ZEKHARIA 4:10 - Lacid Common Language Bible

¹⁰ He: moo" zoo" zei: shid" lo" ayo, moo azhei' kyeung" da" moo" ga: kyi: yang myeung nyid da" byu yigi akhid" Zerubabela lo, moo ci: da" khung: phoug lug ri myang uri ngei pyo: goug yi boem wa. «Hau: myikug ki" jang: nyhed loem: gi Aseing da" myojid" nyhed loem: ri tid zi nghoid. He: myojid" gi moug: gyab goin" jang" mo jo, moo jo, dangain" ri yu" myang zi nghoid»

ZEKHARIA 4:10 交叉引用

YOBA 8:7

Mangsoo nang ri byid: wa ziyo' tu' yu" ri nang soem" pyam bye: jonu" dangain" gi ci: lang" ayo" tu' nghoid da:.

2 KHOKHAM MHOOMYID: 16:9

Aseing nyangnu" oung: khoug: nheigloem: wigi nyang: ri jhug zug da" bang: ri yoem: boo nhang: wa shid re" mougmyid goin" ri tab tab za: zung" yu" nyid da:. Nang gi koo" moo" zei: abye:. Houg: yoomo akhid" mo thu: gu: nang gi ajang" gyi shau" khaid nyid wa» ga: yhe: tid da:.

HAGI 2:3

Nanu" da" akhoug: moo shid phyang" mo Noku Yhoem: Moo" da" myonhoo: yoeb bang ri shau" myid soo" bang: boo shi" la". Hau: ziri akhid" nanu" khasu" yu" go" la". Hau: zigi dangain" ciwe' anghoid loo yhang: ti" jhoo: goo" wa bye:.

DANG: ZHOEM 15:3

Aseing gi joyoo khyi, khang" moo" moo cibue" nyid khyoo: ri myang nyid gu nghoid. Nyang: zei: da" moo" gi: ge age ziri nyang: yu" zung" nyid.

Pang Shug 5:6

Hau: thang: ri yang nu" dadu: gi dei noem, gougnyhoug myid: ja: yo' Ludaid yi khyam, lheung to" da" zhung: tang mo agung moo yab, jo, ziri ngoo myang- said' pyam' shau" bye: da" yang nu" yo' du nyid da- nyang: moo khyoug: nyhed khyoug: yo' myojid" nyhed loem: dab. Hau: zigi mougmyid gyab, goin" jang" khyoo:- nhang: kaid' da" Mangso venyi nyhed yug nghoid.

ZEKHARIA 3:9

Ngoo gi Yoshua da" shidkhoin" moo myojid" nyhed loem: dab da" lug yho' ri zhug too" byid: bye:. Yu" ge'. Ngoo hau: lug yho' tho' moo ngoo kyung" lhid" too" eung: ziri lhid" to" lho: hau: mung" mo akhyeing" ashoeb da" khyoo: ri danyid" dam ngoo shoem" pyam' byid: wa nghoid.

DANG: ZHOEM 4:18

Deing: byeung" bang: da" kangso' gyung: khyoo: koem gi bidxain" so' su" nghoid nyid hau: zigi bidnyid" gung tu: lo yo, ti" je" je bang young" ju" lo nyid.

ESAIA 66:14

Hid su" bue" ziri nang myang lang" nang ngei bu loo wa. Hau: zigi nang ri yoem: boo nhang: wigi yang" zain: nhang: wa. Houg: lang" ngoo Aseing gi nga" tid dang: gyoo: byid: bang: ri pang" thoug byid: yug nghoid wigi nga" gyivoo yiri nga" nheig yo: thougtheung zi ci: shug byid: su: nghoid ziri nanu" se' loo goo" wa» ga: tid.

ESAIA 66:11

Zooshang: gi nya: myhi' yanggang moo ngei bu: ziyo' dayhang: ti" nanu" gi nya: jonu" moo ngei bu: nyid loo goo" wa.

Pang Shug 8:2

Hau: thang: ri Mangsoo da" shid khoin" moo yab, jo da" moug: lagyoo: nyhed yug ri ngoo myang- nyangnu" rilaboo" nyhed loem: zheung: byid: to.

HOSEA 6:3

Ngoonu" gi Aseing ri si' wa shid re" yoem: kaid shang. Nyang: gi nab soin: moug: bo" re" ziyo' dakhyo"- mougmyid mo vo khyo' da" gyu moug: yu: yhang: ti" ngoonu" jhang re" loo wa» ga: tid ago".

LUKA 15:32

Re" no, koem gi shid: byug bye- nghoid loug we' akhid" doem dei loo bye. Nyang: byug byug bye: nghoid loug- akhuid' doem shau" nyang bye: yoomo nyhang" phi" yi zo: shug pui" koid: shang- ngei pyo: nyid shang.

YEREMIA 16:17

Nyangnu" koid da" ja: khang" moo" ri ngoo shau" myang byid: bye:. Ngoo moo shoung: to" zi ci ajo,. Nyangnu" da" yooboo joem gi nga" da" myo, jang mo aloid.

EZEKIEL 1:14

Dei noem joem nyangnu" nyang: we' thang: khyoo: shid khyoo: myijhen" yo' thu jhu" yen" da:.

AMO 7:2

Hau: yoeb myang mo jhenkhyeug joem gi houg: mung" mo mhain" nyoug pho nyoug joem dangain" ri zo: pyam lho: ngoo gi yoem: moo" bo thang «Aseing we"- re" byumyu" yiri yooboo khyoid byid: we'» nyangnu" gi khasu" koid se' deung nyid loo: goo" wa lha". Nyangnu" gi atham: loo: nge lo" ziyo' yoem: gye" neing: mo, nghoid ago"› ein: tid kaid bye:.

AMO 7:5

Houg: lang" ngoo gi «Yoem: moo" bo thang da" Aseing we"- hau: zigi toem' pyam we' re" byumyu" yigi ashid: loo: khasu" yo" se' dei nyid boem loo: wa lha". Nyangnu" gi gye" nge lho: yoem: gye" neing: mo, nghoid nyid»

COUNG" NGHEI 33:14

Nyang: vhoebkhang" nyid da" joyoo mo mougmyid tho' moo: dei nyid mo, dangain" ri nyang: goeb yu" nyid

ZEKHARIA 9:1

He: zigi Aseing da" pang shug da" mungdang: nghoid. Aseing gi Hadrag yo' Damasku ri dang: phyed wa zi myid phyed too" bye:. Israela byumyu" yi za: anghoid. Suri voomoo" ri we' Aseing seung: nyid zi nghoid.