Biblia Todo Logo
在线圣经

- 广告 -




ZEKHARIA 10:6 - Lacid Common Language Bible

6 «Ngoo gi Yuda byumyu" yiri yoem: bo jo, nhang: wa nghoid. Israela byumyu" yiri khyoid yu wa. Ngoo gi nyangnu" ri nheig khyeug yoomo nyangnu" dangain" ri yhoem: khyoo: doem shu" tau" yu wa zi nghoid. Nyangnu" gi ngo wigi khanham we' angeug pyam' yu" da" mo, yo' dakhyoo" ti" nghoid wa. Ngoo gi nyangnu" da" Aseing Mangsoo nghoid- nyangnu" da" akyu" mho' thui: joem ri tam" gyoo: byid: nyid wa zi nghoid.

参见章节 复制




ZEKHARIA 10:6
39 交叉引用  

Deung nyid mo, rigi myi: yo' ngei zi ri kyeung yu yhang: ti" nyangnu" ri ngoo kyeung yu wa. Sheing: ri ca: yu" yhang: ti" nyangnu" ri ngoo ca: yu" wa. Hougsu" wigi nyangnu" ngoo ri mho' yoid uri ngoo nyangnu" ri tu" byid: wa nghoid. Nyangnu" ri ngoo gi nga" mung" byu yi nghoid ein: tid wa. Nyangnu" we' ngoo ri Aseing gi ngoonu" da" Mangsoo nghoid ga: yhen: yu lo boem wa»


Ngoo gi nga" byumyu" yiri yoem: gyi: loo nhang: wa. Hougsu" nyangnu" gi ngoo ri coung" pid lho: nga" dang: ri tam" gyo: wigi cang lo boem wa zi nghoid». Aseing tid too" bye:.


Israela gi Yuda yo' xo' tei" wigi nya: eig yug gi mougzhung: shoid mungdain: mo pyoung" nyhid: to" jang" mo dage" phang: lo lho: nanu" da" phoug" phyid" yiri apyaid atoo: mo jonu" khyo" ngoo byid: to" da" mougmyid khyoo: tau" phang: loo goo" wa» ga: tid.


Nghoid loug we' akhid" ngoo gi deung nyid shi" da" mung" byu hid: bang: rigi shid phyang" mo bang: ri yhang: ti" gi akoid nyid loo: wa ga: wigi yoem: moo" bo da" Aseing gi tid nyid.


Yuda byumyu" yi yo' Israela byumyu" yigi dadeing: daloem: za: doem bue" byug loo goo" wa. Nyangnu" gi nyangnu" shid re" vhujhung: dayug ri za: khyen: yu loo goo" wa. Houg: lho: nyangnu" gi nyangnu" da" mougmyid moo dalheing: dam gyi: sheung: lho: nyid gi yab ge yoo" zoo: yoo" shug loo goo" wa. Nghoid bye:. Yezerela bidnyid gi bidnyid zeing danyid" nghoid loo wa.


Yoem: moo" bo Aseing tid zigi «Ngoo gi Israela byumyu" yiri ngoo mo pang" thoug yu khyoo: dalheing: doem mho' nhang: wa. Houg: lho: ngoo gi nyangnu" ri yang kyung dakyung yhang: ti" je: loo nhang: wa.


Agyug goo"- ngoo nang yo' dage" nghoid. Ngoo gi re" Mangsoo nghoid- nang ri agyug nhang: wa. Ngoo gi nang ri yoem: boo: nhang: wigi pang" thoug wa. ngoo gi nang ri goem loem byid: wigi khyoid yu wa.


Byumyu" yigi he: da" khyoo: ri myang lang" nyangnu" gi yoem: boo nghoid loug we' vhooloo yu" kho" byug boem wa zi nghoid. Nyangnu" gi nheigloem: thang boem ziyo' nhoid myhid" ci: boem lho: nukhyab jhid ci: lo boem wa nghoid.


Byumyu" yi moo nyid deung gyoo" mo, gi siyoo moo zoo: noem ri kuang yen" da" khangkhyi joem yo' dakhyoo" ti" nghoid boem wa. Nyangnu" gi yang phung: gung khyoo: vang yhe: lho: yang joem ri byam zeug myheug yu wigi adu atoem ngaid phyed pyam lho: houg: mo yo" khyoid yu wa da" nheig byu jang: ajo, loo.


