1 Timoteo 3:10 - Manobo Western Bukidnon

¹⁰ Ke zuen etew he ebpilien niw he diyekunu, kinahanglan he edsusiyen pa is menge ulaula zin. Ne emun wazà netuenan he mezaat he ulaula zin, egkehimu he ebpilien sikandin he diyekunu.

1 Timoteo 3:10 交叉引用

1 Timoteo 5:22

Kinahanglan he kenè nu zegdeg̵usuwi is kebpilì nu te ed-uwit te menge tumutuu su ke ebpekesalà sikandin iyan ka egkevesulan. Ne kinahanglan he wazà igkevesuli kenikew he iring kayi.

1 Timoteo 3:13

su is diyekunu he meupiya is menge vaal zin te kedtavang din te menge tumutuu, telehuzen sikandin utew te menge etew ne egkehimu he kenè din igkehandek is kebpenurù din mehitenged te kedtuu zin ki Jesu Kristu.

1 Juan 4:1

Menge minahal ku he suled, kenè niw petuluy tuuwi is etew he egkag̵i he mid-ulinan sikandin te Wag̵as he Mulin-ulin. Gezami niw zè pa wey niw metueni ke ebpuun be te Megbevayà is ed-ulin kandin. Umba egkeg̵iyen ku heini su mezakel en is menge ebpenurù te tarù he midlepew zini te kelibutan he mid-ulinan sikandan te teruen he mulin-ulin.

1 Timoteo 3:6

Ne kinahanglan daan he kenà sikandin beg̵u pa he tumutuu, su kela ke mehimu he mepelevawen ne egkesilutan te Megbevayà iring te midsilutan si Setanas.

1 Timoteo 3:2

Iyan, is ed-uwit te menge tumutuu, kinahanglan he wazà igkesewayi kandin. Sevaha zà is esawa zin ne kenè din selselai. Kinahanglan he egketengkaan layun is ed-ul-ulahan din; metau sikandin he ed-isip te hustu wey telehuzen sikandin. Kinahanglan he meelima sikandin te menge meg̵eliyug din. Kinahanglan daan he metau he ebpenurù.

1 Kurintu 1:8

Iyan sikandin edlig-en keniyu taman te ketepusan he timpu su wey wazà igkesewayi keniyu zutun te andew keuzemà te kedlikù din.

Kulusas 1:22

Ne minsan pa te iyan haazà, midhimu kew g̵untaan te Megbevayà he menge emig̵u zin pinaag̵i te kebpatey ni Kristu. Umba mibpehimatey si Kristu su wey kew mehimu he menge etew he wazà mezaat he ulaula ne wazà igkesumbunga keniyu keuzemà emun ibpeetuvang kew zin diyà te Amey zin he Megbevayà.