Hibriyuhanen 10:36 - Manobo Western Bukidnon

³⁶ Kinahanglan he meinentusen kew wey niw metuman is egkesuatan te Megbevayà ne human niw egkezawat is impenaad din keniyu.

Hibriyuhanen 10:36 交叉引用

Hibriyuhanen 12:1

Ne sikitew zaan, menge suled, kayi te kedtuu tew te Megbevayà, ne iring kiw te ebpelumlumbeey. Ne g̵eina te utew mezakel is menge tumutuu zengan he nekepaahà kenitew he metinumanen is Megbevayà, kinahanglan he ed-engkezan tew en is minsan hengkey he ebpekesanggen kenitew te edlumbà wey is kenà hustu he ulaula he henduen be te layun tew egkeulaula, ne ebpekezesen kiw te ebpelelag̵uy taman te ebpekeuma kiw ziyà te edungguan tew.

1 Kurintu 13:7

Ebpekeantus ki te minsan hengkey he mereg̵en, ne kenè ta ed-isipen he mezaat is ulaula te zuma ta, kekenà, layun ki edsarig te keupiya te ulaula te zuma ta. Ne kenè ta ebelesan is ebpesipala kenita, kekenà, ebpesegdanan ta.

Lucas 21:19

Hamen kew is edsarig kediey su pinaag̵i kayi egkeangken niw is untung he wazà pidtemanan.”

Hibriyuhanen 6:15

Ne si Abraham, utew sikandin meinentusen he edsarig te Megbevayà taman te netuman te Megbevayà is penaad din kandin.

Ruma 2:7

Iyan, duen menge etew he edhemenan dan is meupiya he ulaula su iyan ed-isipen dan layun is kedelig̵a wey is kedtulusa kandan keuzemà te Megbevayà wey is kegketehuza zin kandan keuzemà. Ne untung he wazè din pidtemanan is ibeg̵ey zin kandan.

Impezayag 14:12

Ne tenged dutun, sikan is menge etew he neg̵aked te Megbevayà, sikan is ebpememineg te menge sug̵ù te Megbevayà wey edtuman te menge lalag ni Jesus, kinahanglan he med-antus sikandan.

1 Juan 2:17

Egkehanew keuzemà is kelibutan wey egkehanew zaan is minsan hengkey he mezaat he egkesuatan te menge etew, iyan, sikan is edtuman te egkesuatan te Megbevayà, kenà mulà egkehanew, kekenà, duen din untung he wazà pidtemanan.

Gelasya 6:9

Umba kenè ki ebpepepeg̵ul te ked-ulaula te meupiya su emun ebpeniguduwan ta heini, egkeuma is timpu keuzemà he zuen idsuhul kenita te Megbevayà he utew meupiya.

Mateo 10:22

Egkuntedahan kew te langun tenged te sumusundan ku sikiyu. Iyan, sikan is edhamen te kedtuu zin kedì taman te ketepusan dutun te menge kemeresayan, ebeg̵ayan te untung he wazè din pidtemanan.

Kulusas 1:11

Ne ibeg̵ey zin keniyu is dekelà he g̵ehem he ebpuun te zekelà he g̵ehem din, ne tenged kayi te g̵ehem layun niw egkeantus is kemereg̵enan he zekelà is kelipey niw.

Ruma 8:25

Iyan, emun wazè pa meulaula haazà is edteg̵azan ta, kinahanglan he edtigker ki is edtag̵ad.

Hibriyuhanen 9:15

Ne tenged kayi zaan nehimu en si Kristu he zatù tew su wey zin metukud is beg̵u en he paag̵i te kebpekidsevaha tew te Megbevayà. Ne pinaag̵i kayi, is langun he midhimu te Megbevayà he meketuu, egkezawat dan is langun he meupiya he wazè din pidtemanan he impenaad te Megbevayà. Umba egkehimu heini su pinaag̵i te kebpatey ni Kristu nengepalis is langun he menge mezaat he ulaula he nehimu te menge etew zutun te timpu he nengesakup sikandan te nehuna he paag̵i.

Kulusas 3:24

su netuenan niw en he edsuhulan kew keuzemà te Nengazen. Ne ibeg̵ey zin keniyu haazà is suhul he impenaad din su is tutuu he egalen niw ne iyan si Kristu.

Hibriyuhanen 13:21

Berakat he pinaag̵i ki Jesu Kristu, is Megbevayà he ebeg̵ey te kelinew, beg̵ayi kew zin te minsan hengkey he tavang wey niw tumana is egkesuatan din. Berakat daan he himuwa kiw zin he menge etew he utew zin egkesuati is menge ulaula. Edelig̵en tew si Jesu Kristu te wazà pidtemanan.

Hibriyuhanen 6:12

Kinahanglan he kenè kew mebpetetapul, kekenà, iringi niw is menge etew he meinentusen he edtuu te Megbevayà su tenged kayi egkezawat dan is impenaad te Megbevayà.

Ipisu 6:6

Kinahanglan he layun meupiya is baal niw ne kenà dutun dà te ebentayan kew te egalen niw su kinahanglan he kenà iyan dà ebpekezalig te vaal niw is etew, kekenà, elin daan is Megbevayà su menge sulug̵uen kiw zaan ni Kristu ne kinahanglan he edtumanen ta is ebpeveelan kenita te Megbevayà tenged te ebpuun te keputian te atey ta is kedtumana ta kayi. Kinahanglan he meupiya is gehinawa ta zutun te vaal ta iring te iyan ebayàbayà kenita is Megbevayà ne kenà iyan dà is egalen ta zini te kelibutan.