Aseing tid zigi «Yerusalem voobyu yi we"- nanu" da" gyivoo yiri yooboo dam yhe: kaid ge'. Ngoo gi nanu" ri joto' khyoug: yo' gyid: mid" khoodo, dab da" nujung loo: yo' dakhyoo" ti" yoem: boo nhang: wa zi nghoid. Nanu" gi byumyu" yi myoo" sho' ri mhoin pyam lho: athoug" akhyoug: khyo" nyangnu" yo" yu to" da" ziyoo jonu" joem ri moug: gyab goin" da" ngoo Aseing ri nanu" lo jung byid: boem wa nghoid.


Ngoo gi nga" byumyu" yiri hau: moug: moo de: nyhed: to" lho: nyangnu" ri nyid di nhang: wa. Ajheddab yug ein: myheig pyam bye: bang:- nga" byumyu" anghoid ein: myheing pyam bye: bang: ri ngo wigi jheddab myid ci: shug byid: wa. Ngoo gi «Nanu" nga" byumyu" yi nghoid» ein: tid wa Houg: lho: nyangnu" gi «Nang gi ngoonu" da" Mangsoo nghoid da» ga: tu" loo goo" wa.


Aseing gi nya: byumyu" Israela ri dalheing: doem nheig khyeug byid: lho: nya: byumyu" khyo" nyangnu" ri doem khyen: yu loo wa. Nyangnu" nya: mung" moo nyangnu" ri doem nyid nhang: wa. Tungbau byu yigi ju" re" lho: houg moo nyangnu" yo' dage" re" nyid boem wa.


Yoem: moo" bo Aseing tid zigi «Nghoid loug we' akhid" ngoo gi Israela byumyu" yi nghoid da" Yaku da" amyed ashen yiri nheig khyeug yu wigi nyangnu" ri dalheing: doem nyid gi yab ge nhang: wa. Ngoo gi nga" gyeung" shang: myeing ri goem loem yu wa.


Nyang: tid zigi «Shid: se' da" byu we" voosi" daloem koid: yu lho: hau: adang moo ‹Yuda khokham mungdain: ein: lhid" tab too" we'. Hougthang: gootu: voosi" daloem: doem koid: yu lho: hau: adang moo ‹Israela khokham mungdain: ein: lhid" tab too" we'.


Ngoo gi byu joem yo' gougnyhoug joem ri myo: je: loo nhang: wa. Nanu" gi shid phyang" tho' je myo: lo wigi nanu" gi zooshang: myoo" sho' yo" loo goo" wa. Ngoo gi nanu" ri hau: joyoo moo nanu" lhung nyid lid: lo kho' ziyo' dayhang: ti" nyid nhang: wa. Houg: lho: ngoo gi nanu" ri shid phyang" tho' je nyid gi yab ge nhang: wa. Houg: lang" ngoo Aseing nghoid ziri nanu" se' loo goo" wa.


Aseing tid zigi «Yuda byu yi yo' Israela byu yi yo' ngoo dang: theing aseig koid wa da" ayo, ju" lo nyid da:.


Israela we"- nang gi nga" da" jheddab thang da" yuggi zoo: Nga" jheddab thang da" zooshang: nghoid da:. Re" myeing ri ngoo tid khang" moo" jheddab myid yo' ngoo nang ri myid da:. Nga" nheigloem: nang yo' dage" nghoid wigi nang ri ngoo nheig khyeug byid: wa.


Aseing tid zigi «Ngoo gi Israela byumyu" kung: joem dangain" da" Mangsoo bue" lo wigi nyangnu" gi nga" byumyu" bue" loo goo" wa da" ayo, ju" lo nyid da:.


Aseing tid zigi «Nga" byumyu" yiri nyangnu" da" mougmyid doem byid: wa. Houg: lho: yhoemkhung: khang" moo" ri nheig khyeug byid: wa. Yerusalem gi doem tam: to" zi shau" wigi Hougmo khokham kho" gi doem zhug to" zi shoug" wa.


Nyang: khokham bue" loo lang" Yuda byumyu" yigi goem loem zi shoug" goo" wa. Israela byumyu" yigi ngei pyoo: yug yoo tung" shoug" nyid loo goo" wa. Nyang: gi ‹Ngoonu" khyoid yu Aseing› ga: myheing byid: zi shau" boem goo" wa.


