Marcos 6:23 - Manobo Western Bukidnon

²³ Ne utew mezesen is pesarig ni Hadì Hirudis dutun te midsayew su ke sikandin te, “Minsan hengkey is ebuyuen nu kedì, minsan ke liwazè pa kayi te ginhedian ku ne ibeg̵ey ku.”

Marcos 6:23 交叉引用

Mateo 4:9

Ne migkeg̵iyan ni Setanas te, “Is langun he egkeehè nu, kenikew en, su ibeg̵ey ku kenikew emun edluhuzan a wey ed-ezapen a kenikew.”

Mateo 14:7

Ne mibpesarig din haazà is midsayew. Ke sikandin te, “Buyù ka te minsan hengkey, ne ibeg̵ey ku kenikew.”

Marcos 6:24

Ne zutun miguwà haazà is rag̵a ne midhendiyà te iney zin ne mid-insà ke hengkey is meupiya he ebuyuen din. Ne midtavak haazà is iney zin te, “Iyan nu vuyua is ulu ni Juan Megbebewtismu.”