13 Ne nepantew zin dutun is kayu he zehunen he egngezanan te igira. Ne midhendutun si Jesus su ed-ahaan din ke zuen beg̵as dutun. Iyan, hein dutun en, neehè din he wazà beg̵as, kekenà, tekew he menge zahun, su haazà, kenè pa timpu te hustu he kebpemeg̵as.
Ne te uvey zutun te zalan neehè din is kayu he igira. Mibeyaan din haazà, iyan, wazà beg̵as he neehè din su menge zahun dà. Ne migkeg̵iyan din haazà is kayu te, “Kenè ke en mebeg̵as minsan keenu.” Ne wazà metegteg̵aad nelay-ub haazà is kayu.
Ne te kegkeipus dutun te menge tulisan, nekeuma zutun is Hudiyu he memumuhat te Megbevayà, iyan, hein neehè din haazà is midruug he nekehidhizeg̵à, mid-elig̵u zin ne midlaus te hipanew zin.
