8 Ne zutun tenged te impenurù te iney zin, migkeg̵iyan din si Hirudis te, “Iveg̵ey nu kedì kayi, g̵untaan dà, is ulu ni Juan Megbebewtismu he id-ahuk diyà te pinggan.”
Ne zutun miguwà haazà is rag̵a ne midhendiyà te iney zin ne mid-insà ke hengkey is meupiya he ebuyuen din. Ne midtavak haazà is iney zin te, “Iyan nu vuyua is ulu ni Juan Megbebewtismu.”
Ne zutun utew neseeng haazà is hadì, iyan, tenged dutun te pesarig din he nezineg te langun he menge bisita zin, midtuman din haazà is mibuyù dutun te rag̵a.
Ne zutun migaanggaan en maan medseled haazà is rag̵a ne migkeg̵iyan din si Hadì Hirudis te, “Iyan ebuyuen ku g̵untaan dà is iveg̵ey nu kediey is ulu ni Juan Megbebewtismu he id-ahuk diyà te pinggan.”
Ne is ulu ni Juan, in-ahuk te pinggan ne mid-uwit dutun te sundaru ne imbeg̵ey zin dutun te rag̵a. Ne haazà is rag̵a, imbeg̵ey zin haazà is ulu ziyà te iney zin.
