ZEKHARIA 13:4 - Lacid Common Language Bible

⁴ Hau: da" bidnyid ju" lo uri lapi: yi khayug nghoid loug we' nya: da" yoeb myang yoomo yo" khuang nyid wa zi anghoid. Lapi: dayug ti" we' yo" koid loo: wa zi anghoid. Byu yiri mhoug wa shid mo lape: da" byisheing: ri we' shau" void loo wa zi anghoid.

ZEKHARIA 13:4 交叉引用

MATHE 3:4

Hau: Yohan koem gi gola-ug moug" yo' yo, da" byimi void lho: shooyid bicu" cu" ci:- nya: da" zoo: noem gi siyoo mo jhen" khyeig nyoug yo' byoo: yhid: nghoid nyid.

ESAIA 20:2

Aseing gi soem" zain shid" lho: Amoz da" nya: yuggi zoo: Esaia ri nyang: void ci: da" jid: moo" mi joem yo' khyid: zhung" ri khyoid pyam wa shid re" tid da:. Nyang: gi tid dang: tam" gyo: wigi shoocen: doem- khyid: cen: so" lheing: yen" da:.

2 KHOKHAM 1:8

Nyangnu" gi «Gougnyhoug shooyid yo' koid da" byi: sheing" void ci: wigi shooyid phyid" cu" cu" ci: da:» ga: tid. Khokham phoo gi «Elia nghoid da» ga: tid da:.

Pang Shug 11:3

Jid: moo" byimi void ci: da" nga" sagsi: eig yug ri ngoo nhang: kaid' wa Nya: eig yug gi bidnyid 1260 nyid agyoo: moo Mangso mungdang: ri lapi: dang: khyo" kho" kyoo" wa,, ga: tid.

MARKU 1:6

Yohan gi Gola-ug moug" yo' yo, da" byi: ri vhoid ci: lho: shooyid phyid" cu" ri cu" ci: da. Nya: zoo: neom gi jhen" khyeig nyoug yo' siyoo mo byoo: yhid: nghoid.

YEREMIA 6:15

Nyangnu" he: aco' ajhoid moo" joem ri koid wigi sho' boem go" rhe". Asho'- nyangnu" dajhi' we' asho' nghoid ago". Nyangnu" gi myonhoo: lang" abyo, nghoid da:. Houg: lho: ngoo yooboo dam byid: uri goo" yug leung gyoo" lo" yhang: ti" nyangnu" we' leung gyoo" loo" wa. Hau: zigi nyangnu" da" lo" thang ayo, nghoid wa. Ngoo Aseing tid bye:.

YEREMIA 2:26

Aseing tid zigi «Khausu gi shoug" myheig lang" ngi: yoem" yhang: ti" Israela byumyu" nanu" dangain" nanu" khokham yi yo' gyizoug: yi nanu" khainjung yi yo' Lapi: yi ngi: yoem" loo goo" wa.

HEBRE 11:37

Nyangnu" gi lug go, yo' du" said pyam zi seig sheig yo' adu du sheug phyid pyam zi sham: yo' jab, said' pyam zi shau" nyid ago".

YEREMIA 8:9

Nanu" da" phajhi' boo bang: gi sho' phu" ago". Nyangnu" gi nheig coid nuyug bue" wigi khyoo: lung" lung" ago". Nyangnu" gi nga" mungdang: ri ngeug pyam ago". Akhid" nyangnu" ce: phajhi' yo" ashi" go" la.