ZEKHARIA 10:7 - Lacid Common Language Bible

⁷ Israela byumyu" yigi gyizoo: yi yhang: ti" yoem: bo loo wa zi nghoid. Nyangnu" gi zabyid yhid: shug su: yhang: ti" gau yi goo" wa zi nghoid. Nyangnu" nya: myid: nya: zoo: yigi he: oung: doid lo" khyoo: ri myid boin: wigi Aseing zei: loo bye: moo" zoo" yoomo nyangnu" gau yi nyid boem wa zi nghoid.

ZEKHARIA 10:7 交叉引用

ZEKHARIA 9:15

Yoem: moo" bo da" Aseing Mangsoo gi nya: mung" byu yiri goem loem byid: nyid yoomo nyangnu" gi gyivoo joem ri yo" phyo' pyam' boem wa zi nghoid. Nyangnu" gi yhid: yed mo, yhang: ti" meing: zain: jang: moo nyho: lo wigi nyangnu" da" gyivoo joem da" suid" ri jarung: mo phoin: khyoo: foid sain" da" xoin" du: suid" yhang: ti" gyivoo joem da" suid" yau loo" wa nghoid.

1PETERU 1:8

Nanu" gi Khristu ri amyang yu" boem nghoid loug we' jheddab nyid-akhuid" amyang shi" nghoid loug we' nanu" gi Aseing: ri loem" jeung" nyid bye- hougsu" nghoid yoomo nanu" gi nhoid, yo' tid loo, a-oung: loo: sho' gau yi ngei pyo: ziyo' ngei pyo: nyid boem bye.

PHILIPI 4:4

Hau" Aseing: yo' deung: shoin" da" khyoo: moo nanu" khanham we' gau yi ngei pyo: nyid goo" baja"- ngoo deom tid ba- gau yi ngei pyo: nyid goo" baja".

ACTS 2:26

Houg: yoomo nga" da" ung: khoug: moo ngei bu: zi byeung" jo, ziyo' Nga" nhoid yhoo: moo gau yi zi byeung" jo. ngoo gi shid: loo" se' da" byu nghoid loug we' nheug byu lho: nheigloem: myen myen shau" dei nyid wa nghoid.

YOHAN 16:22

Nanu" moo akhid" uri nheig koug nyid boem nghoid loug we' nanu" yo" ngoo dalheing: doem shau" goo" wa nghoid yoomo nanu" hau: uri gau yi boem wa zi nghoid. Nanu" da" gau yi da" khyoo: ri hang" wigi we ayo" lhoid' yu pyam.

LUKA 1:47

Khyoid yu Aseing: Mangsoo koid: to" moozoo" yoomo nga" Venyi: gi gau yi ngei pyo: nyid.

ZEKHARIA 9:17

Nyangnu" mung" gi gye" ge ziyo' yu" yung" zi bue" loo wa. vedyam" yi gi hau: moug: mo thu da" shivoo: shiloem yo' zabyid yhid: ri zo: shug wigi yoem: bo gyi: sheung: loo wa zi nghoid.

ZEPHANI 3:14

Israela byumyu" yi gau yi wa shid re" coung" thui: yo' fu" nyho: nyid ge". Yerusalem we' re" da" nheigloem: dangain" yo' ngei bu: gau yi nyid we'.

HABAKU 3:18

Ngoo gi ngei pyo: gau yi nyid shi" wa zi nghoid. Khasu" wim gari Aseing Mangsoo gi nga" khyoid yu su: nghoid.

YEREMIA 32:39

Ngoo gi nyangnu" da" kangso' gyung: khyoo: moo myid byu khyoo: daja: za: byid: wa. Hau: zigi ayo, byeung" nyangnu" akyu" shid re" we' nyangnu" amyed ashen yi shid re" we' ngoo ri ngi: shab byid: wa zi nghoid da:.

ESAIA 66:14

Hid su" bue" ziri nang myang lang" nang ngei bu loo wa. Hau: zigi nang ri yoem: boo nhang: wigi yang" zain: nhang: wa. Houg: lang" ngoo Aseing gi nga" tid dang: gyoo: byid: bang: ri pang" thoug byid: yug nghoid wigi nga" gyivoo yiri nga" nheig yo: thougtheung zi ci: shug byid: su: nghoid ziri nanu" se' loo goo" wa» ga: tid.

ESAIA 38:19

Akhid" nang ri ngoo coung" byid: ziyo' dakhyo"- dei nyid da" bang: gi nang ri coung" byid: nyid ago". Nang khayhi' jhug zug da" khyoo: ri nya: myhi' phoo yigi nya: zoo: yiri tid kyo" ago".

COUNG" NGHEI 104:15

Nyhang" nyang: za: ngei pyo: khyoo: yoo" wa shid re" zabyid yeung yi noug soem" si bui" wa shid re" zhainloin: xu: yoem byeung" loo wa da" shid re" cenmoin" zooyho, ri nyangnu" yo" koid thu nyid.

COUNG" NGHEI 102:28

Ngoonu" da" amyed ashen yigi goug: goug: nyu: nyu: za: yo" nyid boem wa ziyo' nyangnu" da" amyed ashen yigi re" goem loem da" khoug: moo gau: nyu: nyid boem wa zi nghoid.

