ZEKHARIA 4:9 - Lacid Common Language Bible

⁹ Zerubabela gi he: yhoem: ri ayang: zhug too" bye:. Hau: lho: zhug we' bain zhug too" bye:. Hid: myhoo' ja: bue" lo uri nyangnu" nyid jang" moo nyang: ri nhang: kaid su: gi Aseing Mangsoo: ngoo nghoid ziri nga" mung" byu yi se' loo goo" wa nghoid.

ZEKHARIA 4:9 交叉引用

EZRA 5:16

Hougsu" nghoid yoomo Shebaza lo wigi Noku Yhoem: Moo" da" ayang: zhoug lho: hau: bidnyid mo akhid" nyid" ju" sho' koid nyid nghoid loug we' abain shi" nghoid da» ga: tid.

ZEKHARIA 6:15

Moug: vi: moo nyid mo, we' re" lho: Aseing da" yhoem: moo" ri bo pang" koid boem wa nghoid. Hau: lho: hau: yhoem: koid lang" yoem: moo" bo da" Aseing gi ngoo ri nanu" jhang khyoo: nhang: kaid ziri se' lo boem wa zi nghoid. Nanu" gi nanu" Aseing da" amyeing" dang: joem ri goolho' phau" cang lo" boem nghoid rigi hid: dangain" nanu" moo bue" loo wa zi nghoid.

HEBRE 12:2

Ngoonu" da" loem" jeung" khyoo: ri Apoem: mo aphyoo" thang loo" sho' joeb, byeung" nhang: su:- Yesu Khristu ri yu" zhug too" shang. Aseing: gi nyang: kham: yu wa nghoid da" hau: gau yi, ngei bu: khyoo: yoomo hau: pyang" zeing moo kham, shid: khyoo: ri asho' agyug loo za: kham: yu lho: akhid" Mangso lo, yo shoid mo zhung: tang moo lo" zhoung: jo, bye.

YOHAN 17:21

Moug: myid byu yi gi nang ngoori nhang kaid bye khyoo: ri loem" wa shid re nang gi ngoo moo nyid nyid lho: ngoo we' nang moo nyid nyid yhang: ti" hid: bang: we' yha" eig yug moo nyid baja".

YOHAN 3:17

Khasu" wim gari Mangsoo gi nya: zoo: ri nhang: kaid da" khyoo: gi Mougmyid byu yi ri tarha" dang: phyed wa shid' re" anghoid. Mougmyid byu yi da: khyoid yu Aseing bui" wa shid re nghoid.

MATHE 16:18

Petru we"- ngoo nang ri tid ba"- nang gi lung: moo" boem nghoid. He: da" lug moo" boem moo apoem ayang: koid: lho: Nga" da" phung: ri zhug too" wa. shid zoug: lang" hau: da" phung: ri ung: wa zi anghoid.

ZEKHARIA 2:11

Hau: da" bidnyid ri byumyu" myoo" sho' bang: gi Aseing ri loem khoug: lo boem wigi nya: mung" byu yi bue" lo boem wa nghoid lho: ngoo gi nanu" akhoug: moo nyid wa nghoid. Nyang: yoem: moo" bo Aseing gi ngoo ri nanu" jhang khyoo: nhang: kaid su: nghoid ziri nanu" se' lo boem wa nghoid.

ESAIA 48:16

«Akhid" nga" jhang tab tab re" lo wigi ngoo tid ziri gyo: yu ge'. Xang: shi" mo ngoo gi bang bang tid loo bye:. Houg: lho: nga" dang: khoin" joem gi khanham we' joeb byeung" re" da» ga: tid da:. (Akhid" myhang: thang Aseing gi nya: yoem: so' ngoo ri byid: wigi nhang: kaid abye:.)

HAGI 2:18

Akhid" nyid" gi lhammoo" goug: khyab eig xe: myid: nyid" nghoid wigi Aseing da" yhoem: moo" ayang: zhug shid" da" moo" bain da" bidnyid nghoid. Akhid" mo thang: phyang" ce: noem bue" loo wa ziri yu" yu we'.

ZEKHARIA 1:16

Houg: yoomo ngoo gi nheig khyeug ziyo' Yerusalem shoid khyoo: doem phug loo bye:. Nga" yhoem: gi houg: moo zhug shi" wa zi nghoid. Yerusalem voomoo" ri we' nyheung koid shi" wa» ga: tid.

ZEKHARIA 4:8

Aseing jang" mo mungdang: gootu: nga" jang" moo ju" re".

ZEKHARIA 2:13

Aseing shidkhoin" moo nyid da" byumyu" yi dangain" bang: we"- sam: zoo: nyid we'. Khasu" wim gari nyang: gi nya: gyeung" shang: yhoem: moo" moo re" lo nyid bye:.