Mateo 8:18 - Manobo Western Bukidnon

¹⁸ Ne sevaha he andew zutun naahà ni Jesus is mezakel he menge etew he nengetig̵um. Ne migkeg̵iyan din is menge sumusundan din te, “Edhendiyè kiw te zehipag.”

Mateo 8:18 交叉引用

Lucas 8:22

Sengeandew zutun ne mid-untud si Jesus wey is menge sumusundan din te avang. Ne ke sikandin te, “Kuwa kew en su edlayun kiw ziyà layun.” Ne zutun migenat dan is ed-aavang.

Juan 6:15

Ne si Jesus, geina te netuenan din he ebeyaan dan sikandin su edteg̵elen dan sikandin edhimuwa he hadì dan, mid-awà dutun te sebsevaha zin ne midtekezeg diyà te vuvungan.

Marcos 4:35

Ne hein midsanlep en is andew zutun, migkeg̵iyan ni Jesus is menge sumusundan din te, “Edhendiyè kiw te ziyà layun.”

Mateo 14:22

Ne zutun impemeuntud ni Jesus te avang is menge sumusundan din wey zan mekehuna mekerapas pehendiyà te zehipag dutun te ranew su ibpemeulì din pa haazà is mezakel he menge etew.

Marcos 8:13

Ne zutun mid-ewaan eni Jesus haazà is menge etew. Mid-untud dan en maan te avang su edlayun dan dutun te ranew.

Marcos 6:45

Ne impemeuntud ni Jesus te avang is menge sumusundan din wey zan mekehuna mekelayun pehendiyà te zehipag dutun te ranew pehendiyà te inged he Bitsayda su ibpemeulì din pa haazà is mezakel he menge etew.

Marcos 5:21

Ne midlayun ensi Jesus he ed-untud te avang. Ne hein nekezunggù dan nengeamur-amur zutun te veyvey is utew mezakel he menge etew he mid-uvey zan diyà te kandin.

Mateo 8:1

Ne midtupang si Jesus ne utew mezakel he menge etew is nemenduma kandin.