COUNG" NGHEI 28:7

Aseing gi ngoo ri goem coung: lhoug zung" byid: lho: gyivoo joem ri ve, pyam byid:. Ngoo gi nyang: moo: loem khau: nyid- nyang: gi ngoo ri pang" thoug byid: wigi ngoo ri gau, yi ngei pyoo: nhang:. Ngoo gi nyang: ri coung" nghei nyid.

COUNG" NGHEI 13:5

Ngoo gi re" da" jheddab nheug khyeug khyoo: ri daloem nyid. Nang gi ngoo ri khyoid yu wa nghoid yoomo ngoo gi gau, yi ngei pyoo: wa zi nghoid.

1 SAMUELA 2:1

Hana akyu" mho' khyoo: gi «Aseing gi nga" nheigloem: moo gau yi ziyo' pyeing byid: bye:. Nyang: bain koid bye: moo" zoo" yoomo khayhi' pyo: lha". Nga" gyivoo joem shidkhoin" moo ngoo yo" yi bye:. Mangsoo ngoo ri pang" thoug yoomo ngoo khayhi' pyo: lha".

APOEM AYANG: 43:34

Yoseb da" zoobui" mo shid" lho: nyangnu" ri voem: soin' zho" lo" wigi goobang: tho' re" Benyamin ri wim tu' je myoo: sho' kaid byid: da:. Houg: yoomo nyangnu" gi Yoseb yo' dage" yhid: yed sho' zo: shug boem ago".

APOEM AYANG: 18:19

Nyang: gi nya: zoo: yi yo' amyed ashen yigi ngoo ri phau" myang: lho: jo da" khyoo: yo' deing byeung" da" moo" zei: wa shid re" tid wa su: khyo" ngoo gi nyang: ri khyen: too" bye:. Nyangnu" tam" gyo: boem nghoid rigi ngoo we' nya: shid re" dangain" koid byid: wa ein: ngoo dangsoo" byid: too" bye:» ga: tid.

ACTS 13:33

Nyang: gi khanham we' ashid: loo: wa ga: yoomo nyang: ri shid: jang" mo doem dei to' loo nhang: ziyo' sen: lho: wigi Mangsoo gi Ngoo David ri byid: wa ein: da" dang: soo" khoin" ri byid: too" bye.

ACTS 2:39

Khasu" wimgari- Mangso dang: soo" khoin" gi nanu" shid mo we' nanu" da" nya: myed: nya: zoo: yi shid mo we' ngoonu" da" Mangsoo Aseing: nyang- khe: yu bye: yoomo vi: moo nyid mo, dangain" bang: shid re" we' byid: too" bye.

COUNG" NGHEI 90:16

Re" da" dei zoo: yi ngoonu" ri re" da" gyi: myhang: moo" zoo" ri myang nhang: we' Ngoonu" da" nya: myid: nya: zoo: yi we' re" myonhoo: phung" yoeb bo da" yoem: zeing so, moo" ri shau" myang nhang: we'.

COUNG" NGHEI 33:21

Ngoonu" gi: nya: gyeung" shang: myeing ri loem khau: nyid. Ngoonu" gi: nyang: yoomo gau yi ngei pyo: nyid boem.

ESAIA 54:13

Re" voobyu yiri ngoo nyang: jhau" shid wa. Nyangnu" ri yoo" zoo: yoo" shug khyoo: yo' ngei pyo: yug yo khyoo: ri byid: wa.

EZEKIEL 37:25

Nyangnu" gi nga" da" dei zoo: Yaku ri ngoo byid: to" da" mougmyid- nyangnu" da" phoug" phyid" yi nyid lid: lo da" mougmyid tho' moo nyid lo boem goo" wa. Nyangnu" gi houg: moo apyaid atoo: nyid lo boem goo' wa. Nyangnu" da" zooshang: yi yo' amyed ashen yi dangain" we' hougsu" koid loo goo" wa. Nga" dei zoo: David yhang: ti" da" khokham dayug gi nyangnu" da" atho' moo apyaid atoo: vhoeb nyid wa.

YOELA 2:23

Ziun mung" byu yi we"- gau yi nyid loo: ge'. Nanu" shid re" nanu" da" Mangsoo koid byid: bye: da" khyoo: yoomo ngei bu nyid ge'. Nyang: gi nanu" ri lid jhen" moug: myoo" sho' voo byid: da:- nyang: gi shid phyang" yo' dakhyoo" ti"- xung" moug: yo' zain vang khoem" mo moug: ri voo byid: nyid.

ESAIA 25:9

Hougsu" bui" lang" yugkhang" moo" gi «Nyang: gi ngoonu" Mangsoo nghoid. Ngoonu" nyang: ri loem khau: nyid lho: nyang: ngoonu" ri khyoid yu abye:. Nyang: gi Aseing nghoid. Nyang: ri ngoonu" loem khau: nyid wigi akhid" ngoonu" ngei pyo: nyid gau yi nyid. Ciwim gari nyang: ngoonu" ri khyoid yu abye:» ga: tid loo goo" wa.

ZEKHARIA 12:8

Hau: ayo, moo Aseing gi Yerusalem moo nyid mo, ri lhoug zung" lho: wigi nyangnu" khoug: mo yoem: neing: thang loug we' David yhang: ti" yoem: bo loo wa. David da" nya: myid: nya: zoo: yigi nyangnu" rilang" gi Aseing da" lagyoo: yhang: ti" Mangsoo nyang: yhang: ti" David nya: myid: nya: zo: wigi shu" vhu" shi: wa zi nghoid.