nengeulaula 27:1

Ne hein neisip dan he ibpeuntud key en te barku su ibpeuwit key ziyà te Italya, impalad dan si Pablo wey is duma pa he pirisu ziyà te ki Julio. Si Julio, serhintu sikandin te kumpeniya te sundaru he egngezanan te Kumpeniya te Lavew he Hadì.

Nengeulaula 12:20

Ne zutun he timpu nepeukan ni Hadì Hirudis is menge meg̵inged diyà te menge inged he Tiru wey Sidun. Mibpetavang dan ki Belastu he sinerig̵an ni Hirudis he edumala te turug̵an din. Ne nengetig̵um dan su edhendiyè dan te ki Hirudis su edhengyuan dan he maawà is pauk din kandan. Umba mid-ulaula zan haazà su ziyè dan dà ebpekekuwa te keuyag̵an te inged dutun te hadì.

Mateo 11:21

Ne ke sikandin te, “Mekehizuhizu kew is menge tigKurasin! Mekehizuhizu kew zaan is menge tigBitsayda. Su is menge egkein-inuwan he impeehè ku ziyan te inged niw te menge Hudiyu, angin ke midhimu ku heini ziyà te menge inged he Tiru wey Sidun he kenà menge Hudiyu is meg̵inged dutun, su nekekukumbalè dan en pezem te saku ne nepen-evuwan dan is ulu zan he tuus te ed-iniyug̵an dan en is memezaat he ulaula.