YOSHU 24:2 - Lacid Common Language Bible

² Yoshu gi byumyu" yi dangain" bang: ri «He: zigi Israela da" Aseing Mangsoo tid da" dang: nghoid da:. Hau: zigi ‹Goonham- nanu" phoug" phyid" yigi Uphrad thei: tab moo nyid wigi yu phara" gootu: ri no' bang: nghoid ago". Hau: phoug" phyid" yi mo dayug gi Abraham yo' Nahora tang: da" nya: phoo Tera nghoid da:.

YOSHU 24:2 交叉引用

YOSHU 24:15

Nanu" nyang: ri anau dei byid: goo" nghoid rigi hang" ri dei byid: wa khyoo: ri akhid" nyid" myid phyed ge'. Mesopotamia mung" mo nanu" phoug" phyid" yi no' lo da" yu phara" joem anghoid lang" nanu" akhid" nyid nyid da" Amori byu yi yu phara" joem ri dei byid: goo" wa la". Ngoo yo' nga" yhoem: byu yi koem' gi Aseing ri dei byid: wa.» ga: tid da:.

APOEM AYANG: 31:30

Nang gi re" yhoem: loo" wa gye" so' kho' yoomo nang phang: khare" ziri gi ngoo se' gyo:. Nghoid loug nang gi ce: gang mo nga" yhoem: zung" yu phara" joem ri khau" lo" lha"» ga: yhe: tid.

EZEKIEL 16:3

Yoem: moo" bo Aseing nyang: ri tid nyid ziri Yerusalem ri tid kyoo" we'. «Nang gi Khanan mung" moo khu: re" zi nghoid da:. Re" phoo gi Amori byu nghoid wigi re" myhi' gi Hiti byu nghoid da:.

ESAIA 51:2

Nanu" phoug" Phyid" Abraham yo' nanu" ri khu: myhu: kaid da" Sara ri myid boin: ge'. Abraham ri ngoo khe: uri nyang: gi zooshang: ayoo" shi" nghoid da:. Nghoid loug we' ngoo gi nyang: ri mainkaid byid: lho: nyang: ri zoo yi du yi byid: bye:. Ngoo gi nya: amyed ashen yiri gye" myoo: nhang: bye:.

TARHA" TID POIN" 26:5

Hau: thang: nang gi Aseing shidkhoin" moo he: dang: khoin" joem ri zhang: ca" da:. Nga" phoug" phyid" gi nyid lam" yen" da" Arami byu nghoid. Nyang: gi nya: ikoin deungkhu: byu yiri Egutu khyoo: shu" yhe: wigi houg: moo yhe: nyid da:. Nyangnu" gi hau: mung" khyoo: yhe: lo" uri amyoo: nghoid loug we' nyid myo: re" wigi yoem: bo da" byu damyu" bue" lo ago".

APOEM AYANG: 35:4

Houg: yoomo nyangnu" gi nyangnu" ci: da" tungbau yu phara" dangain" Yaku ri byid: pyam lho: nyangnu" xei" ci: da" noo: khuang ri we' ab byid: ago". Nyang: gi houg: ziri Shekhem nam mo Shookhi" gam nam moo du: myhoeb pyam kho'.

APOEM AYANG: 31:53

Abraham da" Mangsoo yo' Nahora da" Mangsoo gi nya" tang: agyoo: moo dang: phyed byid: nyid baja"» ga: tid. Houg: lang" nya: phoo Isag noku da" Mangso myeing khyang" moo Yaku gi phau" myang: ziyo' he: da" dangsoo" khoin" ri zoem: ci: abye:.

APOEM AYANG: 31:32

Nghoid loug we' hid: mo hang" jang" moo nghoid nghoid re" yu phara" shoug" sho: nghoid rigi hau: yug gi said shoug" baja". Hid the'- myang ziyo' dakhyoo" ti" nga" byu yi shid moo nang yo' sen: re" da" zi dangain" ri sho: yu" we'» ga: tid. Rakhela gi Laban da" yu phara" khau" ci: lo ziri Yaku asi' nghoid da:.

APOEM AYANG: 31:19

Laban gi yang moug" yham" wa yhe: lo" uri nya: phoo abyam nyid gyoo: moo Rakhela gi nya: pho da" yhoem: zung" yu phara" joem ri khau" yu loo" bye:.

APOEM AYANG: 11:26

Thera 70 zain nghoid uri nyang: gi Abram- Nahora yo' Haran bang: da" nya: phoo bue" loo bye:.

LUKA 3:34

Yuda gi Yaku da" nya: zoo:- Yaku gi Isag da" nya: zoo:- Isag gi Abraham da" nya: zoo:- Abraham gi Thera nya: zoo:- Thera gi Nahura da" nya: zoo:-

APOEM AYANG: 11:24

Nahora 29 zain nghoid uri Thera ga: da" yuggi zoo: dayug ri yoo" bye:.

APOEM AYANG: 11:27

He: zigi Abram- Nahora yo' Haran bang: da" nya: phoo Thera da" amyed ashen yi nghoid. Haran gi Lod da" nya: phoo nghoid lho:

APOEM AYANG: 11:22

Serug 30 zain nghoid uri Nahora ga: da" yuggi zoo: dayug ri yoo" bye:.

1 KHOKHAM MHOOMYID: 1:27

yo' Abram (Abraham ga: we' myeing yoo" su:) nghoid ago".