YONA 2:9 - Lacid Common Language Bible

⁹ Nghoid loug we' ngoo gi nang ri coung" nghei lid jhoem" kaid wa. Ngoo nang ri xoin" too byid: wa. Ngoo tid to" da" dangsoo" ri ngoo zei: pyeing: byid: wa zi nghoid. Khyoid yu khyoo: gi Aseing jang" mo ju" re" da» ga: tid.

YONA 2:9 交叉引用

COUNG" NGHEI 3:8

Oung: doid lo" khyoo: gi Aseing jang" mo za: nghoid nyid. Nyang: gi nya: da" byumyu" yi atho' moo mainkaid byid: nyid baja" o".

COUNG" NGHEI 50:14

Jeju" boin: coung" ngei zigi Mangsoo ri: nghei" byid: da" re" xoin" nghoid baja". nang dangsoo" byid: to" zi dangain- gyi: myhang: Mangsoo ri byid: pyam we'.

HEBRE 13:15

Houg: su" nghoid yoomo ngoonu" gi nyang: ri ngoonu" da" Aseing: nghoid ein: yhen: yu da' nhoid joem yo' jeju" ri coung" byid: da" ngoonu" xoin" joem ri Aseing Yesu khyo" wigi Mangso jhang khyoo: khanham we' dangei" byid: nyid boem shang.

COUNG" NGHEI 50:23

Jeju" boin: so" khyoo: joem gi ngoo ri phoug" tab, ngi: shab xoin" nghoid. Nga" da" dang: tam" gyoo: bang: dangain" mo, ri ngoo gi gyeing" gyeing" nyang: khyoid yu wa zi nghoid.

HOSEA 14:2

Aseing jhang doem tau" lo lho: he: akyu" mho' dang: gi nyang: ri shugbyid: da" re" xoin" nghoid baja". Ngoonu" yooboo joem dangain" ri khyoid pyam byid: lho: ngoonu" da" akyu" mho' dang: ri khab yu byid: la. Houg: lho: ngoonu" dangsoo" to" ziyo' dakhyoo" ti" nang ri coung" byid: wa.

COUNG" NGHEI 68:20

Yha" da" Mangsoo gi khyoid yu da" Mangsoo nyang: nghoid bye:. Nyang: gi Aseing nghoid. Shid: gyoin' noogyoin' mo khyoid khyi: yu da- yha" Aseing nyang: nghoid bye:.

Roma 12:1

Hougsu" nghoid yoomo Mang: nhung" yi we" - Mangsoo: gi ngoonu" ri gye jheddab nheig khyeug yoomo Mangso: moo" bo voin zi yo" dei nyid da" xoin" du: yhang: ti" bue" wa shid' re" nanu" da" gungdoem: ri xoin" to" ab noung" pyam' ge'. Houg lang" she' nanu" gi Aseing: ri deingbyeing" khyo" yo" noku boem wa.

ESAIA 45:17

Nghoid loug we' Israela ri Aseing wigi khyoid yu zi shau" da:. Israela da" oung: doid zigi apyaid atoo: moo deing jo, wa. Israela byumyu" yigi khanham we' ngi: yoem' zi ashoug" wa.

Pang Shug 7:10

Nyang: nu" tid nyid boem zigi khyoid yu da" jeju" gi zhung: tang tho' moo zhoung: jo, su: ngoonu" da" Mangsoo yo' yang nu" jang" mo yo" yu zi nghoid- ga: wigi thui: moo" yo' yoid nyid boem.

YOHAN 4:22

Nanu" Samari yi gi nyang: tu: nyang: ase' da" Mangsoo ri Noku ago". Ngoo nu" gi ngoonu" nyang: si' bye: da" Mangsoo ri da noku boem. Khasu" wim gari Khyoid yu khyoo: gi Yuda byumyu" mo wigi ju" loo yoomo nghoid nyid.

YEREMIA 33:11

Ngei pyo: wigi nyho: da" thui:- lo, xo' pui" moo pyo: da" thui: joem ri nanu" doem shoug" gyoo: loo goo" wa. Byumyu" yi nga" Noku Yhoem: Moo" khyoo: jeju" boin: xoin" ci: re" boem uri nyangnu" jikhoin" khoin" boem da" ziri nanu" shau" gyo: loo goo" wa. Nyangnu" gi ‹Myhang: thang Aseing ri jeju" coung" ge'. Ciwim gari: nyang: gi ge wigi nya: jheddab myid gi apyaid atoo: nghoid da› ga: tid boem. Ngoo gi he: mungdain: ri shid phyang" nyid gi yab ge yhi' nyid gi yab gi sho' koid wa. Ngoo Aseing tid too" bye:» ga: tid da:.

YOBA 22:27

Nang akyu" mho' ri nyang: gi nang ri tu" byid: wa. Houg: lho: nang gi nang koid to" da" dang: theing ri cang loo wa.

APOEM AYANG: 35:3

Nyhang" hid: mo thu lo" lho: ngoo yau: khi" shoug" nyid ayo, moo ngoo ri pang" thoug lho: ngoo yhe: lo" da" khyi' khang" moo" moo dage" nyid nyid da" Mangsoo ri ngei" xoin" to' wa shid re" phoin: ri zhug wa yhe: loo" shang» ga: tid.

ACTS 4:12

Khyoid yu khyoo: gi nyang: mo za: yo" kham: yu nyid ngoonu" ri yo" khyoid yu da" Mangsoo byid: khyoid khyi: yu su: gi moug: myed gyab, goin" jang" moo gootu: dayug we' aboo loo.

COUNG" NGHEI 107:22

Nyangnu" gi xoin" du: joem yo' nyang: ri jeju" boin: coung" nghei boem wa zi nghoid. Gau, yi da" jikhoin" dang: yo' nyang: koid shug bye: khyoo: dangain" ri tid kyo" boem wa nghoid.

2 SAMUELA 15:7

Myid: zain myang" thang: ri Absalom gi khokham ri Aseing jhang ngoo to" da" dangsoo" khoin" ri yo" cang pyeing baja". Hebron voomoo" khyoo: ngoo ri yhi: nhang: we'.

TARHA" TID POIN" 23:18

He: moo" khyo" yo" da" ngei ri we' nanu" Aseing Mangso da" Noku Yhoem: Moo" khyoo: thang" cab pyeing byid: wa shid re" age ci: vang yhi: goo" wa. Aseing gi noku yhoem: mo shava phoo shava myhi' ri ngheing" nyid da:.

COUNG" NGHEI 27:1

Aseing gi nga" da" bidbang yo' khyoid yu khyoo: nghoid yoomo ngoo hang" ri we' gyoug aca" wa. Pyaid mo too: mo da" Aseing gi gyoug ci' ja: dangain" jang" mo ngoo ri lhoug zung" nyid yoomo ngoo khanham we' gyoug dain zi ashoug" loo: wa.

COUNG" NGHEI 95:2

Nya: shidkhoin" moo jeju" boin: ziyo' ngoonu" vang yhi: shang- jihkoin" dang: thui: yo' nyang: ri ngei bu: coung" byid: shang.

1 SAMUELA 12:21

Khyoo: vhang: vhang: nhang: da" yu phara" joem jhang khyoo: ayhi: goo". Houg: bang: gi nanu" ri yo" bo pang" wa zi anghoid- houg: bang: gi gyeing" anghoid boem yoomo nanu" ri yo" khyoid yu wa zi we' anghoid.