Nga" da" yoem vhoo" gi nyang: yo' dage" khanham we' dabo jo, wa ziyo' nga" da" yoem so, yo' nyang: ri yoem lung: byid: wa zi nghoid.


Aseing tid zigi «Ngoo wigi shen" yhen to" da" nga" byumyu" yiri tungbau moug: moo dage" pyoung" nyhed: to" lho: yau: khi" phu" zo: nyid jang" mo doem shu" zheung" yu wa da" ayo, gi ju" lo nyid bye:.


Yaku yo' Yoseb da" byumyu" yigi myi: yhang: ti" bue" loo" wa. Myi: gi khoofoo: nghoid joem ri nge" pyam yhang: ti" nyangnu" gi Eso da" byumyu" yiri phyo' shoin' pyam loo wa nghoid. Eso da" amyed ashen yigi nyid deing loo wa zi anghoid ein: ngoo Aseing gi tid nyid bye:.


Nghoid loug we' Yuda byumyu" yiri gi jheddab myid toin" shed byid: wa. Ngoo nyangnu" Aseing Mangsoo gi nyangnu" ri khyoid yu wa nghoid loug we' ngoo gi hau: ziri meing: zain: khyo" akoid wa. Shamcoin"- Lid:- myoo: khaid- myang: yo' myang: jui: bang: ri aci: wa» ga: tid da:.


Aseing gi nyid byo: sain" jo, da" Israela yo' Yuda byumyu" yiri dalheing: doem zheing" yu nyid khyoo: ri byumyu" yiri ci: shug byid: wa shid re" aved asoo" dung khoin: ri tu: to' loo wa. Houg: lho: mougmyid myonhoo: myid: shoid goin" mo nyangnu" ri doem shu" tau" yu loo goo" wa.


Agyug- nang ngi: yoem" zi doem shoug" wa zi anghoid. Nang nyhoem: khyo' pyam zi shoug" wa zi anghoid. Apyaid nge da" yhoem: seing: myhi' yo' dakhyoo" ti" re" da" jhug azug ziri yo' Cougmoo" myhi' yhang: ti" re" da" nheig kyoo" nheig nge bue" ziyo' nheigloem: gyau: ziri nang to" myhid pyam wa.


Ngoo gi nheig yo: wigi daso' kyeing" nang mo phang: lo" zi nghoid. Nghoid loug we' apyaid atoo: moo nga" jheddab myid ngoo nang ri ci: shug byid: wa» ga: nang ri khyoid yu su: Aseing tid bye:.


Houg: yoomo ngoo gi nheig khyeug ziyo' Yerusalem shoid khyoo: doem phug loo bye:. Nga" yhoem: gi houg: moo zhug shi" wa zi nghoid. Yerusalem voomoo" ri we' nyheung koid shi" wa» ga: tid.


Hau: da" bidnyid ju" lo uri yang zung" su: gi nya: yang phung: ri gyoug pho" jang" mo khyoid yu yhang: ti" Aseing gi nya: byumyu" yiri khyoid yu wa nghoid. Nyangnu" gi bidmug mo lug nyoug joem yhang: ti" nyangnu" da" mougmyid moo lo, lo, bang nyid boem wa zi nghoid.


Ngoo gi byumyu" yi da" goonham' mo yoem: so' ri doem byid: wigi hau: ziri geing: teing sho' doem koid wa. Nyangnu" ri zeig zoo: bang: dangain" ri ngoo yooboo dam byid: wa.


Phajhi" juyhi: bo mo, gi hid: moo lhid" to" ziri se' gyo: yu lho: nyangnu" nheigloem: khoug: moo xoem" yu goo" baja". Aseing da" khyoo: joem gi jo da:. Houg: lho: deingmain" bang: gi hau: joem ri cang lho: dei nyid ago". Nghoid loug we' yooboo yoo" bang: koem' gi hau: joem ri cishu: anhang: yoomo khyid: vhu" thung" wigi leung lo" ago".


Hougsu" nghoid wigi myhi' zeing gi zoo: khu: re" jang" moo ju" sho' Aseing gi nya: byumyu" yiri nyangnu" da" gyivoo joem lo, khoug: moo she: pyam too" wa zi nghoid. Hau: thang: ri tungbau moug: moo pyoung" to" zi shau" da" Israela byumyu" yi gi nya: da" moug: moo nyid yam: cang" yi yo' dage" doem shoug" shoin" nyid wa nghoid.


跟着我们:

广告


广告