4 Ne midtavak dan te, “Intug̵ut ni Moises diyà te maama he suwayi zin is esawa zin, asal kinahanglan he ebeg̵ayan dutun te maama is esawa zin te kemetuuzan he midsuwayan din.”
Ne mid-uman med-insà is menge Perisiyu te, “Ne maan is intug̵ut ni Moises diyà te maama he veg̵ayi zin dà is esawa zin te kemetuuzan te kebpekidsuwey emun egkesuatan din he meengkezi zin haazà is esawa zin?”
Ne si Jose, kenà sikandin edsuwey te kesug̵uan he imbilinbilin ni Moises, ne tenged kayi, kenè din edleusen te ed-esawa si Maria, iyan, kenè din daan egkesuatan he meeled-eled si Maria, umba ed-isipen din he edhusayen dà heini te meeles.
Ne insà daan is intavak ni Jesus dutun, ke sikandin te, “Hengkey man is insug̵ù kenitew ni Moises he egkevasa ta zuen te kesug̵uan mehitenged te kebpekidsuwey?”
