ZEKHARIA 9:9 - Lacid Common Language Bible

⁹ Ziun mung" byu yi we" gye" gau yi ngei bu: nyid ge'. Yerusalem bang: we" yoid nyho: loo ngei bu we'. Yu" we'- re" da" khokham phoo gi re" jang" moo ju" re" da:. Nyang: gi ung: pui" oung: myug ziyo' ju" re". Nghoid loug we' nyang: gi nu" nham' lho: loo zei: tho' moo zhung: wigi re" bye:. Nghoid- Loo zei: nu" dadu: atho' moo zhung: lho: wigi re" da:.

ZEKHARIA 9:9 交叉引用

ZEKHARIA 2:10

Houg: lho: Aseing tid zigi «Yerusalem bang: we"- jikhoin" khoin" lho: gau yi nyid we'. Khasu" wim gari ngoo gi nanu" da" akhoug: moo re" bo nyid wa zi nghoid» ga: tid.

MARKU 11:7

Nya: eig yug gi loozei: nu" ri Yesu jhang khyoo: she: lo wigi loozei: nu" da" tho' moo nyangnu" da" byimi nhi" byid: ago". Yesu we' loozei: nu" tho' moo do, zhoung

ESAIA 43:11

«Ngoo dayug za: Aseing nghoid. Nang ri yo" khyoid yu su: ngoo dayug za: nghoid.

MATHE 11:29

Nga" da" kyoug: ri voin ge'. Nga" jang" mo jhau" yu ge'. Khasu" wim gari ngoo gi nu" nham' su: yo' nheigloem: nyhoem: su: nghoid. Houg: su" lang" nanu" doug shau" noo: wa zi nghoid.

ESAIA 40:9

Yerusalem we"- myhang: da" boem tho' khyoo: do, lo" lho: lu dang: gi ri tid fu" we'. Ziun we"- thui: zeing yo' nyho: wigi Lu dang: gi ri tid fu" we'. Tid thu' we' agyug noo". Nyangnu" Mangsoo ju" re" nyid da" khyoo: ri Yuda voogung joem ri tid kyoo" we'.

ESAIA 62:11

Aseing gi mougmyid gyab goin" ri fu" byid: nyid. Hau: zigi «Nanu" ri khyoid yu wa shid re" Aseing ju" lo nyid bye:. Nyang: khyoid yu to" da" byu yiri nyang: yo' dage" shu" lo nyid da» ein: Yerusalem byu yiri tid kyoo" we'.

ESAIA 43:3

Ciwim ga ri ngoo gi re" Aseing Mangsoo nang ri khyoid yu su: Israela da" gyeung" shang: Mangsoo nghoid. Nang ri loid byoin nhang: wa shid re" ngoo gi Egutu ri ab pyam wa. ngoo gi Etiopi yo' Seba ri ab pyam wa.

ESAIA 12:6

Ziun boem moo nyid da" byu yugkhang" moo" nyho: wigi jikhoin" khoin" we'. Israela da" gyeung" shang: da" Mangsoo gi gyi: sheung: da" su: nghoid da:. Houg: lho: nyang: gi nya: byumyu" yi agyoo: moo nyid da» ga: jikhoin" khoin" wa.

COUNG" NGHEI 2:6

Nyang: gi «nga" gyeung" shang: Ziun boem tho moo nga" khokham phoo ri myonhoo: ngilang: ngoo ab byid: bye:› ga: tid» ga: tid nyid.

YOHAN 1:49

Houg: lang" Nathanela gi Sara: we" nang gi ‹‹Mangso da" nya: zoo: nghoid Israela byumyu" yi da" khokham" nghoid.» ga: wigi Nathanela phougtu.

MATHE 1:21

Nyang: gi yuggi zoo: khu: loo wa zi nghoid. Nang nya: myeing ri Yesu ein: myheing byid: ca" wa. Khasu" wim gari nya: da" Byumyu" ri nyang: nya: youg: noo yooboo mo khyoid' yu wa su: nyang: nghoid nyid».

YEREMIA 30:9

Hau: gungthid- nyangnu" gi nyangnu" Mangsoo- ngoo Aseing ri we' ngoo wigi khokham khyo" nyang: ri zhungtang moo zhung: nhang: da" David da" amyed ashen dayug ri dei byid: loo goo" wa.

ESAIA 45:21

Nanu" da" moo" ri tarha" yung" moo re" tid we'. Yooboo voin shau" bang: gi nyang: cang" nyang: sham: goo" baja". Bue" ri" wa ga: shid phyang" lapi: pe: su: hang" nghoid la". Nya: byu yiri khyoid yu su: gi ngoo Aseing Mangsoo anghoid rhe". Mangsoo gootu: anyid.

COUNG" NGHEI 45:1

Khokham pho, shid re" he: da" jikhoin" ri ngoo lhid" da" uri nga" nheigloem: ung: khoug: moo young" du da" dang: yo' byeung" jo. Gye" reung da" mougsoug" lhid" sara: phoo ci: da" mhug youg: yhang: ti" nga" da" yhoo: gi dang: zhoem tid wa zi jen" jen" nghoid nyid.

YOHAN 19:15

Houg: bang: gi nyang: ri said pyam ge' said pyam ge' baid jen" said pyam ge' ga: doem nyho: lo ago". Pilaid khokham" gi Nanu" da" khokham" phoo ri pyang" zeing: tho' moo baid jen" said pyam noug go" la"» ga: doem myid. khainjung agyi moo": yi gi ngoonu" moo Ketha khokham" mo led lho: gootu: khokham" anyid ga: phougtu" boem.

