ZEKHARIA 10:12 - Lacid Common Language Bible

¹² Ngoo gi nga" byumyu" yiri yoem: gyi: loo nhang: wa. Hougsu" nyangnu" gi ngoo ri coung" pid lho: nga" dang: ri tam" gyo: wigi cang lo boem wa zi nghoid». Aseing tid too" bye:.

ZEKHARIA 10:12 交叉引用

ESAIA 41:10

Agyug goo"- ngoo nang yo' dage" nghoid. Ngoo gi re" Mangsoo nghoid- nang ri agyug nhang: wa. Ngoo gi nang ri yoem: boo: nhang: wigi pang" thoug wa. ngoo gi nang ri goem loem byid: wigi khyoid yu wa.

ZEKHARIA 10:6

«Ngoo gi Yuda byumyu" yiri yoem: bo jo, nhang: wa nghoid. Israela byumyu" yiri khyoid yu wa. Ngoo gi nyangnu" ri nheig khyeug yoomo nyangnu" dangain" ri yhoem: khyoo: doem shu" tau" yu wa zi nghoid. Nyangnu" gi ngo wigi khanham we' angeug pyam' yu" da" mo, yo' dakhyoo" ti" nghoid wa. Ngoo gi nyangnu" da" Aseing Mangsoo nghoid- nyangnu" da" akyu" mho' thui: joem ri tam" gyoo: byid: nyid wa zi nghoid.

ESAIA 2:5

Akhid"- Yaku da" amyed ashen yi we"- Aseing wigi ngoonu" ri byid: to" da" bidbang moo so" nyid shang.

2 TIMOTHI 2:1

Nga" zoo: we"- yha" da" Aseing: Khristu Yesu moo dadeing: daloem: za: bue" lho: wigi kangso' dei khyoo: mo yo" yu da" jeju" moo yoem: bo nyid we'.

MIKHA 4:5

Byumyu" yi ja: khang" moo" gi nyang: nya: da" yu phara" joem ri coung" pid boem wigi tam" gyo: nyid ago". Nghoid loug we' ngoonu" koem' gi ngoonu" da" Aseing Mangsoo ri apyaid atoo: moo coung" pid lho: nya: ji dang: ri tam" gyo: nyid boem wa nghoid.

KOLOSE 3:17

Houg: yoomo nanu" ce" moo" thu' nghoid loug we' mung main: khyoo: moo we' moozoo" jid: zo" khyoo: moo we' Aseing Yesu myeing ri lang: lho: dangain" ziri dakoid nyid wigi nya: khoug: khyo" phoo mangsoo ri jeju" daboin: so" nyid ge'.

KOLOSE 2:6

Nanu' gi Khristu Yesu ri Aseing: ga: wigi lhoem: yu bye ziyo' dakhyoo" ti" -nyang: yo' dage" deung: shoin" lho: kangso' dei nyid ge'.

PHILIPI 4:13

Ngoori yoem: lung: so' lung: byid: da" Khristu yoomo khyoo: khaid gu: khang" moo" yo" oung; lo" da" yoem: so' ngoo yo" yu nyid.

ESAIA 45:24

«Ngoo dayug khyo" wigi za: oung: doid ziyo' yoem so' ri yo" shau" myang ziri nyangnu" tid lo goo" wa. Nghoid loug we' ngoo ri ngheing" bang: dangain" gi xoo: sho' ngi: yoem' zi shau" boem goo" wa.

APOEM AYANG: 24:40

Nyang: gi ‹Ngoo loem khau: tam" gyo: nyid da" Aseing gi nang yo' dage" moug: lagyoo: nhang: byid: wigi nang ri oung: doid khyoo: byid: wa nghoid. Nang gi ngoo nya: byumyu"- nga" pho yhoem: byu yi mo yhoem: seing: myhi' dayug ri nga" zo: shid re" yo" shu" loo wa nghoid.

Ephesu 6:10

Lo" thang jang" moo hau: Aseing: yo' dagung za: bue" khyo" wigi we' nya: da" myonhoo: phung" yoeb, yoem: vhoo" khyo" we' nanu" da" yoem: zeing so' zeing ri loung: yu nyid ge'.

ZEKHARIA 12:5

Houg: lang Yuda kung: mo mo, gi nyang: nya: gung ri ‹Yoem: moo" bo da" Aseing Mangsoo gi Yerusalem moo nyid da" nya: byumyu" yiri yoem: byid: da› ga: tid lo boem wa nghoid.

APOEM AYANG: 5:24

Nyang: gi nya: dapyaid goin" Mangsoo yo' zoem" khau: nyid lho: hau: thang: nyang: ri amyang khari" loo:. Khasu" wim ga: ri Mangsoo nyang: ri shu" yu pyam bye:.

1THESALONI 4:1

Lo" thang jang" moo gi-mang nhung yi we"- mangsoo vho: ngei wa shid re" nanu" gi kha: khyo" kangso' dei nyid ca" da" khyoo: ngoonu" jang" mo nanu" jhau" yu abye: go- nanu" gi hau: khyoo: khyo" nyang: kangso dei nyid boem bye- hau: tho' moo je" yo" zei: soo, wa shid re" Yesu Khristu da" myeing khyang" khoug: moo nau" ri ngoonu" mho' tung" pain: joug jhoin" kaid' boem.

1THESALONI 2:12

Ngoonu" gi nanu" ri yoem: byid: khyoo: yo' nheig teing byid: khyoo: koid lid lo yu" boem bye- nya: da" mungdain moo yo" bo vang zoo: wa ziyo' myonhoo: phung yoeb, yo" bo kham: yu goo" baja" ga- nanu' ri khe: yu da" Mangsoo ri vho: ngei nhang: da" kangso' dei khyoo: moo daso" lo" nyid wa shid re" ngoonu" gi xo loo: xo' jhoug" byid: nyid boem bye.

EZEKIEL 30:24

Hau: thang: ngoo gi Babelon khokham da" lo, ri yoem: boo nhang: wigi nga" shamcoin" ri nya: lo, khyoo: ab byid: wa. Nghoid loug we' Egutu khokham da" lo, ri khyoug" pyam byid: wa. Houg: lho: nyang: gi nya: gyivoo yi shidkhoin" moo noo kyeing" kyeing" lho: shid: lo" byug wa.