ZEPHANI 3:12 - Lacid Common Language Bible

¹² Ngoo gi hau: joyoo moo nheigloem: khyo' wigi nu" nham' mo, ri nyid deing nhang: wa zi nghoid. Nyangnu" gi Aseing da" myeing moo khoug: nghi: wa shid re" sho: yen" bang: nghoid.

ZEPHANI 3:12 交叉引用

ESAIA 14:32

Philisti mo zi ngoonu" jhang ju" re" da" lagyoo: yiri ngoonu" khasu" dang: byid: wa la". Aseing gi Ziun Voomoo" ri zhug to" lho: kyi" khyeug shau" da" nya: byumyu" yigi houg moo nyeing" za: gau: nyu: nyid wa ein: ziri nyangnu" ri ngoonu" tid kyoo" wa.

NAHUM 1:7

Aseing gi ge zi nghoid. Nyang: gi nya: byumyu" yi yau: khi" zi shoug" nyid da" uri goem loem byid: nyid. Nya: jhang khyoo: lheung: loo mo, ri nyang: gi yu" goin yu" coung: nyid.

MATHE 5:3

«Venyi: moo asho" ajhen: nghoid nyid mo, gi ngilho' boem wa. Khasu" wim gari Mougkhung: da" mungdain: gi nyangnu" shau" seing: boem wa zi nghoid.

ESAIA 50:10

Aseing ri ngi: shab byid: boem da" bang: dangain" yo' nya: dei zoo: da" dang: ri tam" gyoo: mo, we" nanu" so" lo" da" khyoo: gi no ri no jo, wa. Nghoid loug we' Aseing ri loem khau wigi nanu" Mangsoo ri nghi: ge'.

YAKU 2:5

Jheddab da" mangnhung" yi we"- tam" gyo: yu" ge'. loem khau: khyoo: moo joeb byeung" mo, byui: wa shid re" Aseing: ri jheddab mo, shid re" gi dang: theung to" mungdain moo yo" vang loo" wa shid mo Aseing: gi moug myid' mo sho" jhen: mo, ri khyen: yu zi nghoid.

1PETERU 1:21

Nyang: mo wigi nanu" Mangsoo ri loem, khau: loo bye- Mangsoo gi Yesu ri shid: jang" mo doem dei to'' loo nhang: wigi myonhoo: phung" yoeb, thu loo nhang: bye- Yesu khyo" wigi nanu" hougsu" loem" jeung loem khau: nheig byu khyoo: gi Mangsoo moo zoug jo, wa zi nghoid.

Roma 15:12

Xo' lho: Esaia tid zi gi Yesu da" nya: myid: nya: zoo: dayug gi nyid ri" wa - tungbau byumyu" ri vhoeb' khang: wa shid' re" - nyang: gi tungbau byumyu" ri tu: to' vhoeb' khang" nhang: lho: nyanu" gi nyang: moo- nheig shid: nheig deig da" nheig byu, nheig nhei: khyoo: yoo" wa - ga: tid to.

MATHE 12:21

Byumyu" bain sho mo da" nheig nhei: jang: gi nyang: moo za: dajo, jo, wa.»

MATHE 11:5

Myo, jed mo ri myo doem myang nhang: ago"- khyid: agi lo: mo gi khyoo doem yo" so" lo" boem- manggam: noo mo we' gyeungshang: lo" boem. Nujed mo, we' dang: shau" gyo: lo boem bye. shid: jo mo we' doem dei to'' lo ago"- ashau" ajhen: mo we gau yi mungdang: ri shau" gyo: boem ago".

ZEKHARIA 11:11

Hau: nyid" mo wigi dang: thang" cab' gi byo, loo" bye:. Houg: yoomo ngoo ri nheig nhei: nyid da" yang phung: mo qei ung" mo, gi ngoo ri zung" yu" nyid boem wigi Aseing gi ngoo koid da" moo" zoo" khyo" tid nyid ziri nyangnu" se' yu" ago".

COUNG" NGHEI 37:40

Nyang: gi nyangnu" ri pang" thoug lho lhoid pyoin yu nyid. Nyangnu" gi nya: jang" moo goem loem yu byid: wa shid re" ju" re" nyid boem yoomo nyang: gi nyang: nu" ri akhyeing" ashoeb bang: da" lo, mo khyoid yu byid: nyid.

ESAIA 14:30

Aseing gi nya: byumyu" yi myung shoo" bang: shid re" yang zung" yug re" wigi nyangnu" ri gau gau nyid nhang: wa. Nghoid loug we' Philisti we"- nyang: gi re" adang moo gyoug pho" phang" khoug nhang: kaid byid: loo wa. Houg: lho: hau zigi nanu" mo dayug ri we' adei teing too" wa zi anghoid.

ZEKHARIA 11:7

Yang ri said lho: ung" wa mo, gi ngoo ri vhu" kung: lhung: to". Houg: yoomo said pyam' wa da" yang joem ri zung" da" yang zung" su: bue" loo bye:. Houg: yoomo ngoo gi lhamdung: eig khaid ci: lho: dakhaid rigi «je"Ju"»- dakhaid rigi «sham: shoin"» ein: myheing too" byid: bye:. Houg: yoomo yang phung: ri ngoo bo zung" bye:.

EZRA 9:8

O" ngoonu" Aseing Mangsoo we" akhid" daso' shi" za: nang ngoonu" ri nheig khyeug shoomyen: wigi ngoonu" dayham" ri join koid jang" mo loid byoin loo nhang: ziyo' hau: gyeung" shang: joyoo moo laloem lanyu: nyid nhang: bye: zi nghoid. Nang ngoonu" ri join koid jang" mo loid byoin loo nhang: ziyo' ngoonu" ri pyaid seig doem byid: bye: zi nghoid.

ESAIA 6:13

Mungdain: moo byu daxi: yug mo dayug za: dadeing rilang" nyang: ri said pyam zi shoug" wa. Nyang: gi thug lheing: pyam bye: da" shookhi" gam angoid yo' du wa» ga: tid. (Seig ngoid gi Mangso da" byumyu" yi shid re" aseig doem thoid shid" re" ziri gungthid tid to" zi nghoid da:.)

ESAIA 29:19

Myung bang: yo' nheigloem: nyhoem: khyo' bang: gi Israela da" gyeung" shang: da" Aseing Mangso wigi byid: da" ngei pyo: ziri doem shoug" yu loo wa.

YEREMIA 17:7

«Nghoid loug we' ngoo ri loem khau: da" yug ri ngoo mainkaid byid: wa.

YEREMIA 50:20

Hau: ayo, ju" lang" Israela moo ce: yooboo amyang wa. Yuda mung" moo akhyeing" zi ci: ajo, wa. Ciwim gari ngo wigi kangso' dei nhang: too" bang: ri ngoo yooboo khyoid byid: wa. Ngoo Aseing tid too" bye:» ga: tid da:.

EZEKIEL 6:8

«Ngoo gi dayham" ri said pyam wa jang" mo phang: loid nhang: wigi nyangnu" ri byumyu" yi phung: khyoo: khaid sain" pyam wa.

MIKHA 5:6

Nyangnu" gi sham: lham: gyi yoem: yo' Nimrod moug: Asuri mung" ri oung: pyam lho: nyangnu" gi ngoonu" da" mougmyid khyoo: zain: ce" vang lo da" Asuri byumyu" yi lo, khoug: mo ngoonu" ri khyoid yu wa zi nghoid.