1 Kurintu 9:24 - Manobo Western Bukidnon

²⁴ Netuenan niw he ke zuen lumbaan ne mezakel is ebpekibanggà, iyan, sevaha zà is ebpekezaag ne iyan edsuhulan. Ne sikiyu is tumutuu ki Jesus, iringi niw is edlumbà su wey kew mesuhuli keuzemà te Megbevayà.

1 Kurintu 9:24 交叉引用

Pilipus 3:14

Ebpenigudu e pa wey ku mekuwa is suhul te Megbevayà su iyan heini ketezengan ke maan is mid-umew kiw zin te ked-angken te untung he wazà pidtemanan pinaag̵i te kebpekidsevaha tew ki Jesu Kristu.

Hibriyuhanen 12:1

Ne sikitew zaan, menge suled, kayi te kedtuu tew te Megbevayà, ne iring kiw te ebpelumlumbeey. Ne g̵eina te utew mezakel is menge tumutuu zengan he nekepaahà kenitew he metinumanen is Megbevayà, kinahanglan he ed-engkezan tew en is minsan hengkey he ebpekesanggen kenitew te edlumbà wey is kenà hustu he ulaula he henduen be te layun tew egkeulaula, ne ebpekezesen kiw te ebpelelag̵uy taman te ebpekeuma kiw ziyà te edungguan tew.

Impezayag 3:11

Meg̵aan e en ebpekeuma. Hemeni niw is tutuu he tuluuwen he netuenan niw su wey kenà igkeveg̵ey ziyà te zuma is suhul he ibeg̵ey keniyu ke ebpekezaag kew ki Setanas.

Pilipus 2:16

he edtayew kandan su ibpesavut niw kandan is lalag he ebpekeveg̵ey kandan te untung he wazà pidtemanan. Ne emun iyan heini ed-ul-ulahan niw, utew ebmeupiya is g̵ehinawa ku keuzemà dutun te andew te kedlikù ni Kristu su egketuenan ku zutun he zekelà is pulus te kedhag̵ù ku ziyan te keniyu.

1 Kurintu 9:26

Umba ed-iringan ku is idlumbà he edlelagdeng diyà te edungguan su kenà a ed-awà kayi te hustu he ibayà. Ne kayi te kebpenurua ku te menge etew, ed-iringan ku zaan is beksidur he pirmi ebpekesug̵at is sumbag din su wey layun mekesug̵at is menge lalag ku.

Gelasya 5:7

Mibpurungan niw zengan te ed-ikul is hustu he ibayà. Maan is idtug̵ut niw he zuen ed-eg̵en keniyu wey niw kenè en metuuwi is tutuu he tuluuwen?

Gelasya 2:2

Umba midhendiyà a su impinted kedì te Megbevayà haazà is kedhendiyè ku. Ne kebpekeuma zey zutun ne midtig̵um is menge egalen te menge tumutuu he iyan dan dà ne impesavut ku kandan ke hengkey is Meupiya he Tudtulanen he ibpenurù ku ziyà te menge etew he kenà menge Hudiyu. Egkesuatan ku zutun he kenà maawà is pulus te nengeveelan ku en wey is kemulu ku pa ebeeli.

Santiago 1:12

Utew zeyzey is etew he ebpurung ed-antus te penggezam kandin su emun egkeahà he hustu is kedtuu zin, ebeg̵ayan sikandin te untung he wazà pidtemanan he iyan impenaad te Megbevayà diyà te langun he ebmahalen dan sikandin diyà te g̵ehinawa zan.

Kulusas 2:18

Duen daan menge etew he egkag̵i he lavew sikandan tenged te zuen kun menge egkein-inuwan he impaahà kandan wey tenged te kenè dan mepelevawen. Ne ibpenurù dan he kinahanglan he ebpekeazap ki te menge velinsug̵uen te Megbevayà ziyà te langit. Kenè niw, menge suled, itetenged is kedsudì dan keniyu su is iring dutun he etew, ne ebpezalig dà, iyan, wazà hustu he ketezengan te kebpezalig dan su iyan ebayàbayà te isip dan is kelibutanen he kebayè dan.

Ruma 6:16

Su netuenan niw he ke ebpesakup ki te minsan hentei su wey ki zin meveyveyai, egkehimu ki en he iring te uripen din. Ne iring din ded daan is etew he ebpilien din he iring te egalen din is mezaat he kebayè din. Ne idsilut kandin is kemetayen he wazè din pidtemanan. Ne is etew mulà he ebpesakup te Megbevayà ne ed-isipen te Megbevayà he metazeng sikandin.

1 Kurintu 9:13

Siguradu netuenan niw he haazà is menge etew he ebaal ziyà te simbahan he Valey te Megbevayà, ne zutun dan egkuwaa is egkeenen dan. Ne is menge memumuhat daan he ebpemuhat dutun, ne egkezawat dan daan is bahin dan dutun te impemuhat.

1 Kurintu 9:23

Umba ebeelan ku heini su wey mesangyew is Meupiya he Tudtulanen ne wey a zaan mekeambit te menge tuvad he impenaad kenitew pinaag̵i te Meupiya he Tudtulanen.

Pilipus 3:12

Kenè ku iyan ibpesavut kayi he netuman en dini te kedì heini is langun wey ke nehimu e en he etew he wazè en duen igkesawey, kekenà, ebpenigudu a wey heini metuman su iyan heini tuyù ni Jesu Kristu zutun te kedhimuwa zin kedì he sakup din.