7 Ne mid-uwit dan haazà is nati ziyà te ki Jesus ne mibelhenan dan te kumbalè dan ne mid-untud si Jesus.
Ne haazà is dezuwa, midtudtul zan is impekag̵i kandan ni Jesus ne midtug̵utan sikandan dutun te menge etew.
Ne zutun, is mezakel he menge etew, tenged te zekelà is kedtahud dan ki Jesus, impendempas dan is impenamput dan diyà te ibayà ni Jesus, ne is duma, impendempas dan daan dutun is menge zehunen he rasang he mibpemadtì dan diyà te menge keyuwen.
