ZEPHANI 2:9 - Lacid Common Language Bible

⁹ Ngoo gi Israela byumyu" da" Mangsoo dei nyid da" yoem: moo" bo Aseing ngoo nghoid ziyo' dakhyoo" ti" Sodom yo' Gomora ri phyo' sain" pyam yhang: ti" Moba yo' Amon ri we' phyo' sain" pyam zi shoug" wa nghoid ein: ngoo dang: theing to" zi nghoid. Hau: moug: gi xoo" khuang" yo' apyaid atoo: byo, yoin" jo, ziyo' mhain" yoo bue" loo" wa zi nghoid. Deung nyid shi" da" nga" byumyu" yi we' nyangnu" ri zain: lho: nyangnu" da" ziyoo jonu" ri lhoid lho: nyangnu" da" mungdain: yo" yu pyam wa zi nghoid.

ZEPHANI 2:9 交叉引用

ESAIA 11:14

Nyangnu" dage" bidvang shoid mo Philisti byu yiri gyi zain: lho: bidthu shoid moo nyid boem da" bang: ri phyo' zo: loo goo" wa. Nyangnu" gi Edom- Moba byumyu" yiri oung: pyam lho: Amon byu yigi nyangnu" da" dang: tam" gyo: loo goo" wa.

TARHA" TID POIN" 29:23

Shivoo: yoo gi shoug: yo' xoo" boem" pyam wigi shang byug wa zi nghoid. Ciwe' age shoo" zoo: wa. Houg: lho: hau: joyoo mo mhain" lang" ayug loo: wa. Nanu" da" mungdain: gi Aseing wigi nheig joem: yo: wigi phyo' shoin' pyam da" Sodom yo' Gomora voomoo" joem yhang: ti"- Adma yo' Zeboim voomoo" joem yhang: ti" bue" lo" byug wa zi nghoid.

ESAIA 25:10

Aseing gi Ziun boem ri goem loem byid: loo wa. Nghoid loug we' Moba byu yigi nu: khyid" moo khoofoo: ri nang nhe" pyam ziyo' dayhang: ti" nang: nhe" pyam zi shau" boem wa.

YEREMIA 50:40

Sodom- Gomora yo' aqei ayam mo voogung joem ri ngoo phyo' shoin' pyam uri bue" ziyo' dayhang: ti" Babelon moo hougsu" nyang: bue" loo wa. Houg moo hang" adoem nyid boem wa. Ngoo Aseing tid too" bye:.

YEREMIA 48:1

He: zigi Moba yo' sen: wigi myhang: thang Aseing tid zi nghoid da:. Hau: zigi «Nebo byu yigi asho" ajhen: nghoid ago". Nyangnu" voogung joem ri phyo' shoin' pyam shau" abye:. Kiriathaim gi seing: yu pyam zi shau" ago". Nya: da" yoem: bo gyidab voogung ri phyo' khyo' pyam abye: go". Nya: da" voobyu yigi sho' phu" zi shau" ago".

ESAIA 49:18

Lheing khoem khyoo: lheing: yu" kaid we'. Houg: lang" bue" nyid ziri myang wa. Re" byu yigi zeing: foem: nyid boem ago". Nyangnu" yhoem: khyoo: lo nyid ago". Ngoo gi dei nyid da" Mangsoo nghoid ziyo' dakhyoo" ti" Myhi' seig gi nya: phoug" dab da" sheing: zi ri langi: koid yhang: ti" nang gi re" byu yi yoomo langi: koid loo wa.

Roma 14:11

Jhoem: mungdang; moo Aseing: tid to" zi gi Ngoo dei nyid zi yo" dakhyoo" ti" nga" da" shid' khoin" moo byu dangain" mo, poid' thoug thug lho: - yhoo: dab moo dab ngoo Mangsoo: nghoid khyoo: ri yhen: yu boem wa ga: - tid to.

ZEPHANI 3:13

Deung nyid da" Israela byumyu" yigi age da" akhyeing" ashoeb khyoo: ri akoid boem loo: za: mhoug" we' amhoug boem loo:- eig phug eig shoid we' akoid boem loo:. Nyangnu" gi nyid gi yab ge lho: gau: nyu: goem loem nyid boem wigi hang" ri we' gyoug anoo" boem loo.

