20 Ne te kegkezukilem dutun, si Jesus wey sikan is sepulù wey zezuwa he menge sumusundan din, diyè dan te lemisahan.
Ne te kegkeg̵iya zutun ni Jesus, utew mibmesakit is gehinawa zin ne migkeg̵iyan din is menge sumusundan din te, “Utew venar is egkeg̵iyen ku keniyu he ed-ekalan a te sevaha keniyu wey a mehimetayi.”
Ne mid-ulaula te menge sumusundan ni Jesus haazà is insug̵ù din kandan ne midteg̵ana zan is idlavung dan dutun te Pista te Kedlevayi.
