ZEPHANI 3:9 - Lacid Common Language Bible

⁹ Hau: thang: ri ngoo gi mungdain: joem mo byumyu" yi thid pyam lho: nyangnu" gootu: da" yu phara" ri ano' loo: za: ngoo ri kyeing" za: damho' loo: wa. Nyangnu" dangain" mo, gi ngoo ri tam" gyo: lo boem wa nghoid.

ZEPHANI 3:9 交叉引用

APOEM AYANG: 11:1

Xang: shi" ri moug: gyab goin" moo myeing" daja: za: kaid lho: dang: daja: kyeing" jo, boem.

ESAIA 19:18

Hau: ayo, ju" loo lang" Egutu mung" mo voomoo" wim: loem: moo Hebre myeing" ji loo goo" wa. Houg moo nyid bang: gi Myhang: thang Aseing da" myeing ri lang: lho: jham' tang: loo goo” wa. Houg mo voomoo" daloem rigi «Bid voomoo"» ga: myheing loo goo" wa.

COUNG" NGHEI 22:27

Byumyu" yi bain sho mo, gi Aseing ri boin: so" loo wa. Mougmyid gyab, goin" mo mo, gi re" jhang khyoo: doem tau" lo boem wa nghoid. Byukung: byuko' dangain" gi nyang: ri noku coung" pid lo boem wa nghoid.

ZEKHARIA 2:11

Hau: da" bidnyid ri byumyu" myoo" sho' bang: gi Aseing ri loem khoug: lo boem wigi nya: mung" byu yi bue" lo boem wa nghoid lho: ngoo gi nanu" akhoug: moo nyid wa nghoid. Nyang: yoem: moo" bo Aseing gi ngoo ri nanu" jhang khyoo: nhang: kaid su: nghoid ziri nanu" se' lo boem wa nghoid.

HABAKU 2:14

Nghoid loug we' panglai moo gyid yo' byeung" jo, ziyo' dakhyoo" ti" myid jang gi Aseing da" myonhoo: phung" yoeb ri se' da" lasi laleug yo' byeung" shoin: loo" wa nghoid.

Ephesu 4:29

Subi" ri noo, nhang: da" dang: dakhoin" we' nanu" da" nhoid mo athu' nhang: goo"- tam" gyo: nyid bang: akyu" yoo" sho' byu yi ri yo" se' koid so' nyheing byid: ziyo' ca" yo nyid mo, ri yo" pang" thoug byid: da" dang: gi, riza: da tid nyid ge'.

MATHE 12:35

Ge da" byu gi nya: zi gi kaid to" da" boin" mo ge da" zi ri shau" thoid yu da:- akhyeing" ashoeb su: gi nya: da" akhyeing" ashoeb zi kaid to" da" boin" mo age zi za: dashau" thoid yu nyid.

ZEKHARIA 14:9

Hau: bidnyid moo Aseing gi moug: gyab goin' jang" moo khokham koid loo wa nghoid. Byu yugkhang" moo" gi Mangsoo ri kyeing" goeb noku lho: nya: myeing ri kyeing" dasi' loo: wa.

Pang Shug 11:15

Hau: thang: ri nyhed, yug ein: da" moug: lagyoo: gi nya: laboo" ri doem moid kaid' lang" moug: khung: mo thui: zeing myeung thu lo zigi mougmyid' ri vhoeb, khang" da" amyeing" gi ngoonu" da"Aseing: we' Meshia da" lo, khoug: khyoo: vang loo" bye: wigi apyaid' atoo: moo vhoeb khang" nyid wam: bye: o"- ga: tid.

ZEPHANI 2:11

Aseing gi nyangnu" ri kyug nhain' wa. Nyang: gi mougmyid tho' mo yu phara" soolhoo: dangain" ri akoem: dabue" loo" loo: sho' phyed khyo' pyam lho: Mangsoo ri noku lo boem wa nghoid. Byumyu" ja: khang" moo" gi nyangnu" moug: moo nyang: ri goeb pid lo boem wa zi nghoid.

YEREMIA 16:19

Aseing we"- nang gi ngoo ri goem loem byid: su: yoem vhoo" byid: su: nghoid. Nang gi ngoo ri yau: khi" shau" da" ayo, gu: moo pang" thoug byid: da:. Byumyu" yigi moug: thang: myid thang: mo zi re" jhang re" wigi hid su" ga: tid loo goo" wa. «Ngoonu" da" phoug" phyid" yigi yu phara" mo jain" wigi ci we' ajo, ce: akyu" abo da" soolhoo: joem mo lid: wigi ci we' ayoo" nghoid ago".

COUNG" NGHEI 113:3

Bid thu re" jang" mo zi bidvang lo" jang" moo: ju" sho' Aseing da" myeing khyang" ri coung" nghei nyid we'.

APOEM AYANG: 4:26

Shed gi Enusha ga: da" yuggi zoo: ri yo". Hau: ayo, mo shid" wigi byu yigi Aseing gyeung" shang: myeing moo mho' yoid coung" pid shid" loo bye:.

ESAIA 57:19

Ngoo gi jang" moo vi: moo nyid bang: dangain" ri ngei pyo: yug yoo: khyoo: byid:. Nga" byu yiri ngoo byang" gi byid: wa.

EZEKIEL 37:17

Houg: lho: hau: voosi" eig loem: goin" athang: thang: moo zei: ci: we'. Houg: lang" nyangnu" gi voosi" dakhaid kyeing" ti" yu" thu da:.

ESAIA 6:7

Nyang: gi myi: dab da" myigyu: wigi nga" nhoid yid moo tain" lho: «He: zi re" nhoid yid moo tain" bye: yoomo akhid" re" yooboo joem adab loo:- re" yooboo joem ri khyoid pyam byid: bye:» ga: tid.