Ne sengekezukileman dutun te nekelipezeng sikandin, nekeuma is kuntada zin ne midsewezan dutun te kuntada zin haazà is pemuleey zin te menge veg̵as te mezaat he pinemula ne human med-ulì.
Ne zutun, is menge sulug̵uen dutun te etew, midhendiyè dan te kandin ne ke sikandan te, ‘Datù, iyan tew impemula ziyà te pemuleey nu is meupiya he pinemula, ne hendei vuwa ebpuun heini is memezaat he pinemula?’
