Mateo 17:13 - Manobo Western Bukidnon

¹³ Ne human mesavut dutun te menge sumusundan ni Jesus he iyan egkeg̵iyen din si Juan Megbebewtismu.

Mateo 17:13 交叉引用

Mateo 11:14

Ne emun edtuu kew te impesavut dan, egketuenan niw he iyan en si Juan si Elias su midtagnè dan is kebpekelikù ni Elias.

Mateo 3:1

Mibpenlavey is menge tuig dutun ne zuen etew he egngezanan ki Juan Megbebewtismu. Diyà sikandin te tanà he wazà duen ed-ubpà he etew seled te prubinsya he Hudiya. Ne impesavut din te menge etew is Lalag te Megbevayà.

Mateo 17:12

Iyan, egkeg̵iyen ku keniyu he nekeume en iyan si Elias, iyan, wazà sikandin mekilala te menge punuan. Midrasey zan sikandin sumalà is egkesuatan dan he ed-ul-ulahan dan kandin. Ne iring ded dutun te kedresaya zan kandin is ed-ul-ulahan dan dini te kedì te Kakey te Menusiyà.”

Mateo 17:14

Ne hein neumahan dan sikan is mezakel he menge etew, ne zuen etew zutun he mid-uvey ziyà te ki Jesus ne midluhud diyà te etuvangan din.