Ruma 12:2

Kenè niw iringi is menge ulaula te menge etew he kuntada te Megbevayà, kekenà, itug̵ut niw he helina kew te Megbevayà pinaag̵i te kebeg̵uwa zin te isip niw. Ne zutun egkesavut niw human is egkesuatan te Megbevayà, he ke và dà egkeg̵iya, egkesavut niw ke hengkey is menge ulaula he metazeng he egkesuatan he kenà egkesewayan te Megbevayà.

Mateo 24:13

Iyan, sikan is kemulu pa edtuu ke egkeuma haazà is ketepusan te menge kemeresayan, iyan ebeg̵ayan te untung he wazè din pidtemanan.

Impezayag 13:10

Is menge etew he imbanglis kandan is kebpirisuwa kandan ne siguradu egkepirisu sikandan. Ne is menge etew he imbanglis kandan he g̵umaan is idhimatey kandan, gumaan iyan is idhimatey kandan. Kinahanglan he sikitew is menge tumutuu te Nengazen, edsarig kiw kandin wey ed-antus kiw te kemereg̵enan.

1 Pedro 1:9

su egkezawat niw en guntaan is kedlibriya keniyu te silut he iyan ebperetengan niw tenged te midtuu kew kandin.

Hibriyuhanen 6:17

Ne egkesuatan dengan te Megbevayà he mesavut te menge etew he mibpenaazan din he kenà duwazuwa he edtumanen din is penaad din kandan, ne tenged kayi midlig-enan din is penaad din.

Kulusas 4:12

Ebpengemusta zaan keniyu si Ipapras. Duma niw zaan he tigKulusas he sulug̵uen ni Jesu Kristu. Layun kew zin id-ampù. Ed-ampù sikandin diyà te Megbevayà he mebmelig-en wey meheg̵et is kedtuu niw ne wey meheg̵et daan is kedtumana niw te egkesuatan te Megbevayà.

Nengeulaula 13:22

Ne zutun in-awà te Megbevayà si Seulu zutun te kedhadì din, ne si David maan is impehadì din kandan. Ne migkag̵i is Megbevayà te, ‘Heini si David, is anak ni Isai, neehè ku he utew metinumanen te ebpeveelan ku kandin; utew ku egkesuati is menge ulaula zin.’

Juan 7:17

Is etew he egkesuat he edtuman te ebpeveelan te Megbevayà, iyan egkesayud ke ziyè be ebpuun te Megbevayà is ibpenurù ku wey ke zini zè be ebpuun te isip ku.

Lucas 8:15

Ne haazà is benì he ziyà mengeulug te meupiya he tanà, ne iyan egkeg̵iyen dutun is Lalag te Megbevayà he nezineg te menge etew ne midawat dan, ne midtuman dan haazà, ne mibpeniguduwan dan te edtuman taman te mibpulus te zekelà is Lalag te Megbevayà diyà te kandan.”

Mateo 21:31

Ne ke si Jesus te, “Hentei zutun te zezuwa he telesuled is hustu he neketuman te sug̵ù te Amey zan?” Ne ke sikandan diyà te ki Jesus te, “Iyan haazà is kakey.” Ne ke si Jesus dutun te, “Benar iyan he edhuna keniyu is menge mezaat he etew iring te menge menunukut te vuhis wey is menge vahi he ibpenapì dan is dengeg dan su edewaten sikandan te Megbevayà wey zin mehedii kenà sikiyu.

Mateo 12:50

Su is minsan hentei he edtuman te egkesuatan te Amey tew he ziyà te langit, iyan daan iney ku, menge suled ku he maama, wey suled ku he vahi.”

Mateo 7:21

Su zuen menge etew he ebpengumew-umew kedì te, ‘Nengazen, he Nengazen!’ Iyan, kenà langun te sikandan ebmehimuwen he mehedii te Amey ku he Megbevayà he ziyà te langit, kekenà, iyan dà sikan is edtuman te egkesuatan te Megbevayà.

1 Tiselunika 1:3

Su emun ed-ampù key te Megbevayà he Amey tew kenè dey egkelipatan is kedtuu niw, wey is kebmahala niw, wey is kebperateng niw te Nengazen tew he si Jesu Kristu. Su egketuusan is kedtuu niw kandin pinaag̵i te ulaula niw, ne pinaag̵i te kedhag̵ù niw egketuusan daan is kebmahala niw kandin diyà te g̵ehinawa niw. Ne egketuusan daan is kebperateng niw kandin pinaag̵i te kebmeinentusen niw.

Nengeulaula 13:36

Ne netuenan ta, menge suled,” ke si Pablo, “he neug̵et en si David. Midtuman din is mibpeveelan kandin te Megbevayà ne hein neumuran sikandin ne minatey. Inleveng uvey te menge lukes din ne neredak is lawa zin.

Marcos 3:35

su is minsan hentei he edtuman te egkesuatan te Megbevayà, iyan daan iney ku wey menge suled ku he maama, wey menge etevey ku.”

Ruma 12:12

Kinahanglan he layun kiw edlipey su zuen utew meupiya he egkezawat tew keuzemà. Ed-entusen tew is menge kemereg̵enan ne layun kiw ed-ampù diyà te Megbevayà.

Hibriyuhanen 11:39

Ne utew igkelipey te Megbevayà is menge etew he iring kayi, iyan, minsan pa zutun wazè dan pa zutun mezawat is penaad kandan te Megbevayà.