MATHE 2:2

«Khu: loo bye: da" Yuda khokham" gi kha: yoo: lha". Nya: da" kyi: ri bid thu' mung" moo ngoonu" shau" myang bye. Houg: yoomo nyang: ri noku wa ngoonu" ju" re" boem:» ga: re" tid ago".

LUKA 24:27

Hau: thang: ri-Yesu gi xang: shi" da" Moshe da" mougsoug" pug moo boda" jhoem: dang: mo wigi Lapi: yi tid to" da" mungdang: dangain" moo nyang yo" sen: da" jhoem: mungdang: dangain" ri he: eig yug ri tid pang kyo".

TARHA" AGYI 10:4

Nyang: gi loo zei: soem" xi: moo zhung: da" nya: yuggi zoo: soem" xi: yug yo" da:. Nyangnu" gi Gilead mung" moo voomoo" soem" xi: yo" ago". Hau: joem ri Yaira da" voozoo: joem ga: myheing nyid shi".

COUNG" NGHEI 149:2

Israela byumyu" yi we"- nanu" ri phain" so: to" da" Aseing yoomo gau, yi nyid we'. Ziun da" byumyu" yi we"- nanu" da" khokham phoo yoomo gau, yi phau: khuang: nyid we'.

ESAIA 30:6

He: zigi mougpyi: shoid dain" pyoid yoo mo gougnyhoug joem yo' sen: da" Mangso da" mungdang: nghoid da:. Hau: zigi «Lagyoo: zeing yigi gyoug ci' ca" da" mungdain: ri jang: sho' so" yen" ago". Houg moo khang khyi joem dug thain: da" lhangmyu joem dang: yen" da" mainjung: joem nyid ago". Nyangnu" gi pang" thoug khyoo: ce: daja: we ayo" byid: da" byumyu" shid re" phoug" dab da" jhungshug joem ri loo zei: yo' gola-ug doo: moo nyangnu" soin' voin ago".

ESAIA 33:22

Hau: lhid joem mo tei" joem gi amyed afoo" nghoid da:. Lhid mo pain" ruang: ri ayo" pei: to' kaid nghoid da:. Ngoonu" gi gyivoo gyidab joem da" jonu" dangain" ziri yo" seing: yu goo" wa. Sung myo: yoomo khyid: gyoug: bang: lang" gamboem shoug" yu boem goo" wa. Aseing nyang: nyang: nanu" khokham nghoid loo wa. Nyang: gi ngoonu" ri vhoeb wigi goem loem byid: loo wa.

ESAIA 57:15

«Ngoo gi myhang: wigi apyaid atoo: moo dei nyid da" gyeung" shang: Mangsoo nghoid. Ngoo gi myhang: da" joyoo yo' gyeung" shang: da" joyoo moo nyid su: nghoid. Nghoid loug we nyangnu" myid loem ziyo' myid byu ziri ngoo yo" doem nyeing kaid byid: wa shid re" nheigloem: nyhoem: khyo' wigi myid thid da" byu yi yo' we' dage" nyid da:.

HOSEA 1:7

Nghoid loug we' Yuda byumyu" yiri gi jheddab myid toin" shed byid: wa. Ngoo nyangnu" Aseing Mangsoo gi nyangnu" ri khyoid yu wa nghoid loug we' ngoo gi hau: ziri meing: zain: khyo" akoid wa. Shamcoin"- Lid:- myoo: khaid- myang: yo' myang: jui: bang: ri aci: wa» ga: tid da:.

MIKHA 5:2

Aseing tid zigi «Bedlehem Ephrad we"- nang gi Yuda voogung joem mo nge thang voogung daloem: nghoid loug we' goonham' gooco' byuyoug gyung: gyo" loo su: Israela khokham dayug ri nang mo khu: thu loo nhang: wa nghoid.

1 KHOKHAM 1:38

Houg: yoomo Zadog- Nathan- Benaia yo' khokham vang" zung" bang: Sholumon ri khokham David da" loo zei: moo zhung: nhang: wigi nyang: ri zung" lho: Gihon gyid bug khyoo: shu" yhe: lo" da:.

ESAIA 52:7

Lu dang: gi nghoid da" yug yoo myenjham" da" lu dang: voin wigi boem joem ri lid: phyid lho: re" nyid da" lagyoo: dayug ri Shau" myang zigi gye" mau" pho" zi nyang: nghoid. Nyang: gi oung: doid khyoo: ri tid fu" wigi Ziun ri «Re" Mangsoo gi khokham nghoid da o"» ga: tid.

EZEKIEL 21:32

Nanu" gi myi: yo' phyo' shoin' pyam zi shoug" wa. Nanu" da" suid" gi nanu" nya: mougmyid moo shoin: gyo" wigi nanu" ri hang" wigi we' amyid boin: loo: wa. Aseing tid too" bye:.

MIKHA 4:8

Hougsu" wigi yang zung" su: yo' dakhyoo" ti" Mangsoo gi nya: byumyu" yiri lhoug zung" nyid da" joyoo Yerusalem we"- nang gi re" khokham mung" bue" lid lo yu" bye: da" voomoo" zeing dalheing: doem bue" loo wa nghoid.