ZEPHANI 2:14

Hau: joyoo gi nu: kyung yang kyung coid kyung yo' gougnyhoug aja: ja: vhoeb yoin" to" da" joyoo bue" loo wa. Khung" boeb joem gi voo goin" jang" moo nyid boem lho: bangzoo: khoem" joem mo myeung nyid goo" wa. Kono, joem gi zoem" lhang: phyoo" mo myeung nyid boem wa. Nyangnu" yhoem: mo shamu zeing joem za: dadeing jo, loo: wa.

ZEPHANI 2:7

Deung nyid shi" da" Yuda byumyu" yigi nanu" da" mougmyid ri lhoid yu pyam boem wa nghoid. Nyangnu" gi hau: moug: moo coidbaid kaid yang kaid jang: bui" nhang: pyam wa zi nghoid. Nyangnu" da" Aseing Mangsoo gi nyangnu" yo' dage" nyid lho: ngei pyoo: myenjham" nhang: wa zi nghoid.

AMO 1:13

Aseing tid zigi «Amon voo bang: gi pug lho: pug lho: yooboo ri dakoid nyid boem yoomo ngoo gi nyangnu" ri gyeing" gyeing" nyang: yooboo dam byid: wa. Nyangnu" gi mougmyid ri ce" yu wa shid re" gyi zain: lho: Gilead moug: mo gung lid: ci: da" myhi' zeing yiri voem: doug: yham" kho' pyam byid: boem ago".

YEREMIA 49:18

Sodom yo' Gomora da" aqei: ayam voogung joem phyo' shoin' pyam shau" da" ayo, mo bue" zi yhang: ti" Edom moo bue" loo wa. Hang" we' houg: moo adoem nyid loo goo" wa. Ngoo Aseing tid too" bye:.

YEREMIA 46:18

Ngoo myhang: thang Aseing gi khokham nghoid. Ngoo gi kangso' dei da" Mangso nghoid. Tabora boem gi boem joem tho' myhang: da:. Khamela boem gi Panglai: atho' moo myhang: jo, da:. Hougsu" nanu" ri gyi koid su: gi yoem: boo su: nghoid.

GYUNG: SOO" 14:21

Nghoid loug we' ngoo dei nyid wigi mougmyid gyab goin" moo ngoo nyid ziyo' dakhyoo" ti"

YEREMIA 49:1

He: zigi Amon yo' sen: wigi Aseing tid to" zi nghoid. Hau: zigi «Israela byu yi khayoo: nghoid la". Nyangnu" mougmyid ri goem loem wa dayug we' anyid la". Nyangnu" gi Moleg ri no' da" byumyu" yiri Gad byumyu" kung: yi da" mougmyid ri ciwim seing: yu nhang: lho: houg moo tam: nyid nhang: ago" la".

YEREMIA 49:33

Hazora gi khuidkoo" joem za: nyid da" joyoo apyaid atoo: moo dain" pyoid yoo bue" pyam wa. Hau: joyoo moo hang" we' adoem nyid loo goo" wa. Ngoo Aseing tid too" bye:».

AMO 2:1

Aseing tid zigi «Moba byumyu" yigi pug lho: pug lho: yooboo koid nyid shi" yoomo ngoo gi nyangnu" ri gyeing" gyeing" nyang: yooboo dam byid: wa. Nyangnu" gi Edom khokham da" shooyoug: ri myiyab bui" sho' nghe' lho: aphoug" akhyoid koid pyam abye: go".

TARHA" TID POIN" 29:22

«Ju" loo wa da" byuxeig joem moo nanu" da" amyed ashen yi yo' moug: vi: mo tungbau byumyu" yigi Aseing wigi nanu" mungdain: adang moo ju" nhang: da" noophyoo" joem yo' kyi" khyeug shoug" ziri shau" myang loo goo" wa.

ZEKHARIA 2:13

Aseing shidkhoin" moo nyid da" byumyu" yi dangain" bang: we"- sam: zoo: nyid we'. Khasu" wim gari nyang: gi nya: gyeung" shang: yhoem: moo" moo re" lo nyid bye:.